Mədəaltı vəzi niyə gec xəbər verir?

Mədəaltı vəzi xəstəliklərinin diaqnozu əksər hallarda gec qoyulur. Mütəxəssislərin sözlərinə görə, bunun əsas səbəbi mədəaltı vəzin yüksək kompensasiya qabiliyyətinə malik olmasıdır. Orqanın bir hissəsində problem yaransa belə, sağlam qalan hissə uzun müddət onun funksiyasını yerinə yetirə bilir. Nəticədə xəstəlik ilk mərhələlərdə ciddi əlamətlərlə özünü göstərmir və bir çox insan şikayətlərini adi həzm pozğunluğu hesab edərək həkimə müraciəti gecikdirir.

Citypost.az xəbər verir ki, mütəxəssislər bildirirlər ki, mədəaltı vəzin əsas vəzifəsi qidaların həzmi üçün vacib olan fermentləri hazırlamaqdır. Bu fermentlərdən lipaza yağların, amilaza karbohidratların, proteaza isə zülalların parçalanmasına kömək edir. Fermentlərin ifrazı azaldıqda qidalar tam həzm olunmur və müxtəlif həzm problemləri meydana çıxır.İlk mərhələdə müşahidə olunan əlamətlər adətən diqqətdən kənarda qalır. Yeməkdən sonra qarında köp, gəyirmə, ürəkbulanma, ağırlıq hissi, həzmsizlik və qarında narahatlıq bir çox insan tərəfindən "mədəmdəndir", "çox yemişəm", "qazdır" kimi qiymətləndirilir. Halbuki bu şikayətlər bəzən mədəaltı vəzin fəaliyyətinin zəifləməsinin ilk xəbərdaredici siqnalları ola bilər.Elmi araşdırmalar göstərir ki, mədəaltı vəzin ferment ifrazı təxminən 90 faizə qədər azalmayana qədər xəstəlik özünü açıq şəkildə büruzə verməyə bilər. Məhz buna görə də bu orqanın xəstəlikləri çox vaxt gec mərhələdə aşkarlanır. Xəstə uzun müddət müxtəlif həzm problemləri yaşasa da, əsas səbəb müəyyən edilmədiyi üçün müalicə də gec başlayır.

Mütəxəssislərin sözlərinə görə, xüsusilə yağlı yeməklərdən sonra şikayətlərin artması diqqətə alınmalıdır. Yağlı qidalardan sonra qarında şişkinlik, köp, gəyirmə, ürəkbulanma və ağırlıq hissinin yaranması lipaza fermentinin çatışmazlığının əlaməti ola bilər. Vaxt keçdikcə daha ciddi simptomlar meydana çıxır.Bu əlamətlər arasında nəcisin yağlı və pis qoxulu olması, açıq rəng alması, suyun üzərində qalması, səbəbsiz arıqlama, yeməkdən sonra güclü halsızlıq, qarının yuxarı hissəsində başlayaraq bel nahiyəsinə yayılan ağrılar xüsusi diqqət tələb edir. Belə hallarda özbaşına diaqnoz qoymaq və ya internetdə oxunan məlumatlarla müalicəyə başlamaq düzgün hesab edilmir.

Mütəxəssislər vurğulayırlar ki, bu cür şikayətlər olduqda mütləq həkimə müraciət edilməli, mədəaltı vəzi ilə yanaşı öd kisəsi, qaraciyər, mədə və bağırsaq sistemi də kompleks şəkildə müayinə olunmalıdır. Erkən diaqnoz xəstəliyin ağırlaşmasının qarşısını almaqda mühüm rol oynayır.Həkim müayinəsi nəticəsində ferment çatışmazlığı təsdiqlənərsə, müalicə planına ferment tərkibli preparatlar daxil edilə bilər. Mütəxəssislərin bildirdiyinə görə, **Mikrazim 25000** həzm fermentləri tərkibli dərman vasitələrindən biridir. Preparatın tərkibində lipaza, amilaza və proteaza fermentləri mövcuddur. Bu fermentlər yağların, karbohidratların və zülalların parçalanmasına kömək edərək qidaların daha yaxşı həzm olunmasına dəstək verir.Preparatın tərkibindəki mikroqranullar qida ilə qarışaraq bağırsaqda fermentlərin daha effektiv işləməsinə şərait yaradır. Kapsul adətən yemək zamanı və ya yeməkdən dərhal sonra qəbul edilir. Onu çeynəmək və ya əzmək tövsiyə olunmur, kifayət qədər su ilə bütöv udulmalıdır.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Mütəxəssislər sonda bir daha xatırladırlar ki, davamlı həzm problemləri, xüsusilə yağlı qidalardan sonra yaranan narahatlıqlar adi hal kimi qəbul edilməməlidir. Vaxtında aparılan müayinə və düzgün müalicə mədəaltı vəzin funksiyasının qorunmasına, ağırlaşmaların qarşısının alınmasına və həyat keyfiyyətinin yüksəlməsinə kömək edə bilər. Ferment preparatları isə yalnız həkim məsləhəti ilə istifadə olunmalıdır.

Yusif