Məhkəmə-Tibbi Ekspertizada nələr baş verir? Cavid Cahangirli professoru devirmək istəyir

Redaksiyamıza daxil olan məlumatlar Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyində rəhbərlik məsələsi ətrafında ciddi sualların meydana çıxmasını göstərir. Məlumatlarda Birliyin baş direktoru, professor Ədalət Həsənov ilə Komission Ekspertizalar Şöbəsinin rəisi Cavid Cahangirli arasında direktorluq uğrunda münasibətlərin pik həddə çatdığı bildirilir. Daha ciddi iddia isə budur. Cavid Cahangirli baş direktor postuna yiyələnmək üçün müəyyən əlaqələrini və imkanlarını işə salıb.

“Citypost.az” Mediatvaz.coma istinadən xəbər verir ki, Cavid Cahangirli nədənsə unudur ki, Azərbaycanda dövlət qurumunda rəhbər vəzifəyə kimi gətirilməsi şəxsi münasibətlər, tanışlıq və ya qeyri-rəsmi lobbiçiliklə deyil, peşəkarlıq, idarəçilik bacarığı və qanunvericilikdə nəzərdə tutulan prosedurlar əsasında həll edilir. Ortaya çox ciddi sual çıxır. Vəzifəyə layiq görülmək üçün peşəkar göstəricilər kifayət edirsə, şəxsi əlaqələr nə üçün lazımdır? Məhkəmə-Tibbi Ekspertiza sıradan bir inzibati sahə deyil. Burada hazırlanan ekspert rəyləri müxtəlif cinayət və mülki işlər üzrə mühüm hüquqi nəticələr doğura bilər. Bu səbəbdən həmin qurumun daxilində rəhbərlik uğrunda mümkün qarşıdurma barədə məlumatların ortaya çıxması avtomatik olaraq ictimai maraq kəsb edir. Əgər bu qurumda, problem varsa onun mahiyyəti də ictimaiyyətdən gizlədilməməlidir. Birliyin rəyhbərliyinin dəyişdirilməsi ilə bağlı hər hansı qərar və ya fikir varmı, C.Cahangirlinin baş direktor vəzifəsinə namizədliyi məsələsi həqiqətən müzakirə olunurmu? Səhiyyə Nazirliyində vəzifələrə təyinat görəsən doğurdanmı C.Cahangirlinin düşündüyü meyarlar əsasında götürülür? Bu sualların cavabı bir çox nüaslara aydınlıq gətirə bilər. Redaksiya hər iki şəxsin və Səhiyyə Nazirliyinin mövqeyini də dərc etməyə hazırdır. 

Xatırladaq ki, bir müddət əvvəl mətbuatda Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Kommisyon Ekspertizalar Şöbəsinin rəisi Cavid Cahangirlinin M.Ş.M. adlı şəxsdən saxta tibbi ekspertiza rəyi vermək üçün 40.000 manat rüşvət alması və bir il yarımdan sonra öz verdiyi rəyi ləğv etməsi ortaya çıxmışdı. Vətəndaş M.Ş.M-nin C.Cahangirlinin hərəkətlərindən etdiyi şikayət əsasında Baş Prokurorluğun İstintaq Baş İdarəsində araşdırma başlanmışdır. Lakin, hansısa naməlum səbəblərdən işin araşdırılması dayandırılıb. Hələlik vətəndaş isə M.Ş.M.-ya C.Cahangirlinin əməlləri barədə Baş Prokurorluq tərəfindən əlavə faktlar toplandıqdan sonra istintaq işinin yenilənəcəyini gözləmək qalır. 

Həmçinin oxuyun

SEVGİ VƏ HƏYATIN MÜQƏDDƏSLİYİ  

Məcburi Sevginin Qurbanları…

MEYXANAYA “YOX!” DEMƏYİN VAXTIDIR!  

Şahin Qurbanovdan xəbər var...  

Müşərrəfxanım