Paşinyandan Əliyevə sülh mesajı: “Minnətdaram”
Siyasət 18 Sentyabr 2026, 19:31
325
Ermənistanın Baş naziri Nikol Paşinyan Cənubi Qafqazda sülhün bərqərar olmasına verdiyi töhfəyə görə Azərbaycan Prezidenti İlham Əliyevə minnətdarlığını bildirib.
Citypost.az xəbər verir ki, Paşinyan bu barədə Hessen Sülh Mükafatını aldığı mərasimdə bildirib.
O, çıxışında bildirib ki, Ermənistan və Azərbaycan xalqları keçmişi dəyişdirə bilməyəcəklərini, amma bu günü və gələcəyi dəyişdirə biləcəklərini anlayaraq sülhü qəbul etdi və dəstəklədi:
"Mən həmçinin bu mükafata eyni dərəcədə layiq olan Azərbaycan Prezidenti İlham Əliyevə minnətdarlığımı bildirmək istəyirəm. Eləcə də Ermənistan və Azərbaycan xalqlarına təşəkkür edirəm. Münaqişənin səbəb olduğu çətinliklərə, insan itkilərinə və iztirablara baxmayaraq, onlar keçmişi dəyişə bilməyəcəklərini, lakin bu günü və gələcəyi dəyişə biləcəklərini anlayaraq sülhü qəbul etdilər və dəstəklədilər".
Paşinyanın sözlərinə görə, sülhün bərqərar olması üçün əsas 2025-ci il avqustun 8-də Vaşinqton sammitində onun və İlham Əliyevin qəbul etdiyi, ABŞ Prezidenti Donald Trampın iştirakı ilə imzalanmış birgə bəyannamə olub.
Həmçinin oxuyun
Baş nazir qeyd edib ki, 2024-cü ildə ölkələr sərhədin delimitasiyası və demarkasiyası üzrə komissiyaların birgə fəaliyyət reqlamentini imzalayıb və ratifikasiya ediblər. Sənəd 1991-ci il Alma-Ata bəyannaməsini bu prosesin əsas prinsipi kimi təsbit edib.
"Bu o deməkdir ki, Ermənistan və Azərbaycan bir-birinin ərazi bütövlüyünü və suverenliyini tanıyır. Bu prinsip həmçinin xarici işlər nazirlərimizin Vaşinqton sülh sammiti zamanı parafladığı Ermənistan və Azərbaycan arasında sülhün və dövlətlərarası münasibətlərin qurulması haqqında sazişdə təsbit edilib", - o əlavə edib.
Paşinyan sazişin paraflanmasını və birgə bəyannamənin qəbul edilməsini Ermənistan və Azərbaycan münasibətlərində tarixi irəliləyiş adlandırıb.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Rəsmi Bakı Fransanın Azərbaycana səyahət xəbərdarlığını rədd etdi
“Fransanın Avropa və Xarici İşlər Nazirliyinin mətbuat katibinin 17 sentyabr tarixli açıqlamasında Azərbaycana səyahət xəbərdarlığını “özbaşına saxlanılma və ədalətsiz məhkəmə araşdırması riski” iddiaları ilə əsaslandırmağa çalışmasını qətiyyətlə pisləyir və rədd edirik”.Citypost.az xəbər verir ki, bu barədə Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə Fransanın Avropa və Xarici İşlər Nazirliyinin mətbuat katibinin Azərbaycana səyahət xəbərdarlığı ilə bağlı mövqeyinə münasibət bildirərkən deyib.Onun sözlərinə görə, ayrı-ayrı cinayət işləri üzrə Azərbaycan qanunvericiliyinə uyğun həyata keçirilən məhkəmə proseslərinin siyasi mülahizələr əsasında təqdim edilməsi və Azərbaycan məhkəmə sisteminə müdaxilə cəhdləri qəbuledilməzdir.“Fransanın Azərbaycanla bağlı belə ittihamlar səsləndirərkən öz hüquq-mühafizə və penitensiar sistemində mövcud problemləri...
18 Sentyabr 2026, 17:46
Deputat: “20 Sentyabr dövlət suverenliyimizin rəmzidir”
Azərbaycan xalqının müasir tarixində elə əlamətdar günlər vardır ki, həmin tarixlər yalnız təqvimdə müəyyən olunmuş gün deyil, milli yaddaşın, dövlətçilik iradəsinin və gələcəyə inamın rəmzinə çevrilmişdir. Məhz 20 Sentyabr – Xankəndi, Xocalı, Xocavənd və Ağdərə şəhərləri günü də belə mühüm tarixi günlərdəndir.Azərbaycan Respublikasının Prezidenti cənab İlham Əliyevin müvafiq sərəncamı ilə 20 sentyabr tarixi həm də Xankəndi, Xocalı, Xocavənd və Ağdərə şəhərləri günü kimi müəyyən edilmişdir. Bu sözləri Citypost.az-a açıqlamasında millət vəkili Pərvanə Vəliyeva bildirib.Deputat əlavə edib ki, 20 Sentyabr eyni zamanda Azərbaycan dövlətinin öz ərazi bütövlüyünü və suverenliyini təmin etmək istiqamətində həyata keçirdiyi ardıcıl siyasətin mühüm nəticələrindən birini ifadə edir. Bu...
18 Sentyabr 2026, 12:46
Hikmət Hacıyev Almaniya səfiri ilə görüşdü
Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Almaniya səfiri Dirk Lölke ilə görüşüb.Citypost.az xəbər verir ki, bu barədə Almaniyanın Azərbaycandakı səfirliyi məlumat yayıb.Görüşdə iqtisadiyyat, təhsil, sülh və təhlükəsizlik, eləcə də digər mühüm məsələlər müzakirə olunub.“Görüş zamanı hər iki tərəf Almaniya–Azərbaycan əməkdaşlığının geniş imkanlara malik olduğunu vurğulayıb. Açıq və konstruktiv fikir mübadiləsinə görə təşəkkür edirik!”, - məlumatda qeyd olunub....
18 Sentyabr 2026, 10:56
Tahir Kərimli: “Azərbaycanlıların türk kimliyi şübhə doğurmamalıdır”
Sabiq deputat, siyasətçi Tahir Kərimli azərbaycanlıların türk kimliyi ilə bağlı fikirlərini bölüşüb.Citypost.az xəbər verir ki, T.Kərimli qeyd edib ki, digər türk xalqlarından fərqli olaraq, azərbaycanlıların türk olub-olmaması məsələsi tez-tez mübahisə mövzusuna çevrilir.“Suallar yaranır ki, nə üçün azərbaycanlıların əhəmiyyətli hissəsi digər türk xalqlarına nisbətən daha çox türk olduqlarını qabardırlar? Çünki heç kim qazax, özbək, qırğız, türkmən və tatarların türk olduqlarını şübhə altına almır. Hamı onların türk olduqlarını qəbul edir. Lakin azərbaycanlıların türk olması ciddi mübahisələr predmetidir”, – deyə o bildirib.Siyasətçinin sözlərinə görə, xalqın böyük hissəsi, ziyalılar və digər xalqların nümayəndələri müxtəlif etnoqrafik, tarixi və coğrafi əsaslar gətirsələr də, bu məsələdə yekdil...
18 Sentyabr 2026, 09:04
Aydın Quliyev: “Azərbaycanın BMT-yə qarşı təzminat tələb etmək hüququ var”
“Bakı-Xəbər” qəzetinin baş redaktoru, jurnalist, politoloq və siyasətçi Aydın Quliyev Azərbaycanın BMT-yə qarşı maddi və mənəvi təzminat tələbi irəli sürmək hüququnun olduğunu bildirib.Citypost.az xəbər verir ki, A.Quliyev Prezident İlham Əliyevin BMT-nin fəaliyyəti ilə bağlı səsləndirdiyi fikirlərin əsaslı olduğunu qeyd edib. Onun sözlərinə görə, əgər BMT-nin hüquqi mexanizmləri və güc tətbiqetmə sistemi qeyd-şərtsiz və effektiv şəkildə işləsəydi, Azərbaycanın işğal olunmuş əraziləri daha əvvəl azad edilə bilərdi.Politoloq hesab edir ki, işğalın uzun müddət davam etməsi Azərbaycanın maddi itkilərinin artmasına, minlərlə insanın həyatını itirməsinə və çox sayda vətəndaşın şəhidlik və qazilik taleyi yaşamasına səbəb olub.“Bu məntiqlə Azərbaycanın BMT-yə qarşı beynəlxalq hüquq müstəvisində maddi...
18 Sentyabr 2026, 09:00
Mətanət Ağamirli: “Ermənilər nə istəyir? Yenə müharibə, yenə ölüm?”
Tanınmış jurnalist Mətanət Ağamirli xarici diplomatik korpus nümayəndələrinin Qarabağ və Şərqi Zəngəzura səfəri ilə bağlı ermənilərin sərt tənqidi barədə paylaşım edib.Citypost.az xəbər verir ki, M.Ağamirli erməni cəmiyyətinin səfərlə bağlı reaksiyasını tənqid edərək yazıb: “Ermənilər nə istəyir? Yenə müharibə, yenə ölüm? Yetmədimi 30 illik işğal, vəhşilik, soyqırım?”Jurnalistin sözlərinə görə, xarici diplomatik korpus nümayəndələrinin Qarabağ və Şərqi Zəngəzura kütləvi səfəri Azərbaycanın uzun illər ərzində müdafiə etdiyi mövqeyinə beynəlxalq diqqətin göstəricisidir. O qeyd edib ki, erməni siyasi dairələrində və mediada bu səfərə münasibətdə xəyal qırıqlığı və qıcıqlanmanın müşahidə olunması gözlənilən idi.M.Ağamirli bildirib ki, illərdir alışılmadığı münasibətlə üzləşmək və Azərbaycanın mövqeyinin qəbul edilməsi Ermənistan...
18 Sentyabr 2026, 08:56
