Rövşən Muradov: “Regional əməkdaşlıq Azərbaycanın strateji rolunu gücləndirir”
Siyasət 09 Oktyabr 2026, 10:47
440
Müasir beynəlxalq münasibətlər sistemində Azərbaycanın Mərkəzi Asiya dövlətləri ilə əməkdaşlığı ölkəmizin xarici siyasətində strateji əhəmiyyəti davamlı yüksələn istiqamətlərdən birinə çevrilmişdir. Tarixi-mədəni yaxınlıq, ortaq iqtisadi maraqlar və regional təhlükəsizlik prioritetləri üzərində formalaşan bu münasibətlər Prezident İlham Əliyevin ardıcıl diplomatik fəaliyyəti nəticəsində keyfiyyətcə yeni inkişaf mərhələsinə qədəm qoymuşdur.
Bu sözləri Milli Məclisin deputatı Rövşən Muradov Citypost.az-a açıqlamasında bildirib.
Deputatın sözlərinə görə, Azərbaycanın 2025-ci ilin noyabrında Mərkəzi Asiya Dövlət Başçılarının Məşvərət görüşləri formatına tamhüquqlu üzv qəbul edilməsi isə Xəzərin hər iki sahilində yerləşən dövlətlər arasında siyasi koordinasiyanın və iqtisadi inteqrasiyanın institusional əsaslarını əhəmiyyətli dərəcədə möhkəmləndirmişdir.Bu baxımdan 2026-cı il Azərbaycan–Mərkəzi Asiya münasibətlərinin inkişaf dinamikası ilə xüsusilə fərqlənir. Prezident İlham Əliyevin may ayında Qazaxıstana, iyul və avqust aylarında Qırğızıstana, avqustda Özbəkistana, oktyabrda isə Türkmənistana səfərləri dövlətlərarası siyasi dialoqun intensivliyini və regional əməkdaşlığın sistemli xarakterini nümayiş etdirir. Qazaxıstanda Türk Dövlətləri Təşkilatının Zirvə görüşündə iştirak, Özbəkistanla Ali Dövlətlərarası Şuranın üçüncü iclası, Qırğızıstanla müttəfiqlik münasibətlərinin müqavilə əsasında möhkəmləndirilməsi və Türkmənbaşıda keçirilən 8-ci Məşvərət görüşü qarşılıqlı əlaqələrin ikitərəfli tərəfdaşlıqdan çoxtərəfli strateji əməkdaşlığa doğru inkişafını əks etdirir.
Millət vəkili vurğulayıb ki, Münasibətlərin mühüm xüsusiyyətlərindən biri iqtisadi əməkdaşlığın siyasi etimadla paralel genişlənməsidir. Ötən il Azərbaycanın Mərkəzi Asiya dövlətləri ilə ticarət dövriyyəsinin 50 faizdən çox artması, ölkəmizdə həmin dövlətlərin kapitalı ilə 400-dən artıq şirkətin fəaliyyət göstərməsi regional iqtisadi inteqrasiyanın real göstəriciləridir. Qazaxıstan, Özbəkistan və Qırğızıstanla yaradılmış, hər birinin kapitalı yüz milyonlarla dollar təşkil edən birgə investisiya fondları isə sənaye kooperasiyasının dərinləşdirilməsi, istehsalın şaxələndirilməsi və ortaq ixrac potensialının artırılması üçün mühüm maliyyə imkanları formalaşdırır. Bu əməkdaşlığın perspektiv səmərəliliyi məhz qarşılıqlı investisiyaların yüksək əlavə dəyər yaradan istehsal sahələrinə istiqamətləndirilməsi ilə müəyyənləşəcəkdir.Azərbaycanın coğrafi mövqeyi və son illərdə formalaşdırdığı müasir nəqliyyat infrastrukturu Mərkəzi Asiya dövlətlərinin beynəlxalq bazarlara çıxış imkanlarının genişləndirilməsində xüsusi əhəmiyyət daşıyır. Orta Dəhliz üzrə tranzit yükdaşımalarının ötən il 10 faizdən çox, cari ilin ilk səkkiz ayında isə təxminən 20 faiz artması bu istiqamətdə həyata keçirilən siyasətin praktik nəticələrini göstərir. Xəzər hövzəsində liman, dəmir yolu və logistika imkanlarının əlaqələndirilməsi, paralel olaraq “Rəqəmsal İpək Yolu” layihəsinin inkişafı regionun qlobal ticarət və kommunikasiya sisteminə inteqrasiyasını sürətləndirir.
Həmçinin oxuyun
R. Muradov əlavə edib ki, Energetika sahəsində əməkdaşlıq da yeni iqtisadi perspektivlər yaradır. Qazaxıstan və Türkmənistan neftinin Azərbaycan üzərindən beynəlxalq bazarlara nəqli, Özbəkistan və Qazaxıstanla birgə yaşıl enerji dəhlizinin yaradılması istiqamətində görülən işlər ölkəmizin regional enerji təhlükəsizliyində strateji rolunu gücləndirir. Bununla yanaşı, Özbəkistanın Füzulidə, Qazaxıstanın Füzulidə, Qırğızıstanın Ağdamda həyata keçirdiyi sosial infrastruktur layihələri və Türkmənistanın Füzulidə məscid tikintisi təşəbbüsü xalqlarımız arasındakı mənəvi bağlılığın əməli ifadəsidir.Türkmənbaşıda keçirilən 8-ci Məşvərət görüşü və dövlət başçıları tərəfindən imzalanan sənədlər bütün bu proseslərin siyasi davamlılığını möhkəmləndirən mühüm mərhələ kimi qiymətləndirilməlidir. Prezident İlham Əliyevin regional siyasətinin başlıca strateji nəticəsi Azərbaycanın Mərkəzi Asiya ilə əməkdaşlıqda etibarlı siyasi tərəfdaş, mühüm investisiya və logistika mərkəzi, eyni zamanda Avrasiyanın iqtisadi inteqrasiya proseslərində fəal iştirak edən dövlət kimi mövqeyinin güclənməsidir. Bu inkişaf xətti qarşıdakı dövrdə regional sabitliyin, ortaq iqtisadi rifahın və uzunmüddətli strateji tərəfdaşlığın möhkəmlənməsi üçün əlverişli zəmin formalaşdırır.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Zahid Oruc: “Azərbaycan Avrasiyanı birləşdirən qovşağa çevrilə bilər”
İlham Əliyev və Donald Trampın Bakı Zirvəsini keçirməsi mümkündürmü?Mərkəzi Asiya vahid geosiyasi məkana çevrilir. Birləşmənin institusional əsasları 2017-ci ildən başlandı. Əsas məqsəd regionun problemlərini və gələcəyini xarici vasitəçilərin iştirakı olmadan əvvəlcə öz aralarında həll etmək idi. Çoxəsrlik tarixi olan, Sovetlər Birliyinin dağılmasından sonra Qərb, Çin, Türkiyə və Rusiya arasında gələcəyini müəyyənləşdirməyə çalışan müstəqil dövlətlər son illər bütöv halda hansı qlobal iqtisadi və siyasi sistemə qoşulacaqlarını müəyyənləşdirməyə çalışırlar. 9 ildir yaradılan C5 regional formatı beynəlxalq dairələrdə mühüm təsisat kimi qəbul edilir. Lakin ondan iki il öncə ABŞ-ın formalaşdırdığı C5+1 Platforması əvvəlcə təhlükəsizlik, Əfqanıstan və sərhəd problemlərinə yönəltmək üçün qurulmuşdu, indi isə kritik...
09 Oktyabr 2026, 10:49
Prezident: “Azərbaycan regionun əsas nəqliyyat qovşaqlarından biridir”
2026-cı ilin ilk yarısında Azərbaycan üzərindən tranzit daşımalarının həcmi 10 faiz artaraq təxminən 8 milyon tona çatıb.Citypost.az xəbər verir ki, bunu Azərbaycan Respublikasının Prezidenti İlham Əliyev Türkmənbaşı şəhərində keçirilən MDB Dövlət Başçıları Şurasının iclasında çıxışı zamanı deyib.Dövlət başçısının sözlərinə görə, əlverişli coğrafi mövqeyə malik Azərbaycan müasir nəqliyyat-logistika infrastrukturunu demək olar ki, sıfırdan yaradıb.“Azərbaycan Şimal–Cənub və Şərq–Qərb beynəlxalq dəhlizləri üzrə etibarlı tranziti təmin etməklə regionun əsas nəqliyyat qovşaqlarından biri kimi mövqeyini ardıcıl şəkildə möhkəmləndirir”, – Prezident İlham Əliyev vurğulayıb....
09 Oktyabr 2026, 10:33
Elçin Rüstəmli: “Mürəkkəb vəziyyət yaranıb”
Jurnalist Elçin Rüstəmli məktəblərdə vahid geyim qaydaları və hicabla bağlı müzakirələrə münasibət bildirib.Citypost.az xəbər verir ki, Elçin Rüstəmli qeyd edib ki, internetdə apardığı araşdırma zamanı bir sıra postsovet ölkələrində məktəbli geyimi ilə bağlı dövlət tərəfindən müəyyənləşdirilmiş qaydaların mövcud olduğunu öyrənib. Onun sözlərinə görə, Türkiyə və Rusiyada da bu məsələ ilə bağlı fərqli yanaşmalar tətbiq olunur.Jurnalist Azərbaycanda Nazirlər Kabinetinin vahid məktəbli geyimi ilə bağlı qərarından sonra sosial şəbəkələrdə hicablı müəllimələrə xəbərdarlıq edildiyini göstərən videoların yayıldığını bildirib.“Etiraf edək ki, mürəkkəb vəziyyət yaranıb. Onun həll edilməsində dövlət qurumları ilə yanaşı, ictimai təşkilatların və medianın da öz rolunu oynaması vacibdir”, – deyə Rüstəmli vurğulayıb.Onun...
09 Oktyabr 2026, 09:12
İlham Əliyevlə Paşinyanın qeyri-rəsmi söhbəti oldu
Prezident İlham Əliyev və Ermənistanın Baş naziri Nikol Paşinyan Türkmənistanda keçirilən konsertdə bir araya gəliblər.Citypost.az xəbər verir ki, onlar konsert proqramını izləyərkən qeyri-rəsmi söhbət aparıblar. Qeyd edək ki, Azərcaycan və Ermənistan liderləri sabah keçiriləcək MDB Dövlət Başçıları Şurasının iclasında iştirak etmək üçün Türkmənistandadırlar. Bu gün hər iki ölkənin dövlət başçıları mədəni tədbirdə iştirak edirlər.
08 Oktyabr 2026, 21:21
Cəlil Xəlilov: “İtkinlərlə bağlı konfrans yeni zəmin formalaşdıracaq”
“Oktyabrın 7-də Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyasının təşkilatçılığı ilə İtkin düşmüş şəxslər üzrə “Bakı Dialoqu” çərçivəsində “İtkin düşmüş şəxslər probleminin həllində etimadın gücləndirilməsi və effektiv mexanizmlərin inkişaf etdirilməsi” mövzusunda IV beynəlxalq konfrans qlobal əhəmiyyətə malikdir”.Citypost.az xəbər verir ki, bunu Redaktor.az-a açıqlamasında Müharibə, Əmək və Silahlı Qüvvələr Veteranları Təşkilatının sədri, hərbi-siyasi ekspert polkovnik Cəlil Xəlilov bildirib. Pokovnik qeyd edib ki, konfransda itkin probleminin həlli istiqamətində Azərbaycan dövlətinin atdığı addımlara diqqət çəkilib, habelə, bu istiqamətdə görülməsi gərəkən işlər vurğulanıb:“İtkin düşmüş şəxslərlə bağlı IV beynəlxalq konfrans sözügedən problemin həlli istiqamətində Prezident İlham Əliyevin rəhbərliyi altında dövlətimizin...
08 Oktyabr 2026, 13:44
İlham Əliyev: “Yaşıl enerji dəhlizinin yaradılması istiqamətində iş aparırıq”
Energetika sahəsi Azərbaycan ilə Mərkəzi Asiya ölkələri arasında əməkdaşlıqda xüsusi yer tutur.Citypost.az xəbər verir ki, bu sözləri Prezident İlham Əliyev Azərbaycan və Orta Asiya Dövlət başçılarının 8-ci Məşvərət görüşündə çıxışı zamanı deyib.Dövlət başçısı bildirib ki, Azərbaycan Mərkəzi Asiyadan enerji resurslarının beynəlxalq bazarlara tranzitində mühüm rol oynayır.Onun sözlərinə görə, Türkmənistan və Qazaxıstandan hasil olunan neft Azərbaycanın ərazisi ilə nəql edilir və bu daşımaların həcmi artır.Prezident İlham Əliyev qeyd edib ki, bərpaolunan enerji sahəsində də əməkdaşlıq ardıcıl şəkildə genişləndirilir.“Biz Qazaxıstan və Özbəkistanla “yaşıl enerji” dəhlizinin yaradılması istiqamətində birgə iş aparırıq”, – Prezident bildirib.Dövlət başçısı vurğulayıb ki, Azərbaycan və Mərkəzi Asiya ölkələri arasında...
08 Oktyabr 2026, 11:12
