Səhiyyə Nazirliyinin vəzifəli şəxslərinə hökm oxundu
Hadisə 04 Noyabr 2025, 12:39
3745
Rüşvət almaqda təqsirləndirilən Səhiyyə Nazirliyi Respublika Sanitariya-Karantin Mərkəzinin sabiq baş direktoru Saleh Novruzi, sabiq direktor müavini Yadulla Balışov və Laboratoriya şöbəsinin sabiq müdiri Tahir Vəliyevin cinayət işi üzrə məhkəmə prosesi başa çatıb.
CityPost.az xəbər verir ki, Bakı Ağır Cinayətlər Məhkəməsində hakim Rasim Sadıxovun sədrliyi ilə keçən prosesdə hökm oxunub.
Hökmə əsasən, Saleh Novruzi, Tahir Vəliyev, Yadulla Balışov 9 il azadlıqdan məhrum ediliblər.
Təqsirləndirilən şəxslərin yaşı və səhhəti nəzərə alınmaqla Cinayət Məcəlləsinin 70-ci maddəsi tətbiq edilib. Onların cəzası 5 il sınaq müddəti seçilməklə şərti hesab olunub.
Qeyd edək ki, ötən ilin mayında Baş prokuror yanında Korrupsiyaya qarşı Mübarizə Baş İdarəsinin keçirdiyi əməliyyat-axtarış tədbirləri nəticəsində Səhiyyə Nazirliyinin Respublika Sanitariya-Karantin Mərkəzi publik hüquqi şəxsin baş direktoru Saleh Novruzi, direktor müavini Yadulla Balışov və Laboratoriya şöbəsinin müdiri Tahir Vəliyev cinayət başında yaxalanıblar.
Həmçinin oxuyun
Fakt üzrə Baş İdarədə Cinayət Məcəlləsinin müvafiq maddələri ilə cinayət işi başlanıb.
Əməliyyat-istintaq tədbirləri ilə həmin şəxslərin qabaqcadan əlbir olaraq müayinə məqsədli nümunələr götürülmədən idxal və daxili istehsal məhsullarının gigiyenik sertifikatlaşdırılması və digər bu kimi qanunsuz hərəkətləri müqabilində işlədikləri quruma müraciət etmiş ayrı-ayrı vətəndaşların külli miqdarda pul vəsaitlərini rüşvət qismində almalarına əsaslı şübhələr müəyyən edilib.
Qeyd edilən vəzifəli şəxslərin xidməti otaqlarında və digər ünvanlarda aparılmış axtarışlarla iş üzrə əhəmiyyət kəsb edən sənəd və başqa sübutlar aşkar edilərək götürülüb.
İlkin sübutlar əsasında Saleh Novruzi, Yadulla Balışov və Tahir Vəliyev şübhəli şəxs qismində tutularaq Cinayət Məcəlləsinin 311.3.1, 311.3.2, 311.3.3 (qabaqcadan əlbir olan bir qrup şəxs tərəfindən təkrar və külli miqdarda rüşvət alma) və 308.2-ci (ağır nəticələrə səbəb olan vəzifə səlahiyyətlərindən sui-istifadə) maddələri ilə təqsirləndirilən şəxs qismində cəlb edilib.
Hər 3 şəxsin yaşı və səhhəti nəzərə alınmaqla, barələrində istintaq orqanının vəsatəti, ibtidai araşdırmaya prosessual rəhbərliyi həyata keçirən prokurorun təqdimatı əsasında məhkəmənin qərarı ilə ev dustaqlığı (əsas) və vəzifədən kənarlaşdırma (əlavə) növündə qətimkan tədbirləri seçilib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Gəncə prospektində elektrik transformatoru yanıb
Bakının Xətai rayonu, Gəncə prospektində yanğın hadisəsi baş verib.APA xəbər verir ki, ilkin məlumata görə, yanğın bölgədə yerləşən transformatorda qeydə alınıb.Hadisə yerinə dərhal Fövqəladə Hallar Nazirliyinin əməkdaşları cəlb olunub. Yanğın qısa müddətdə söndürülüb və alovun digər ərazilərə keçməsinin qarşısı alınıb.Hadisə zamanı xəsarət alan olmayıb.Faktla bağlı araşdırma aparılır.
08 Sentyabr 2026, 22:20
Suraxanıda 14 kiloqrama yaxın narkotik tapıldı
Suraxanı rayonunda narkotik vasitələrin qanunsuz dövriyyəsinə qarşı əməliyyat keçirilib.Bu barədə Citypost.az-a Daxili İşlər Nazirliyinin (DİN) mətbuat xidmətindən məlumat verilib.Bildirilib ki, tədbirlərlə bu əməldə şübhəli bilinən, əvvəllər məhkum olunmuş 46 yaşlı Samir Baxşıyev saxlanılıb.Onun üzərindən 14 kiloqrama yaxın narkotik vasitə aşkarlanaraq götürülüb.Faktla bağlı cinayət işi başlanılıb, araşdırma aparılır.
08 Sentyabr 2026, 20:50
Balaxanı qəsəbəsi ərazisində obyektdə yanğın olub
Fövqəladə Hallar Nazirliyinin “112” qaynar telefon xəttinə Bakı şəhəri, Sabunçu rayonu, Balaxanı qəsəbəsi ərazisində obyektdə yanğın baş verməsi barədə ilkin məlumat daxil olub.Citypost.az xəbər verir ki, bu barədə Fövqəladə Hallar Nazirliyinin mətbuat xidməti məlumat yayıb.Bildirilib ki, məlumatla əlaqədar hadisə yerinə dərhal FHN Dövlət Yanğından Mühafizə Xidmətinin qüvvələri cəlb olunub.Hazırda yanğınla mübarizə tədbirləri davam etdirilir.Əlavə məlumat veriləcək.
08 Sentyabr 2026, 20:19
“Şəki yaylası”nda faciə - 2 nəfər öldü
Şəkiyə istirahətə gedən iki nəfər faciəvi şəkildə ölüb.Citypost.az “Qafqazinfo”a istinadən xəbər verir ki, hadisə bu gün Şəki rayonundakı istirahət mərkəzlərinin birində baş verib.Belə ki, Qax rayon sakini 30 yaşlı Məmmədov Coşqun Ceyhun oğlu və 27 yaşlı Bayramov Ucal Asif oğlu hündürlükdən yıxılaraq həlak olublar.Hazırda hadisə ilə bağlı araşdırma aparılır.
08 Sentyabr 2026, 20:04
Lənkəranda külək irigövdəli ağacı avtomobilin üstünə aşırıb
Lənkəranda güclü külək ağacı avtomobil üstünə aşırıb.APA-nın cənub bürosunun verdiyi xəbərə görə, hadisə şəhərin Kiçik Bazar deyilən ərazisində qeydə alınıb. Belə ki, yağışla müşayiət olunan güclü külək iri gövdəli ağacı hərəkətdə olan "Chevrolet Cruze" markalı nəqliyyat vasitəsinin üstünə aşırıb. Xəsarət alan olmayıb, maşına ciddi ziyan dəyib.Dərhal əraziyə FHN-nin Cənub Regional Mərkəzinin xilasediciləri cəlb olunub. Avtomobil üstünə aşan ağac xüsusi avadanlıqlar vasitəsilə budanaraq yol kənarına çəkilib.Hazırda rayon ərazisində güclü küləyin yaratdığı fəsadlar aradan qaldırılır....
08 Sentyabr 2026, 11:36
Küləkli havada 4 nəfər xəsarət alıb
Küləkli hava şəraiti ilə əlaqədar baş vermiş hadisələr nəticəsində 4 nəfər xəsarət alıb.Citypost.az xəbər verir ki, bu barədə Səhiyyə Nazirliyindən bildirilib.Məlumata görə, güclü küləyin təsiri nəticəsində üç qadın və bir kişi Səhiyyə Nazirliyinin Elmi-Tədqiqat Travmatologiya və Ortopediya İnstitutuna hospitalizasiya olunub."Xəsarət alan şəxslərə müvafiq tibbi yardım göstərilib. Onların vəziyyətləri qənaətbəxş qiymətləndirilib və ambulator müalicə üçün evə buraxılıblar. Ev şəraitində müalicə və tibbi nəzarətlə bağlı müvafiq tövsiyələr verilib.Mütəxəssislər güclü küləkli hava şəraitində vətəndaşları ehtiyatlı olmağa, mümkün qədər açıq ərazilərdə, ağacların, reklam konstruksiyalarının və digər təhlükə yarada biləcək obyektlərin yaxınlığında dayanmamağa çağırırlar", məlumatda deyilir....
08 Sentyabr 2026, 10:24
