Ramiz Mehdiyevin kürəkəni sükutu pozdu: Keçmiş deputatı İFŞA ETDİ  

Son günlər medianın əsas müzakirə mövzusu  Prezident Administrasiyasının sabiq rəhbəri, AMEA-nın sabiq prezidenti, akademik Ramiz Mehdiyev barəsində ittihamlar və onun ev dustaqlığına məhkum edilməsi ictimai rezonans doğurub.

Müzakirə edilən mövzulardan biri də Ramiz Mehdiyevin vaxtı ilə "krişalıq" etdiyi  şəxslərlə bağlıdır. Onun malı-mülkü,villaları,ailə biznesi də günlərdir  gündəm yaradıb.

CityPost.az   -a məlumat     verən mənbə bildirib ki,Ramiz Mehdiyevin sıx biznes əlaqələri olduğu  şəxslərdən biri də keçmiş deputat,hazırda sahibkarlıq fəaliyyəti ilə  məşğul olan Əsabil Qasımovdur.

Mənbənin bildirdiyinə görə, Əsabil Qasımov uzun müddət  Ramiz  Mehdiyevin  kürəkəni ,sabiq millət vəkili,sahibkar İlham Əliyevlə iş birliyində olub.Ramiz Mehdiyevin kürəkəni  İlham Əliyevin bu iş birliyi  Əsabil Qasımova məxsus    "Karat Holdinq" də qeyri-rəsmi şərik olmaqla başlayıb.

Oxu24.com məlumatı dəqiqləşdirmək üçün  sabiq  millət  vəkili,hazırda bizneslə məşğul olan Əsabil Qasımovun özü ilə əlaqə saxlayıb.

Əsabil Qasımov Ramiz Mehdiyevin  və kürəkəni İlham Əliyevin adını eşidər,eşitməz onlarla düşmən olduğunu bildirib.

"Ölkə başçısından tutmuş,nazirlərə  qədər hər kəsə məlumdur ki,biz onlarla düşmənik.2019-cu ildə oğlum rəhmətə getdi.Bir adam ki,oğlumun yasına gəlmədi,başsağlığı vermədi,belə dostluq,şəriklik ola bilər?Mənim heç oğlumla şərikliyim yoxdur.Yeddi qardaşım var.Onların  mənimlə heç bir şərikliyi yoxdur.Kefiniz nə istəyir yazın...Yazın ki,bütün şirkətim onlara məxsusdur...Ən savadsız insan bunu başa düşərdi ki,biz onlarla düşmənik...Mən onunla sadəcə  olaraq  deputat  kimi  Milli Məclisdə oturmuşuq...O illərdə  münasibətimiz olub",-deyə Əsabil Qasımov saytımıza bildirib.

Həmçinin oxuyun

Şahin Qurbanov da soyadını dəyişir?...  

TƏBİB-də yarpaq tökümü - Növbə Şahin Qurbanova çatır

Bayram Ali Çelikten  yazır  

Xalq yazıçısı Anar: “Bunu ilk dəfədir açıqlayıram...”

CityPost.az saytı  keçmiş deputat,iş adamı Əsabil Qasımovun dediklərinə münasibət öyrənmək məqsədi ilə Ramiz Mehdiyevin kürəkəni,keçmiş deputat İlham Əliyevlə əlaqə saxlayıb.O,açıqlamasında Əsabil Qasımov haqqında  sərt  ifadələr səsləndirib.

“Etiraf edim ki, Əsabil Qasımovun deputat seçilməsinə mənim təkidli xahişlərimdən sonra Ramiz müəllim yol göstərib,köməkçi olub.Biznes ortaqlığına və ya şəriklik məsələsinə gəldikdə isə,Əsabil Qasımov qohumlarımın və tanışlarımın vasitəsi ilə illərlə yol axtardıqdan sonra mənimlə işgüzar münasibət qurub.Biz onun şirkətlərinə müəyyən formada himayədarlıq etmişik.O,mənə “böyük qardaş”,Ramiz müəllimə isə (Red-Ramiz Mehdiyevi nəzərdə tutub) “atam”,”ağsaqqalım” deyirdi”,-deyə R.Mehdiyevin kürəkəni bildirib.

İ.Əliyev Əsabil Qasımovla hansı münasibətləri olduğundan da danışıb.

“Mən illər öncə onun atasının yas mərasiminə qatılmışam.Ramiz müəllim isə başsağlığı verməsi və ya yas mərasimində iştirakı onun üçün böyük şərəf olardı.Ümumiyyətlə,Ramiz müəllim   bu kimi tədbirlərdə təsadüfi hallarda iştirak edirdi.Müəyyən səbəblərdən bu şansı biz ona yaxşı ki, vermədik.O,bizim qapımızın ağzında günlərlə əsgər kimi dayanan,ayaqqabımızı cütləyən adam olub.Mən Prokurorluq orqanlarında və digər dövlət strukturlarında çalışmışam,deputat olmuşam.Bu tip adamların nəyə qadir olduğunu yaxşı bilirik.Əsabil şahmat  oyunundakı piyada əsgər kimi bir şeydir.Onunla düşmənçilik etməyi özümə rəva bilmərəm.Bu gün tərəfimdən onun haqqında daha çox bəhs etmək,onu şərəfləndirmək kimi şey olar.

Elə etməsin ki,açım sandığı,töküm pambığı...Bir qədər də dərinə getsə,vaxtı ilə yaltaqcasına bizim məclisdə ayaqda oturub,şənimizə işlətdiyi pafos dolu ifadələr olan videoları sosial şəbəkələrdə yayıb,onun kim və nə qədər rəzil biri olduğunu cəmiyyətə çatdırım”,-deyə o bildirib.

Qeyd edək ki,Əsabil Qasımov “boz kardinal” Ramiz Mehdiyevin qurduğu Azərbaycan Dövləti əleyhinə işlər görən gizli şəbəkənin üzvlərindən olduğu iddia edilən “Lux Recidence” şirkətinin sahibi  Afiq Rəhmanovla və İmişli Ağsaqqallar Şurasının sabiq sədri,İmişlidə SSRİ  bayrağı qaldırdığına görə, həbs edilən Saleh Səmədovun həmkəndlisidir.Araşdırmalar zamanı ortaya çıxdı ki,Afiq Rəhmanovu Ramiz Mehdiyevin siyasi və informativ təsir dairəsinə cəlb edən keçmiş nəqliyyat naziri,özünü yatmış ilan adlandıran Ziya Məmmədovun sabiq deputat qardaşı Elton Məmmədov olub.Afiq Rəhmanov uzun müddət Rusiyada yaşayıb,orada da sahibkarlıq fəaliyyəti ilə məşğul olduğu bildirilir.Onun  Ramiz Mehdiyevin “qara kassası” Elton Məmmədovla tanışlığının tarixçəsi sonuncunun sözlərinə görə,oralara gedib çıxır.Mənbə onu da bildirdi ki,Afiq Rəhmanovun qardaşı  Elçin Rəhmanov illər öncə Rusiyada öz şəriklərinin əli ilə qətlə yetirilib.İmişlidə Afiq Rəhmanova məxsus “Elçin”adlı məşhur  otel,şadlıq sarayı və restoran kompleksi fəaliyyət göstərir.

Müşərrəfxanım