Tez-tez xəstələnirsinizsə, səbəb immunitet zəifliyi olmaya bilər – Həkimdən vacib açıqlama
Tibb 05 Oktyabr 2026, 09:30
439
İlin müxtəlif dövrlərində tez-tez soyuqdəymə, virus infeksiyaları və digər xəstəliklərlə üzləşən insanların bir qismi bunu immunitet sisteminin zəif olması ilə əlaqələndirir. Xüsusilə bir xəstəlikdən sağaldıqdan qısa müddət sonra yenidən xəstələnmək insanlarda “immunitetim zəifdir” düşüncəsi yaradır. Lakin mütəxəssislər bildirirlər ki, tez-tez xəstələnmək hər zaman immun sisteminin zəif olması anlamına gəlmir. Bunun arxasında həyat tərzi, qidalanma, stress, bəzi vitamin və mineral çatışmazlıqları, eləcə də müxtəlif xəstəliklər dayana bilər.
Mövzu ilə bağlı Citypost.az-a açıqlama verən kardioloq-terapevt İslam Əziz bildirib ki, pasiyentlər ona tez-tez “Doktor, niyə mən tez-tez xəstələnirəm, immunitetim zəifdir?” sualı ilə müraciət edirlər. Həkimin sözlərinə görə, belə hallarda ilk növbədə problemin əsl səbəbini müəyyənləşdirmək lazımdır.
“Pasiyentlərimin mənə tez-tez verdiyi suallardan biri budur: “Doktor, mən niyə tez-tez xəstələnirəm, mənim immunitetim zəifdir?” Mənim isə buna cavabım belə olur ki, sizin tez-tez xəstələnməyiniz mütləq immunitetinizin zəif olması demək deyil. Bunun müxtəlif səbəbləri ola bilər və həmin səbəbləri araşdırmaq lazımdır”, – deyə İslam Əziz bildirib.
Həkim qeyd edib ki, xroniki stress insan orqanizminin ümumi vəziyyətinə ciddi təsir göstərən amillərdən biridir. Davamlı stress, kifayət qədər istirahət etməmək və yuxu rejiminin pozulması insanın özünü daim yorğun və halsız hiss etməsinə, orqanizmin müxtəlif xəstəliklərə qarşı müqavimətinin azalmasına səbəb ola bilər.
“Bunun səbəbi xroniki stress, xüsusilə də düzgün olmayan qidalanma ola bilər. İnsan uzun müddət keyfiyyətsiz və balanssız qidalanırsa, orqanizmin ehtiyac duyduğu bir sıra vitamin və minerallar kifayət qədər qəbul olunmaya bilər. Nəticədə insan özünü zəif hiss edir, tez yorulur və müxtəlif infeksiyalara qarşı daha həssas ola bilər”, – deyə mütəxəssis vurğulayıb.
İslam Əzizin sözlərinə görə, bəzi hallarda tez-tez xəstələnmənin və uzun müddət özünə gəlməməyin səbəbi orqanizmdə müəyyən maddələrin çatışmazlığı ilə bağlı ola bilər. Bu baxımdan qan analizlərinin aparılması və ehtiyac olduğu halda müvafiq göstəricilərin yoxlanılması əhəmiyyətlidir.
“Qanınızda hemoglobin, dəmir, B12 vitamini, D vitamini, selen kimi bəzi maddələrin çatışmazlığı ola bilər. Bunların hər biri insanın ümumi vəziyyətinə təsir göstərə bilər. Məsələn, dəmir və B12 çatışmazlığı halsızlıq, yorğunluq və zəifliklə müşayiət oluna bilər. D vitamininin aşağı olması da müxtəlif şikayətlərlə əlaqəli ola bilər. Ona görə də insan özünü daim zəif hiss edirsə, bunun səbəbini sadəcə “immunitetim zəifdir” deyə qiymətləndirmək düzgün deyil”, – deyə həkim bildirib.
Mütəxəssis vurğulayıb ki, tez-tez xəstələnmənin arxasında yalnız vitamin və mineral çatışmazlığı deyil, bəzi xroniki xəstəliklər də dayana bilər. Xüsusilə şəkərli diabet və qalxanabənzər vəzinin fəaliyyətində yaranan pozuntular orqanizmin ümumi vəziyyətinə təsir edə bilər.
“Şəkərli diabet və qalxanabənzər vəzinin xəstəlikləri də bu cür şikayətlərə səbəb ola bilər. Buna görə insan tez-tez xəstələnirsə, uzun müddət sağalmırsa və özünü daim yorğun, halsız hiss edirsə, bunun səbəbini araşdırmaq lazımdır. Bəzən pasiyent aylarla özünü immuniteti zəif hesab edir, amma müayinələr zamanı tamam başqa problem aşkarlanır”, – deyə İslam Əziz qeyd edib.
Həmçinin oxuyun
Həkim həyat tərzinin də insanın ümumi sağlamlığında mühüm rol oynadığını diqqətə çatdırıb. Onun sözlərinə görə, həddindən artıq alkoqol və spirtli içkilərdən istifadə, fiziki aktivliyin az olması, düzgün qidalanmamaq və uzun müddət hərəkətsiz qalmaq orqanizmin normal fəaliyyətinə mənfi təsir göstərə bilər.
“Ən çox diqqət etməli olduğumuz məsələlərdən biri həyat tərzidir. Həddindən artıq alkoqol və spirtli içkilərdən istifadə etmək, fiziki hərəkətsizlik, düzgün qidalanmamaq və yuxu rejiminə əməl etməmək insanın sağlamlığına mənfi təsir göstərir. Bütün bunlar birlikdə insanın özünü daha tez yorğun və zəif hiss etməsinə gətirib çıxara bilər”, – deyə mütəxəssis əlavə edib.
İslam Əziz xüsusilə vurğulayıb ki, insanın tez-tez xəstələnməsi ilə yanaşı, xəstəliklərin uzun müddət davam etməsi də diqqətdən kənarda qalmamalıdır. Əgər şəxs bir infeksiyadan sonra uzun müddət özünə gələ bilmirsə, davamlı halsızlıq, yorğunluq və zəiflik yaşayırsa, bunun səbəbi həkim tərəfindən araşdırılmalıdır.
“Əgər siz tez-tez xəstələnirsinizsə, xəstəlikdən sonra uzun müddət sağalmırsınızsa, özünüzü daim yorğun və zəif hiss edirsinizsə, mütləq bunun səbəbini tapmaq lazımdır. Sadəcə olaraq “mənim immunitetim zəifdir” deyib bu vəziyyətlə barışmaq düzgün deyil. Əvvəlcə problemin mənbəyini müəyyənləşdirmək lazımdır”, – deyə kardioloq-terapevt bildirib.
Onun sözlərinə görə, səbəb müəyyənləşdirildikdən sonra həmin problemin aradan qaldırılması insanın ümumi sağlamlıq vəziyyətinin yaxşılaşmasına kömək edə bilər. Bu isə öz növbəsində tez-tez xəstələnmə hallarının azalmasına səbəb ola bilər.
“Əgər problemin səbəbini tapıb onu aradan qaldırsaq, bundan sonra sizin tez-tez xəstələnməyiniz də azala bilər. Bu zaman insanın ümumi vəziyyəti yaxşılaşır və orqanizmin xəstəliklərə qarşı müqaviməti də daha yaxşı ola bilər. Ona görə də immuniteti gücləndirmək üçün təsadüfi şəkildə vitamin və ya müxtəlif preparatlar qəbul etməkdənsə, ilk növbədə problemin kökünü araşdırmaq daha doğrudur”, – deyə İslam Əziz bildirib.
Mütəxəssis insanlara sağlam həyat tərzinə üstünlük verməyi, balanslı qidalanmağı, kifayət qədər yatmağı, fiziki aktivliyi artırmağı və uzunmüddətli stressdən mümkün qədər uzaq durmağı tövsiyə edib. Həmçinin tez-tez təkrarlanan xəstəliklər və uzunmüddətli halsızlıq zamanı özbaşına müalicə aparmaq əvəzinə həkimə müraciət etməyin vacibliyini vurğulayıb.
Yeganə
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Kontraseptivlər xərçəng yaradırmı? – Həkimdən qadınlara vacib xəbərdarlıq
Hormonal kontraseptivlərdən istifadə edən qadınların ən çox narahat olduğu məsələlərdən biri bu preparatların uzunmüddətli perspektivdə xərçəng riskinə səbəb olub-olmamasıdır. Xüsusilə sosial şəbəkələrdə və müxtəlif platformalarda hormonal preparatların süd vəzi xəstəlikləri ilə əlaqələndirilməsi qadınlarda əlavə narahatlıq yaradır. Bu səbəbdən bir çox qadın kontraseptiv vasitələrdən istifadə etməzdən əvvəl onların orqanizmə mümkün təsirləri barədə həkimdən məlumat almağa çalışır.Mövzu ilə bağlı Citypost.az-a danışan mama-ginekoloq İlhamə Quluzadə bildirib ki, gündəlik praktikada hormonal kontraseptivlərdən kifayət qədər geniş istifadə olunur. Onun sözlərinə görə, müasir kontraseptiv preparatların tərkibində hormonların dozaları əvvəlki illərlə müqayisədə əhəmiyyətli dərəcədə aşağıdır və düzgün seçildiyi halda bu preparatlardan istifadə edən qadınların əksəriyyəti üçün təhlükəsiz...
05 Oktyabr 2026, 08:30
Sidiyi uzun müddət saxlamaq sidik kisəsini məşq etdirir, yoxsa zədələyir? – Uroloqdan XƏBƏRDARLIQ
Sidik ifrazını uzun müddət ertələmək gündəlik həyatda bir çox insanın etdiyi vərdişlərdən biridir. İş, yol, toplantı və ya başqa səbəblərdən tualetə getməyi gecikdirən insanlar bəzən bunun sidik kisəsini “məşq etdirdiyini” düşünürlər. Lakin mütəxəssislər sidiyin mütəmadi və uzun müddət saxlanılmasının sidik-ifrazı sisteminə mənfi təsir göstərə biləcəyini bildirirlər.Uroloq-androloq Nail Şirinov Citypost.az-a açıqlamasında bildirib ki, sidiyin uzun müddət saxlanılması sidik kisəsinin normal fəaliyyətinə mənfi təsir göstərə və zamanla sidik ifrazında müxtəlif problemlərə səbəb ola bilər.Həkimin sözlərinə görə, sidik kisəsi sidiyi müəyyən həddə qədər toplamaq və daha sonra normal şəkildə boşaltmaq funksiyasını yerinə yetirir. İnsan sidik ifrazı ehtiyacını uzun müddət dəf etdikdə isə sidik...
02 Oktyabr 2026, 10:30
Aritmiyası olanlara idman etmək olarmı? – Kardioloqdan vacib açıqlama
Ürək ritmində pozğunluq yaşayan insanların bir çoxu fiziki aktivlikdən uzaq durmağa çalışır. Xüsusilə səyirici aritmiyası olan pasiyentlər arasında idmanın ürəkdöyünməsini artıracağı, aritmiya tutmalarını çoxaldacağı və vəziyyəti ağırlaşdıra biləcəyi ilə bağlı narahatlıqlar geniş yayılıb. Lakin mütəxəssislər bildirirlər ki, düzgün seçilmiş və nəzarət altında həyata keçirilən fiziki aktivlik bəzi pasiyentlər üçün əksinə, ürək-damar sağlamlığına müsbət təsir göstərə bilər.Kardioloq Üzeyir Rəhimov Citypost.az-a açıqlamasında səyirici aritmiyası olan şəxslərdə fiziki aktivliyin mümkün təsirlərindən danışıb.Həkim bildirib ki, uzun müddət həm pasiyentlər, həm də bəzi hallarda həkimlər səyirici aritmiyası olan insanların idmanla məşğul olmasına ehtiyatla yanaşıblar. Bunun əsas səbəbi fiziki yükün ürəkdöyünməsini sürətləndirərək aritmiya tutmasına səbəb ola...
02 Oktyabr 2026, 09:30
Boyun və qoltuqaltında qaralma nəyin əlamətidir? – Endokrinoloqdan xəbərdarlıq
Bədəndə, xüsusilə boyun, qoltuqaltı və qasıq nahiyələrində dərinin tündləşməsi və qaralması bir çox insan tərəfindən sadəcə kosmetik problem kimi qəbul edilir. Lakin bəzi hallarda dəridə yaranan bu dəyişikliklər orqanizmdə gedən metabolik proseslərlə bağlı ola bilər. Mütəxəssislər bildirirlər ki, boyun nahiyəsində və dəri büküşlərində müşahidə olunan müəyyən tip qaralmalar insulin müqavimətinin əlamətlərindən biri kimi ortaya çıxa bilər.Endokrinoloq Hidayət Məmmədzadə Citypost.az-a açıqlamasında bildirib ki, tibbdə akantoz nigrikans adlandırılan bu vəziyyət xüsusilə boyun, qoltuqaltı, qasıq və digər dəri büküşlərində tündləşmiş, bəzən isə qalınlaşmış dəri sahələri ilə özünü göstərə bilər.Mütəxəssisin sözlərinə görə, akantoz nigrikans cəmiyyətdə geniş yayılmış insulin müqavimətinin xarici əlamətlərindən biri ola bilər....
02 Oktyabr 2026, 08:30
40 yaşdan sonra sümük sağlamlığına diqqət artırılmalıdır – Endokrinoloqdan VACİB XƏBƏRDARLIQ
40 yaş insan həyatında mühüm mərhələlərdən biridir. Bu dövrdə orqanizmdə yaşla əlaqədar bir sıra dəyişikliklər baş verir və xüsusilə qadınlarda menopauzaya keçid dövrünün ilk əlamətləri özünü göstərə bilər. Məhz buna görə 40 yaşdan sonra sağlamlığın qorunması, düzgün qidalanma və fiziki aktivlik daha ciddi şəkildə diqqətdə saxlanılmalıdır.Endokrinoloq Hidayət Məmmədov Citypost.az-a açıqlamasında bildirib ki, bu yaş dövründə xüsusilə qadınlarda sümük sağlamlığına diqqət artırılmalıdır. Onun sözlərinə görə, perimenopauza dövrünə yaxınlaşdıqca orqanizmdə baş verən hormonal dəyişikliklər sümük sıxlığına da təsir göstərə bilər.Həkim qeyd edib ki, osteoporoz yaş artdıqca inkişaf edə bilən və uzun müddət heç bir ciddi əlamət verməyən xəstəliklərdən biridir. Bu səbəbdən insan...
01 Oktyabr 2026, 10:30
CRP yüksək çıxıbsa, bu, mütləq infeksiya demək deyil – Həkimdən AÇIQLAMA
Laborator analizlər zamanı bəzi göstəricilərin normadan yüksək çıxması insanlarda ciddi narahatlıq yarada bilər. Xüsusilə C-reaktiv zülalın (CRP) yüksək olması bir çox şəxsdə avtomatik olaraq orqanizmdə infeksiyanın olduğu düşüncəsini formalaşdırır. Bəzi hallarda isə insanlar yalnız analiz nəticəsinə əsaslanaraq özbaşına antibiotik qəbul etməyə başlayırlar. Mütəxəssislər bildirirlər ki, bu yanaşma düzgün deyil. CRP-nin yüksəlməsi müxtəlif səbəblərlə əlaqəli ola bilər və yalnız bu göstəriciyə əsasən konkret xəstəlik və ya bakterial infeksiya diaqnozu qoymaq mümkün deyil.Doktor Elvin Abdullayev Citypost.az-a açıqlamasında CRP göstəricisinin nə ifadə etdiyini və yüksək nəticə aşkarlandıqda nələrə diqqət edilməli olduğunu izah edib.Həkimin sözlərinə görə, CRP – C-reaktiv protein və ya C-reaktiv zülal...
01 Oktyabr 2026, 09:30
