Diqqət və yaddaş problemləri nəyin əlamətidir?
Tibb 02 İyul 2026, 09:45
499
Son zamanlar nevroloqlara müraciət edən insanların əksəriyyəti eyni şikayətləri səsləndirirlər: “Başımda sanki duman var”, “fikrimi cəmləyə bilmirəm”, “tez-tez unutqan oluram”, “özümü həmişə yorğun hiss edirəm”, “başım keyiyir”. Mütəxəssislər bildirirlər ki, bu hallar çox vaxt “beyin dumanı” və ya beynəlxalq tibbi terminologiyada istifadə edilən adı ilə brain fog adlandırılan vəziyyətlə əlaqədardır.
Citypost.az xəbər verir ki, beyin dumanı ayrıca bir xəstəlik olmasa da, bir çox nevroloji, metabolik və psixoloji problemlərin özünü göstərdiyi əlamətlər toplusu hesab olunur. İnsan sanki düşüncələrinin ləngidiyini, diqqətini toplamaqda çətinlik çəkdiyini və əvvəlki zehni fəaliyyətini tam şəkildə yerinə yetirə bilmədiyini hiss edir. Bu vəziyyət gündəlik həyat keyfiyyətini aşağı salmaqla yanaşı, əmək fəaliyyətinə, sosial münasibətlərə və psixoloji vəziyyətə də mənfi təsir göstərir.
Mütəxəssislərin sözlərinə görə, beyin dumanı ən çox unutqanlıq, diqqət dağınıqlığı, başda keyimə və ağırlıq hissi, başgicəllənməsi, daimi yorğunluq, məlumatları yadda saxlamaqda çətinlik və zehni fəaliyyətin zəifləməsi ilə müşahidə olunur. Bəzi insanlarda bu əlamətlər qısa müddətli olsa da, digərlərində həftələrlə və hətta aylarla davam edə bilir.Bu problemin yaranmasının əsas səbəbləri sırasında uzunmüddətli stress, yuxusuzluq, düzgün qidalanmamaq, B12 və D vitamini çatışmazlığı, hərəkətsiz həyat tərzi və həddindən artıq zehni gərginlik xüsusi yer tutur. Xüsusilə müasir dövrdə insanların böyük hissəsinin uzun saatlar kompüter qarşısında işləməsi, fiziki aktivliyin azalması və yuxu rejiminin pozulması beyin fəaliyyətinə mənfi təsir göstərərək bu cür şikayətlərin artmasına səbəb olur.
Həkimlər vurğulayırlar ki, keyfiyyətsiz yuxu beynin özünü bərpa etməsinə imkan vermir. Gecələr kifayət qədər istirahət etməyən insanlarda diqqət pozğunluğu, unutqanlıq və zehni yorğunluq daha çox müşahidə edilir. Eyni zamanda, orqanizmdə B12 və D vitaminlərinin çatışmazlığı sinir sisteminin fəaliyyətinə mənfi təsir göstərərək beyin dumanının yaranmasına şərait yaradır.Düzgün qidalanma da burada mühüm rol oynayır. Fast-food məhsulları, həddindən artıq şəkərli qidalar və qeyri-sağlam həyat tərzi beyin funksiyalarını zəiflədə bilər. Əvəzində, omeqa-3 yağ turşuları, təzə tərəvəz və meyvələr, balıq məhsulları və vitaminlərlə zəngin qidalar beynin daha sağlam fəaliyyət göstərməsinə kömək edir.
Mütəxəssislər hesab edirlər ki, beyin fəaliyyətini qorumaq üçün yalnız fiziki deyil, zehni məşqlər də vacibdir. Kitab oxumaq, yeni məlumatlar öyrənmək, məntiq oyunları ilə məşğul olmaq və beynin aktiv işləməsini təmin edən fəaliyyətlər sinir əlaqələrinin möhkəmlənməsinə və zehni performansın yüksəlməsinə müsbət təsir göstərir.
Həmçinin oxuyun
Nevroloqlar xüsusilə vurğulayırlar ki, əgər unutqanlıq, diqqət dağınıqlığı və başda duman hissi uzun müddət davam edirsə, insanın gündəlik fəaliyyətinə mane olursa və ya getdikcə artırsa, bunu adi yorğunluq kimi qiymətləndirmək olmaz. Çünki bəzi hallarda bu əlamətlər daha ciddi nevroloji və ya metabolik xəstəliklərin ilkin xəbərdarlıq siqnalı ola bilər.
Mütəxəssislərin fikrincə, vaxtında aparılan müayinələr, düzgün qidalanma, keyfiyyətli yuxu, müntəzəm fiziki aktivlik və stressin idarə olunması beyin dumanının qarşısını almaqda ən təsirli vasitələr hesab olunur.
Buna baxmayaraq, əlamətlər davamlı xarakter alarsa, gecikmədən nevroloqa müraciət etmək tövsiyə edilir. Çünki bəzən insanın “başımda duman var” kimi ifadə etdiyi vəziyyət, əslində, orqanizmin verdiyi ciddi xəbərdarlıq siqnalı ola bilər.
Əli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Həkim xəbərdarlıq edir: Qarında köp sadə narahatlıq deyil, ciddi xəstəliklərin əlaməti ola bilər
Qarında köp və şişkinlik insanların ən çox rastlaşdığı həzm sistemi problemlərindən biridir. Bir çox insan bu vəziyyəti adi hal hesab etsə də, mütəxəssislər xəbərdarlıq edirlər ki, davamlı və təkrarlanan köp bəzən ciddi xəstəliklərin ilk əlaməti ola bilər və diqqətdən kənarda qalmamalıdır.Citypost.az xəbər verir ki, mütəxəssislərin sözlərinə görə, köp adətən qarında gərginlik hissi, həddindən artıq qaz yığılması, tez-tez qəyirmə, qarın nahiyəsində ağrı və narahatlıqla müşayiət olunur. Bəzi xəstələrdə gün ərzində çoxlu qaz ifrazı, qarının həddindən artıq şişməsi və hətta gündəlik fəaliyyətə mane olan ağırlıq hissi də müşahidə edilir.Həkimlər bildirirlər ki, qarında köpün yaranmasının səbəbləri olduqca müxtəlifdir. Ən sadə səbəblərdən biri gündəlik...
02 İyul 2026, 10:33
Nevroloqlar xəbərdar edir: Düşməyən qızdırmanı gözardı etməyin
Ensefalit, yəni beyin toxumasının iltihabı, vaxtında diaqnoz qoyulmadıqda həyati təhlükə yarada bilən ciddi xəstəliklərdən biridir. Mütəxəssislər bildirirlər ki, bu xəstəliyin ilkin əlamətlərini digər infeksion xəstəliklərlə qarışdırmaq mümkün olsa da, bəzi simptomlar xüsusi diqqət tələb edir və təcili tibbi müdaxiləni zəruri edir.Citypost.az xəbər verir ki, həkimlərin sözlərinə görə, ensefalitin ən mühüm əlamətlərindən biri adi qızdırmasalıcı dərmanlarla aşağı düşməyən yüksək hərarətdir. Xəstəyə parasetamol və ya digər qızdırmasalıcı preparatlar verilməsinə baxmayaraq, temperatur normallaşmır və uzun müddət yüksək olaraq qalırsa, bu vəziyyət ciddi araşdırılmalıdır.Bununla yanaşı, xəstədə kognitiv funksiyaların pozulması, yəni düşünmə, yaddaş və diqqət qabiliyyətinin zəifləməsi müşahidə olunur. İnsan yaxınlarını tanımaya, məntiqli danışa bilməməyə,...
02 İyul 2026, 08:57
Qıcıqlanmış bağırsaq sindromu nədir və hansı əlamətlərlə özünü göstərir?
Qıcıqlanmış bağırsaq sindromu müasir dövrdə ən çox rast gəlinən həzm sistemi problemlərindən biridir. Bu xəstəlik bağırsağın funksional pozğunluğu hesab olunur və bir çox insanın gündəlik həyat keyfiyyətinə ciddi təsir göstərə bilir.Citypost.az xəbər verir ki, mütəxəssislərin sözlərinə görə, qıcıqlanmış bağırsaq sindromunda bağırsaq daxilində hər hansı üzvi dəyişiklik müşahidə edilmir. Müayinələr zamanı şiş, iltihab, xora və ya digər struktur pozğunluqlar aşkar olunmur. Buna baxmayaraq, xəstələr müxtəlif narahatlıq və şikayətlərlə üzləşirlər.Bu səbəbdən qıcıqlanmış bağırsaq sindromu funksional xəstəliklər qrupuna aid edilir. Yəni problem bağırsağın quruluşunda deyil, onun fəaliyyətində və işləmə mexanizmində yaranır.Xəstəliyin ən geniş yayılmış əlamətləri arasında ishal, qəbizlik, qarında köp, şişkinlik, sancı və...
01 İyul 2026, 10:47
Təzyiq dərmanlarını nizamsız qəbul etmək hansı təhlükələrə səbəb olur?
Arterial hipertoniyadan əziyyət çəkən insanların ən çox yol verdiyi səhvlərdən biri təzyiq dərmanlarını yalnız təzyiq yüksələndə qəbul etmək, özlərini yaxşı hiss etdikdə isə müalicəni dayandırmaqdır. Halbuki mütəxəssislər xəbərdarlıq edirlər ki, bu yanaşma ciddi və həyati təhlükə yaradan fəsadlara səbəb ola bilər.Citypost.az xəbər verir ki, bir çox insanlar “təzyiqim normaldırsa, dərmana ehtiyac yoxdur” düşüncəsi ilə hərəkət edirlər. Əslində isə təzyiqin normal səviyyədə qalmasının əsas səbəbi məhz qəbul edilən dərmanların təsiridir. Dərmanların özbaşına dayandırılması və ya qeyri-müntəzəm qəbulu qan təzyiqinin qəfil dəyişməsinə gətirib çıxara bilər.Mütəxəssislərin sözlərinə görə, təzyiq dərmanlarının nizamsız istifadəsi hipertonik krizlərin yaranmasına səbəb olan əsas amillərdən biridir. Belə hallarda arterial...
01 İyul 2026, 09:46
Əllərdə keyimə hansı xəstəliklərin əlaməti ola bilər?
Əllərdə keyimə hissi bir çox insanın zaman-zaman qarşılaşdığı narahatlıqlardan biridir. Bəzən bu hal uzun müddət kompüter qarşısında işləmək, eyni vəziyyətdə qalmaq və ya fiziki yorğunluq nəticəsində yaransa da, bəzi hallarda ciddi sağlamlıq problemlərinin ilk xəbərdarlıq siqnalı ola bilər. Citypost.az xəbər verir ki, mütəxəssislər bildirirlər ki, xüsusilə davamlı və ya qəfil yaranan keyimə hallarına laqeyd yanaşmaq düzgün deyil.Əgər əllərdə keyimə uzun müddət ərzində tədricən inkişaf edirsə və müəyyən fasilələrlə təkrarlanırsa, bu, hər zaman həyati təhlükə anlamına gəlmir. Lakin belə vəziyyətlərdə mütləq həkim müayinəsindən keçmək və səbəbi müəyyən etmək lazımdır. Çünki keyimə müxtəlif xəstəliklərin əlaməti ola bilər və vaxtında diaqnoz qoyulması gələcək ağırlaşmaların...
01 İyul 2026, 08:44
Gözəl dişlər həmişə sağlam dişlər demək deyil - Həkim DANIŞDI
İnsanlar arasında ünsiyyət zamanı ən çox narahatlıq yaradan məqamlardan biri də ağız qoxusudur. İlk təəssüratı dəyişdirən, sosial münasibətlərə mənfi təsir göstərən bu problem bir çox hallarda ciddi sağlamlıq göstəricisi ola bilər. Citypost.az xəbər verir ki, mütəxəssislər bildirirlər ki, ağız qoxusunun yaranma səbəblərinin böyük əksəriyyəti məhz diş və ağız boşluğu ilə bağlı problemlərdən qaynaqlanır.Stomatoloqların sözlərinə görə, halların təxminən 70 faizi diş çürükləri, diş daşı, diş əti iltihabı, düzgün aparılmayan ağız gigiyenası və digər stomatoloji problemlərlə əlaqəlidir. Buna görə də ağız qoxusunu yalnız kosmetik narahatlıq kimi deyil, tibbi problem kimi qiymətləndirmək lazımdır.Mütəxəssislər qeyd edirlər ki, insanın xarici görünüşü, geyimi və ümumi baxımı nə...
30 İyun 2026, 10:49
