Hərbi ekspert: “İran sərt reaksiya verə bilmir”

Hərbi ekspert Ədalət Verdiyev öz Facebook səhifəsində ABŞ və İsrailin Yaxın Şərqdə həyata keçirdiyi son hərbi əməliyyatlar və İranın diplomatik mövqeyi ilə bağlı geniş açıqlama yayıb.

Citypost.az xəbər verir ki, ekspert  yazıb ki, İran parlamentinin sədri və danışıqlar qrupunun rəhbəri Məhəmməd Baqir Qalibaf ABŞ ilə mümkün razılaşma üzrə müzakirələri davam etdirmək üçün artıq ikinci gündür Qətərdə qalır. Bu müddət ərzində ABŞ tərəfinin danışıqlarla paralel olaraq İranın bəzi hərbi obyektlərinə, o cümlədən katerlərə və raket qurğularına zərbələr endirdiyi iddia olunur.

Eyni zamanda, İsrailin də Livan ərazisinə kütləvi hərbi zərbələr endirdiyi qeyd edilir. Ədalət Verdiyev bildirir ki, bu hadisələr regionda gərginliyin daha da artdığını göstərir və diplomatik proseslərin hərbi təzyiqlərlə paralel aparılması diqqət çəkir.

Onun fikrincə, Məhəmməd Baqir Qalibaf ABŞ-ın sərt tələblərinə qarşı açıq şəkildə “yox” desə də, danışıqlardan geri çəkilə bilmir. Hərbi ekspert bunu ABŞ və İsrail tərəfindən həyata keçirilən hərbi zərbələrin davam etməsi ehtimalı ilə əlaqələndirir və bu vəziyyətin İran tərəfi üçün ciddi siyasi təzyiq yaratdığını vurğulayır.

Ədalət Verdiyev həmçinin qeyd edir ki, İran rəsmilərinin və hərbi rəhbərliyinin bu hücumlara açıq və sərt reaksiya verməməsi diqqət çəkir. Onun sözlərinə görə, İran hökumətinin sözçüsü Fatimə Mühacirani zərbələrdən sonra belə ABŞ ilə diplomatik prosesin davam etdiyini açıqlayıb. Bu isə ekspertin fikrincə, İran daxilində qərarvermə və cavabvermə mexanizmlərinin zəifliyini göstərir.

Həmçinin oxuyun

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

Ədalət Verdiyev yazır ki, ABŞ-ın həyata keçirdiyi zərbələr əslində danışıqlarda təzyiq vasitəsi kimi istifadə olunur və məqsəd İranı müəyyən siyasi və hərbi güzəştlərə məcbur etməkdir. O bildirir ki, İran tərəfi həm regional, həm də beynəlxalq səviyyədə ciddi hərbi təzyiqlərlə üz-üzə qalıb və bu təzyiqlərə adekvat cavab verməkdə çətinlik çəkir.

Ekspert əlavə edir ki, İranın öz su akvatoriyasında belə hərbi itkilər verməsi və SEPAH-a məxsus bəzi vasitələrin hədəfə alınması ölkənin müdafiə sistemində ciddi problemlərin olduğunu göstərir. Onun fikrincə, belə bir şəraitdə İranın siyasi rəhbərliyi açıq şəkildə sərt addımlar ata bilmir və bu da regionda güc balansını daha da dəyişir.

Ədalət Verdiyev sonda bildirir ki, dünya üzrə müxtəlif münaqişələrdə belə hallar müşahidə olunsa da, İranın hazırkı vəziyyəti xüsusilə ziddiyyətli və ciddi suallar doğuran bir mərhələyə keçib və bu proseslərin necə davam edəcəyi hələlik qeyri-müəyyəndir.

Əli