Arzumun məhkəmə hökmünə etiraz: Tamilla Qulami DANIŞDI

ÜMİD Partiyasının sədr müavini Tamilla Qulami tiktoker Arzumun yol-nəqliyyat hadisəsi ilə bağlı ictimai müzakirələrə münasibət bildirib. O, sosial şəbəkədə paylaşdığı açıqlamada məhkəmə hökmü və yol hərəkəti qaydalarının tətbiqi ilə bağlı bir sıra hüquqi suallar səsləndirib.

Citypost.az xəbər verir ki, Tamilla Qulami qeyd edib ki, hüquqşünas olmasa da, məsələ ilə bağlı hüquqi əsaslandırmaları araşdıraraq bu barədə videoçıxış hazırlayıb. Onun sözlərinə görə, hadisə ilə bağlı yayılan videogörüntülər və məhkəmə hökmü arasında ziddiyyət olduğu təəssüratı yaranır.

Sədr müavini bildirib ki, nun 50-ci maddəsinin III hissəsinə əsasən, arxadan gələn sürücü elə ara məsafəsi saxlamalıdır ki, öndəki nəqliyyat vasitəsi sürəti azaltdıqda və ya qəfil dayandıqda toqquşma baş verməsin. O hesab edir ki, təhlükəsiz ara məsafəsinin qorunmaması və sürət həddinin aşılması arxadan gələn sürücünün hüquqi öhdəliklərinin pozulması deməkdir.

Tamilla Qulami sual edib ki, ikitərəfli, bir zolaqlı yolda sola dönmək istəyən sürücünün qanunvericiliyə əsasən mütləq arxasına baxmaq öhdəliyi varmı. O bildirib ki, belə hallarda sürücü əsasən qarşıdan gələn nəqliyyat vasitələrinə nəzarət edir və arxadan gələn avtomobilin qarşı zolağa çıxaraq ötmə manevri etməsini əvvəlcədən nəzərə almaq qanunda tələb edilmir.

O vurğulayıb ki, sola və ya sağa dönən sürücünün istiqamət göstəricisini verməsi və manevrin təhlükəsizliyinə əmin olması qanunda nəzərdə tutulsa da, digər sürücülərin qaydaları pozacağı ehtimalı üzərində hüquqi öhdəlik qurulmayıb.

Tamilla Qulaminin fikrincə, belə işlərdə əsas məsuliyyətin avtomatik olaraq öndə gedən və dönmə manevri edən sürücünün üzərinə qoyulması gələcəkdə təhlükəli presedent yarada bilər. O bildirib ki, yayılan videogörüntülərdə arxadan gələn avtomobilin sürət həddini aşdığı və toqquşmadan sonra da yüksək sürətlə hərəkətini davam etdirdiyi görünür.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Sədr müavini hesab edir ki, həyatını itirən şəxsə Allahdan rəhmət diləməklə yanaşı, hadisədə sürət həddi və təhlükəsiz ara məsafəsi ilə bağlı qanuni öhdəliklərin də hüquqi qiymətləndirilməsi vacib idi.

Tamilla Qulami əlavə edib ki, məhkəmə hökmündə ictimaiyyətə açıqlanmayan sübut və ekspertiza rəyləri ola bilər. Lakin onun fikrincə, ictimaiyyətə təqdim olunan videogörüntülərlə hökm arasında fərq yaranırsa, bunun hüquqi izahı cəmiyyətə aydın şəkildə təqdim edilməlidir.

O, həmçinin Arzumun hadisə yerindən qaçdığı barədə yayılan iddialara da toxunaraq bildirib ki, qəza zamanı canlı yayımda təcili tibbi yardıma zəng edildiyi açıq şəkildə eşidilir.

Paylaşımının sonunda Tamilla Qulami qərar çıxarılarkən Arzumun əvvəllər məhkum olunmamasının, ailə vəziyyətinin, azyaşlı övladlarının və autizmli oğlunun olmasının da nəzərə alınmalı olduğunu qeyd edib.

Əli