“Ağıllı linza” nədir? – Multifokal linzaların üstünlükləri  

Son illərdə göz əməliyyatlarında ən çox maraq göstərilən texnologiyalardan biri “ağıllı linza” adlandırılan multifokal linzalardır. Xüsusilə eynəkdən azad olmaq istəyən şəxslər arasında bu linzalara maraq sürətlə artır.

Citypost.az xəbər verir ki, nütəxəssislər bildirirlər ki, “ağıllı linza” ifadəsi daha çox xalq arasında istifadə olunur. Tibbi olaraq isə bu linzalar multifokal linzalar adlanır.

Oftalmoloqların sözlərinə görə, adi linzalarla multifokal linzalar arasında əsas fərq fokus məsafəsindədir.

Belə ki, adi linzalar yalnız bir fokus məsafəsini təmin edir.Yəni pasiyent ya uzağı, ya da yaxını daha yaxşı görə bilir. Bu səbəbdən bəzi hallarda insan əməliyyatdan sonra belə əlavə eynək istifadə etməyə ehtiyac duyur.

Multifokal linzalar isə bir neçə fokus nöqtəsinə malikdir. Bu texnologiya sayəsində insan həm uzaq, həm orta, həm də yaxın məsafəni daha rahat görə bilir.

Mütəxəssislər qeyd edirlər ki, bu linzalar xüsusilə katarakta əməliyyatlarında və yaşla bağlı yaxın görmə zəifliyi yaşayan şəxslərdə geniş tətbiq olunur.

Multifokal linzanın əsas üstünlüklərindən biri pasiyenti gündəlik həyatda eynəkdən böyük ölçüdə azad etməsidir.

Həkimlərin sözlərinə görə, bu linzalar sayəsində insanlar:

kitab və telefon oxuyarkən,

kompüter qarşısında işləyərkən,

televiziya izləyərkən,

avtomobil idarə edərkən

daha rahat görmə əldə edə bilirlər.

Həmçinin oxuyun

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Ekspertlər bildirirlər ki, multifokal linzalar yaxın məsafədə oxumaq üçün, orta məsafədə – məsələn kompüter ekranına baxarkən və uzaq məsafədə yüksək görmə keyfiyyəti təmin edir.Bu səbəbdən bir çox pasiyent əməliyyatdan sonra gündəlik həyat keyfiyyətinin əhəmiyyətli dərəcədə yüksəldiyini bildirir.

Oftalmoloqlar qeyd edirlər ki, hər pasiyent üçün uyğun linza seçimi fərdi qaydada aparılmalıdır. Çünki göz quruluşu, torlu qişanın vəziyyəti, yaş və digər amillər nəticəyə təsir edir.

Mütəxəssislərin fikrincə, düzgün seçilmiş multifokal linza insanın həm görmə keyfiyyətini artırır, həm də uzunmüddətli rahatlıq təmin edir.

Həkimlər sonda vurğulayırlar ki, göz əməliyyatı və linza seçimi mütləq peşəkar müayinə əsasında aparılmalıdır. Çünki hər bir linza hər pasiyent üçün uyğun olmaya bilər.

Yeganə