Qaraciyərdə yağ yığılması günün hansı vaxtı sürətlənir? – ARAŞDIRMA

Oksford Universitetinin alimləri müəyyən ediblər ki, qaraciyərin ən geniş yayılmış xəstəliklərindən biri olan metabolik assosiasiyalı piylənmə xəstəliyi (əvvəllər qeyri-alkoqollu yağlı qaraciyər xəstəliyi kimi tanınır) orqanizmin sutkalıq bioloji ritmləri ilə sıx əlaqəlidir və əsasən gecə saatlarında daha sürətlə inkişaf edir.

Citypost.az xəbər verir ki, araşdırmanın nəticələri Cell Metabolism jurnalında dərc olunub. Bildirilir ki, hazırda bu xəstəlik dünya üzrə yetkin əhalinin təxminən 40 faizini əhatə edir və ağır hallarda sirroz, qaraciyər çatışmazlığı, qaraciyər xərçəngi, eləcə də ürək-damar fəsadlarına səbəb ola bilər.

Tədqiqatda yağlı qaraciyər xəstəliyi olan və olmayan şəxslər iştirak edib. Alimlər gündüz və gecə saatlarında metabolik prosesləri ətraflı şəkildə araşdırıb, o cümlədən qaraciyər biopsiyaları və insulinə həssaslıq testləri aparıblar. Bu, sutka ərzində qaraciyərdə yağ toplanmasının necə dəyişdiyini izləməyə imkan verib.

Məlum olub ki, qaraciyərdə yağın sintezi əsasən gecə saatlarında güclənir. Eyni zamanda insulinə davamlılıq təkcə qaraciyərdə deyil, həmçinin əzələlərdə və qarın nahiyəsindəki yağ toxumasında artır. Gecə saatlarında qanda insulin səviyyəsinin azalması isə yağ yığılmasını daha da sürətləndirir. Maraqlıdır ki, bu metabolik pozuntular bədən çəkisi azaldıqdan və qaraciyərdəki yağ miqdarı düşdükdən sonra da qalmaqda davam edib. Bu da gecə baş verən metabolik dəyişikliklərin xəstəliyin nəticəsi deyil, onun erkən və əsas mexanizmlərindən biri ola biləcəyini göstərir. Alimlər iştirakçıların qidalanma vərdişlərinə də diqqət yetiriblər. Bir çox şəxsin sutkalıq kalorinin böyük hissəsini axşam saatlarında qəbul etdiyi, bəzi hallarda isə ümumi enerjinin 40 faizdən çoxunun məhz şam yeməyinin payına düşdüyü müəyyən edilib. Nəticədə maddələr mübadiləsinin ən zəif olduğu vaxtda orqanizm maksimum yüklənmiş olur. Tədqiqatçılar bu vəziyyəti qaraciyər xəstəliyinin inkişafını sürətləndirən “ikiqat zərbə” kimi xarakterizə edirlər.

Həmçinin oxuyun

Azərbaycan SSR-nin ilk Xarici İşlər Naziri kim olub?  

Əliş Lənbəranskinin sevgilisi Nərgiz Xəlilova barədə HƏQİQƏTLƏR   

Köhnə etibarnamə sürücüyə 20 min manata başa gəldi – (VİDEO) 

Bakının mərkəzində əməliyyat - Anbaan video 

Araşdırma müəllifləri vurğulayırlar ki, əldə olunan nəticələr profilaktika və müalicə baxımından yeni imkanlar açır. Onların fikrincə, yalnız qidanın tərkibi deyil, eyni zamanda qida qəbulu vaxtı, fiziki aktivlik və dərmanların qəbul saatları da mühüm rol oynaya bilər. Xüsusilə gec saatlarda və yatmazdan əvvəl ağır qida qəbulu yağlı qaraciyər xəstəliyi olan şəxslərdə metabolik vəziyyəti daha da pisləşdirə və qaraciyərdə yağ yığılmasını sürətləndirə bilər.

Tədqiqat həmçinin göstərir ki, orqanizmin bioloji saatları təkcə qaraciyər xəstəliklərinin deyil, eyni zamanda piylənmə, insulinə davamlılıq və diabet kimi digər metabolik pozuntuların inkişafında da mühüm əhəmiyyət daşıyır.

Əli