Onun bir şakəri var- kökə bağlılıq... Elman Eldaroğlu yazır...
Söz adamı 08 May 2026, 08:31
260
Bu dəfə sizə uzun illər Yardımlı rayon Vətəndaşların Vəziyyəti Aktlarının Qeydiyyatı idarəsinə rəhbərlik etmiş Ağahüseyn kişinin yadigarlarından biri- Gülhüseyn Cəfərov haqqında söhbət açmaq istəyirəm. Onu əməlində dürüst, xeyirxah, imanlı kişilərdən biri kimi tanıyıram. Amma gəlin əvvəlcə onun rəsmi tərcümeyi halına nəzər yetirək. Deməli, Gülhüseyn Cəfərov 1959-cu ilin may ayının 8-də Yardımlının Arus kəndində dünyaya gəlib. İlk növbədə onu qeyd edim ki, onun dünyaya gəldiyi gün həftənin cümə gününə təsadüf edir. Cümə günü doğulanların isə xoş aurası olur və həyat eşqi ilə dolu, səbirli, humanist adamlardır. Estetik zövqləri var, özlərinə çox güvənirlər. Daxil olduqları istənilən mühitdə mütləq diqqəti özlərinə çəkirlər. Bir də, gözəl həmsöhbət olurlar. Nə isə, Gülhüseyn Cəfərov, orta təhsilini başa vurandan sonra indiki Azərbaycan Dövlət Pedaqoji Universitetində ali təhsilə yiyələnib. 1981-ci ildə təyinatla Cəlilabad rayon indiki Göytəpə şəhərinə göndərilib. Elə o vaxtdan da orada məskunlaşıb. Amma ata-baba yurduna çox bağlıdır və övladlarını da bu ruhda böyüdüb...
Deyir ki:- “Mənim bir şakərim var, kökə bağlılıq. Ata-babamın, nəsil-kökümün təmiz adını qoruyub saxlamaq. Mənim üçün bundan məsuliyyətli bir iş yoxdur...”
Gülhüseyn müəllim Göytəpəyə gələndən sonra bir müddət müəllim, təlim-tərbiyyə işləri üzrə direktor müavini vəzifələrində çalışıb. 90-cı illərdən Respublikada yaranan vəziyyətlə əlaqədar məktəbdən uzaqlaşıb, ticarətlə məşğul olub. Hal-hazırda kənd təssərüfatı işlərilə məşğuldur. Öz əkin sahəsində kartof, çiyələk, eləcə də üzüm becərir. Və götürdüyü hər məhsuldan dostlarına da pay ayırır. Hansı sahədə çalışmasından asılı olmayaraq, onun meyarı halallıq və kiminsə haqqına girməməkdir. Həyatın mənasını təmiz adda görür...
Böyük oğlu Vüqar Azərbaycanda tibb universitetinə daxil olsa da, əlaçı olduğuna görə III kursdan onu dövlət hesabına Türkiyəyə göndəriblər. Orada uzmanlıq üzrə təhsili alıb. Hazırda Türkiyədə nöroloji(nervoloji) cərrah işləyir. Beyinə stend qoyulması üzrə tanınmış həkimdir. Qızı ingilis dili müəllimi kimi bir vaxtlar atasının işlədiyi məktəbdə çalışır. Kiçik oğlu Əli isə 2 ali məktəb bitirərək Bakı şəhərində polis zabiti kimi daxili işlər orqanlarında xidmət edir...
“Özümün də və övladlarımın da əsas istəyimiz- vətənpərvərlik və dövlətçiliyə xidmətdir.”- söyləyir.
Xülasə, bu gün- mayın 8-i Gülhüseyn Cəfərovun 67 yaşı tamam olur. 67 rəqəmi mələklərin numerologiya sistemində maddi işlərlə mənəviyyat arasında tarazlıq yaratmağı, ev və iş həyatında harmoniyanı simvolizə edir. Bu rəqəmin həm də mistik tərəfi var. Mistikada bu rəqəm sevgi və gözəllik, bəzən isə sehirli təsirlərlə əlaqələndirilir. Gülhüseyn müəllimə möhkəm can sağlığı arzulayıram...
Hörmətlə, Elman Eldaroğlu
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ağdamdan Bakıya uzanan ömür yolu: Əliş İsa oğlu Mustafayevin xatirəsinə…
Əliş İsa oğlu Mustafayev (15 noyabr 1931 – 8 may 2007) – Azərbaycan sənaye tarixində öz izini qoymuş, ömrünü ölkənin kimya və istehsal sahələrinin inkişafına həsr etmiş görkəmli təsərrüfat və dövlət xadimlərindən biri idi.Onun həyat yolu Qarabağın ürəyi olan Ağdamdan başlayıb, Bakının sənaye ritmi ilə davam edən bir zəhmət salnaməsinə çevrilmişdir.O, Ağdamdan Bakıya gümüş medalla gəlmişdi. Gənclik illərində fəlsəfəyə böyük maraq göstərsə də, həyat onu başqa istiqamətə yönəltdi – sənədlərini Neft və Kimya İnstitutuna verdi. Bu seçim sadəcə peşə seçimi deyildi; bu, gələcəkdə ölkənin sənaye tarixində silinməz iz buraxacaq bir ömrün başlanğıcı idi.1955-ci ildən gənc mütəxəssis kimi Vano Sturua adına...
07 May 2026, 13:20
Radioloqu yandıran şüa - Qurban Yaquboğlu yazır..
Milli Onkologiya Mərkəzinin həkimi, nəhayət, vəfat etdi. "Nəhayət" sözü ötən qeyri-müəyyən zaman kəsimində acı təəssüfü ifadə eləməkdən ötrü ortadadı. Eyni zamanda aprelin 30-da baş vermiş müdhiş hadisənin - pis bir "ilk"in 6 gün sonra son nöqtəyə çatışını bildirir.Tək bizdə yox, bütün dünyada hələ də ən çarəsiz diaqnozların qoyulduğu bir ünvan sayılan onkoloji xəstəxanada törədilmiş olayın sanki unudulmaqda olan özəti yenidən gündəmə gəldi. Təfərrüat? Yox, bu dəfə təfərrüata varmaq imkan xaricindədi. Xəstəxanaya gəlib qumbarayla özünü və həkimi partladan Mübariz (bu, Azərbaycanda sevilən adlardandı) kimdi, nəçidi, doğrudanmı qazidi, Qarabağa müharibəsinin 1-cisində, yoxsa 2-cisində iştirak edib və edibmi? Bilmirik. Mübarizi qumbaraya əl atmağa məcbur edən...
07 May 2026, 10:45
Zaur Əliyev: Şiltberqerin əsərində Azərbaycan türklərinin kimliyi və tarixi təsviri
Azərbaycan türkləri söz verdisə, canı bahasına olsa da, o sözü yerinə yetirər:- Alman əsgər və səyyah İohann ŞiltberqerSizlərə maraqlı bir kitab təqdim edirəm. Müəllifi alman Marko Polosu kimi tanınan İohann Şiltberqerin yazdığı bu kitab onun 30 il Şərqdə yaşaması və gördükləri əsasında hazırlanıb. Kitabın tam adı “Bavariyalı İohann Şiltberqerin Avropa, Asiya və Afrikada əsarəti və səyahətləri, 1394-1427” və PDF forması https://archive.org/details/bondagetravelsof00schirich ilə tanış ola bilərsiniz. Qeyd edim ki, bu kitab Azərbaycan barədə qiymətli əsərlərdən sayılır, çünki müəllifi buranın müxtəlif şəhərlərində (Təbriz, Bakı, Şamaxı) olmuş və Qarabağın yaylaqlarında qalıb. Orta əsr Azərbaycanının coğrafiyası, etnik tərkibi və adət-ənənələri haqqında müəllif bir birindən dəyərli məlumatları...
06 May 2026, 10:20
Bizim Firudin müəllim... Elman Eldaroğlu yazır...
Doxsan bir il fərqlə məşhur Ziqmund Freydlə eyni gündə doğulublar. Freyd təhtəlşüur fikir və psixoloji repressiya mexanizmi nəzəriyyəsi ilə tanınsa da, onu da müstəqil ölkəmizin ilk təhsil naziri kimi tanıyırlar. Biri dünya elminin inkişəfında vacib xidmətlər göstərib, o biri isə Azərbaycan təhsilində test üsulunun tətbiqində əhmiyyətli rol oynayıb... Cəmi bir il nazir işləyib, amma bir ömürlük xalq məhəbbəti qazanıb. Adı çəkiləndə, ünvanına xoş sözlər deyilir. Ortaq türk dili söhbəti ilk dəfə ortaya atılanda, aləm bir-birinə dəymişdi. Necə deyərlər, ara sakitləşəndə mükəmməl bir fikir söylədi: “H”, “Ə”, “Ö”, “Ü” və s. hərfləri ana dilindən yığışdırmaq olmaz!..Ölkənin görkəmli alimlərindəndir- alimlər isə iki cür...
06 May 2026, 10:11
Güntay Tölge: Sabir Rüstəmxanlı – 80 yaşında böyük ziyalı
Sabir Rüstəmxanlının şeir kitabını ilk dəfə olaraq Tehranda bir dostumdan alıb oxumuşdum. Kril Əlifbasında. Adı hafizəmdə qalmışdı. Sonra sanıram 1987-ci il idi. Kəndimizdə ağ-qara televizionumuzda Bakının proqramlarını izlərkən, yaraşıqlı və xalis türk görünümlü gənc bir kişinin söhbətini gördüm. Fərman Kərimzadə haqqında danışarkən TV səhifəsinin altında danışan bu yaraşıqlı kişinin adını kril əlifbasında çətinliklə oxudum: Sabir Rüstəmxanlı. Demək Tehranda ceb kitabı şəklində bir dostumdan aldığım o kitabın yazarı Sabir Rüstəmxanlı bu yaraşıqlı kişi imiş. Bu, Sabir Rüstəmxanlı ilə ilk TV dalqasında görüşmüşlüyüm oldu. Bir neçə il keçdi. Yenə də Rüstəmxanlını Milli Məclisdə danışarkən TV-də gördüm. Bu dəfə mitinqlərdə...
05 May 2026, 10:39
Məmməd Arazın həmyerlisi...
Əlabbas Bağırsoy- 69Onunla Yardımlıda- yazıçı Aslan Quliyevin evində tanış olmuşuq. Doğrudur, sonradan yollarımız nadir hallarda kəsişib, amma haqqında topladığım məlumatlara, bir də təəssüratlarıma əsaslanıb onun obrazını yaratmağa özümdə güc tapacağıma inanıram. Axı, mayın 5-i növbəti ad gününü qeyd edəcək... Bəli, bu dəfəki söhbəimin qəhrəmanı yazıçı, publisist, esseist Əlabbas Bağırsoydur. 1957-ci il may ayının 5-də Şahbuz rayonunun Nurs kəndində anadan olub. Orta təhsilə həmin kənddə yiyələnib. 1973–1978-ci illərdə Azərbaycan Dövlət Universitetinin filologiya fakültəsində ali təhsil alıb.1978-ci ildə əmək fəaliyyətinə Şahbuz rayonunun Mahmudava kənd orta məktəbində dil-ədəbiyyat müəllimi kimi başlayıb. 1982-ci ildən sonra isə Bakı şəhər Tramvay-Trolleybus İdarəsinin yataqxanasında tərbiyəçi müəllim, Azərbaycan Dövlət...
05 May 2026, 10:17
