Qulaqlıqdan uzun müddət istifadə eşitmə qabiliyyətini zəiflədə bilər
Tibb 11 May 2026, 08:39
249
Son illər qulaqlıq istifadəsi gündəlik həyatın ayrılmaz hissəsinə çevrilib. İnsanlar musiqi dinləmək, film izləmək, oyun oynamaq və telefon danışığı üçün saatlarla qulaqlıqdan istifadə edirlər. Lakin həkimlər xəbərdarlıq edir ki, qulaqlıqdan yüksək səslə və uzun müddət istifadə eşitmə qabiliyyətinə ciddi zərər vura bilər.
Citypost.az xəbər verir ki, mütəxəssislərin sözlərinə görə, insan qulağının daxilində çox incə və həssas işitmə hüceyrələri yerləşir. Bu hüceyrələr gələn səs dalğalarını qəbul edərək beyinə ötürür və eşitmə prosesini təmin edir. Normal səs səviyyəsində bu hüceyrələr problemsiz fəaliyyət göstərir. Ancaq yüksək səsə uzun müddət məruz qaldıqda işitmə hüceyrələri normadan artıq işləməyə məcbur olur.
Həkimlər bildirirlər ki, davamlı yüksək səs yükü nəticəsində bu hüceyrələr zamanla yorulur və zədələnir. Ən təhlükəli məqam isə odur ki, zədələnmiş işitmə hüceyrələri özünü bərpa etmir. Bu səbəbdən insanlarda əvvəlcə qulaqda zəifləmə, küy, uğultu və səsə qarşı həssaslıq yaranır, daha sonra isə eşitmə qabiliyyətində qalıcı problemlər meydana çıxa bilər.
Mütəxəssislər qeyd edirlər ki, xüsusilə gənclər arasında yüksək səslə musiqi dinləmək vərdişi son illərdə ciddi problemə çevrilib. İnsanlar ətraf səsi eşitməmək üçün qulaqlığın səsini maksimum həddə qaldırır ki, bu da qulaq sinirlərinə əlavə yük yaradır. Uzun müddət yüksək səsə məruz qalmaq yalnız eşitməni zəiflətmir, eyni zamanda sinir sisteminə də mənfi təsir göstərə bilir.
Həkimlərin sözlərinə görə, qulaqlıqla saatlarla fasiləsiz musiqi dinləmək beyində yorğunluq, diqqət pozğunluğu, əsəbilik və yuxu problemləri yarada bilər. Xüsusilə qulaqlıqla yatmaq çox təhlükəli hesab olunur. Çünki gecə boyunca davam edən səs təsiri həm qulaq sinirlərini, həm də beynin istirahət rejimini pozur.
Həmçinin oxuyun
Mütəxəssislər təhlükəsiz istifadə üçün bir sıra qaydalara əməl etməyi tövsiyə edirlər. Belə ki, qulaqlıqdan 1-2 saatdan artıq fasiləsiz istifadə edilməməli, səs səviyyəsi maksimum həddə çatdırılmamalıdır. Həmçinin müəyyən fasilələrlə qulaqlara istirahət vermək vacib sayılır.
Həkimlər vurğulayırlar ki, qulaqda küy, eşitmədə zəifləmə, uğultu və ya başgicəllənmə kimi əlamətlər yaranarsa, bunu sadə yorğunluq hesab edib gecikdirmək olmaz. Vaxtında aparılan müayinə gələcəkdə yarana biləcək ciddi eşitmə problemlərinin qarşısını ala bilər.
Mütəxəssislərin fikrincə, texnologiyadan düzgün istifadə etmək mümkündür, əsas məsələ qulaqların sağlamlığını qorumağı unutmamaqdır.
Yeganə
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Süni bud oynağı nə qədər xidmət edir? – Mütəxəssisdən vacib açıqlama
Bud oynağında yaranan ciddi zədələnmələr, xüsusilə də artrit və osteoartrit kimi xəstəliklər insanın gündəlik həyat keyfiyyətini ciddi şəkildə aşağı sala bilir. Ağrı, hərəkət məhdudiyyəti və yerimədə çətinlik bir çox hallarda xəstələri süni bud oynağı əməliyyatına məcbur edir. Bəs bu protezlər nə qədər müddət xidmət edir və əməliyyatdan sonra hansı hallara diqqət edilməlidir?Citypost.az-ın məlumatına görə,ortoped-travmatoloqlar bildirirlər ki, bud oynağı insan bədənində ən çox yüklənən oynaqlardan biridir.Zaman keçdikcə oynaq qığırdağı aşınır və sümüklər bir-birinə sürtünməyə başlayır. Bu zaman xəstələrdə davamlı ağrı, axsama, hərəkətdə sərtlik və oturub-durmaqda çətinlik yaranır.Mütəxəssislərin sözlərinə görə, dərman və fizioterapiya artıq effekt vermədikdə ən effektiv üsullardan biri bud oynağının...
11 May 2026, 12:35
Ayaqaltı yanmalar hansı xəstəliklərin xəbərçisi ola bilər?
Ayaqların altında yaranan yanma hissi bir çox insan tərəfindən yorğunluq və ya müvəqqəti narahatlıq kimi qəbul edilsə də, mütəxəssislər bildirirlər ki, bu simptom bəzən sinir sistemi və daxili orqanlarla bağlı ciddi problemlərin ilk əlaməti ola bilər. Xüsusilə gecələr artan ayaqaltı yanmalar, göynəmə, iynəbatma və “qarışqa gəzmə” hissi insanın gündəlik həyat keyfiyyətini ciddi şəkildə poza bilir.Citypost.az-ın məlumatına görə, Nevroloqların sözlərinə görə, ayaqaltı yanmalar əsasən sinirlərin qıcıqlanması və ya zəifləməsi nəticəsində yaranır. Bu zaman pasiyentlər ayaqlarında istilik hissi, sanki alov içindəymiş kimi yanma, keyimə və sancma şikayətləri ilə həkimə müraciət edirlər. Bəzi hallarda bu narahatlıq gecə saatlarında daha da güclənir və yuxu...
11 May 2026, 10:37
Tək böyrəklə yaşamaq mümkündürmü? - HƏKİM RƏYİ
İnsan orqanizmi çox mürəkkəb və eyni zamanda adaptasiya qabiliyyəti yüksək olan bir sistemdir. Böyrəklər də bu sistemin ən vacib orqanlarından biridir. Normal halda insanın iki böyrəyi olur və onlar birlikdə gündə təxminən 150–200 litr qan plazmasını filtrasiya edərək orqanizmdə su-duz balansını və toksinlərin atılmasını təmin edir.Citypost.az-ın məlumatına görə, lakin bəzi hallarda – anadangəlmə xüsusiyyətlər, travmalar və ya xəstəliklər nəticəsində – insan tək böyrəklə də yaşaya bilər. Bu zaman orqanizmdə maraqlı bir adaptasiya prosesi baş verir.Əgər bir böyrək funksiyasını itirirsə və ya çıxarılırsa, digər sağlam böyrək zamanla kompensator şəkildə böyüyür və onun funksional yükü artır. Bu proses “kompensator hipertrofiya” adlanır. Yəni...
08 May 2026, 10:47
Fonksiyonel tibb nədir?
Fonksiyonel tibb, insan bədəninə yalnız xəstəliklər və simptomlar üzərindən deyil, bütöv bir sistem kimi yanaşan müasir tibbi yanaşmadır. Burada əsas məqsəd təkcə xəstəliyi adlandırmaq və ya simptomu yatırmaq deyil, həmin problemin kökündə duran səbəbi tapmaq və onu aradan qaldırmaqdır..Citypost.Az xəbər verir ki ki,bu yanaşmada insan orqanizmi “ayrı-ayrı orqanlar toplusu” kimi deyil, bir-biri ilə daima əlaqədə olan mürəkkəb biokimyəvi sistem kimi qiymətləndirilir. Yəni biz burada daha çox makro səviyyədən mikro səviyyəyə enirik – hüceyrə, molekul və metabolik proseslər səviyyəsinə.Əslində insan bədənində baş verən hər şey biokimya ilə bağlıdır. Hər hüceyrə müəyyən bir mühitdə yaşayır və həmin mühitdəki balans pozulduqda hüceyrənin funksiyası...
08 May 2026, 08:21
Mədə xərçəngi birdən yaranmır: kiçik siqnallar böyük risklərin başlanğıcıdır
Mədə xərçənginin qəfil və səbəbsiz yarandığı ilə bağlı düşüncə geniş yayılıb. Halbuki bu, tibbi baxımdan doğru deyil.Citypost.az xəbər verir ki , mütəxəssislərin fikrincə, insan orqanizmində hər gün potensial xərçəng hüceyrələri yaranır, lakin güclü immun sistemi onları vaxtında məhv edərək xəstəliyin inkişafının qarşısını alır.Problem isə bədənin verdiyi ilkin siqnallara diqqət yetirilmədikdə başlayır.Həkimlər bildirir ki, mədə xərçəngi əksər hallarda uzunmüddətli və nəzarətsiz qalan həzm sistemi problemləri fonunda inkişaf edir. Məsələn, adi qastrit, mədədə yanma hissi, diskomfort və ya həzm pozuntuları ilkin mərhələdə ciddi qəbul olunmadıqda, zamanla daha ağır fəsadlara gətirib çıxara bilər. Bu mərhələdə müalicə olunmayan iltihab prosesləri mədə selikli qişasında zədələnmələr...
07 May 2026, 13:20
Xroniki böyrək xəstəliyi necə yaranır? – Səssiz inkişaf edən təhlükə
Xroniki böyrək xəstəliyi (XBX) birdən-birə yaranan bir problem deyil. Əksinə, bu xəstəlik illər ərzində, çox vaxt heç bir aydın simptom vermədən tədricən inkişaf edir. Bir çox insan səhər oyanıb “mən böyrək xəstəsiyəm” deməz – çünki bu proses səssiz və gizli şəkildə irəliləyir.Citypost.az xəbər verir ki , əsas məsələ ondan ibarətdir ki, xroniki böyrək xəstəliyi çox vaxt digər xroniki xəstəliklərin nəticəsi kimi ortaya çıxır. Məsələn, şəkərli diabet, arterial hipertenziya (yüksək qan təzyiqi) və ürək-damar xəstəlikləri böyrəklərə uzunmüddətli zərər verərək onların funksiyasını zəiflədir. Bu xəstəliklər zamanı damar sistemi zədələnir və nəticədə böyrəklərin süzmə qabiliyyəti tədricən azalır.Böyrəklər orqanizmdə filtrasiya funksiyasını yerinə yetirir –...
07 May 2026, 10:16
