Erməni jurnalist azərbaycanlıları təbrik etdi 

Tanınmış erməni bloger və jurnalist Natali Aleksanyan Azərbaycan xalqını Qurban bayramı münasibətilə təbrik edib.

Modern.az-ın məlumatına görə, Natali Aleksanyan sosial şəbəkə hesabında erməni, türk və azərbaycanlılara sülh arzulayaraq bildirib:

“Bu günlər müsəlman dünyası iman, mərhəmət, xeyirxahlıq və humanizm rəmzi olan müqəddəs Qurban Bayramını qeyd edir.

Mən hər zaman sülhü, dialoqu və xalqlar arasında qarşılıqlı hörməti müdafiə edən bir insan kimi, bütün türk və azərbaycanlıları bu müqəddəs bayram münasibətilə ürəkdən təbrik etmək istəyirəm.

Biz mürəkkəb və ağrılı tarixə sahib bir bölgədə yaşayırıq və hər bir xalqın öz ağrısı, öz xatirələri var. Amma mən inanıram ki, ən çətin şəraitdə belə insanlar bir-birinə qarşı insan münasibətini qoruya və sülh dolu gələcək haqqında danışa bilərlər.

Bu gündə bütün xalqlara — erməni, türk və azərbaycanlılara sülh arzulayıram.

Həmçinin oxuyun

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

Qoy gələcək nəsillər daha təhlükəsiz, daha humanist və daha dinc bir dünyada yaşasınlar; nifrətdən üstün olan isə insan ləyaqəti və qarşılıqlı hörmət olsun.

Bu müqəddəs bayramı qeyd edən hər kəsi ürəkdən təbrik edirəm.

Bütün xalqlara və bütün ailələrə sülh arzulayıram.

Qurban Bayramınız mübarək olsun!”