Stress hormonu bədəni necə dəyişir? – Kortizolun təhlükəli təsirləri  

Uzunmüddətli stress insan orqanizmində ciddi hormonal dəyişikliklər yaradır. Mütəxəssislər bildirirlər ki, davamlı stress zamanı bədəndə kortizol hormonunun səviyyəsi artır və bu vəziyyət bir sıra sağlamlıq problemlərinə səbəb olur.

Citypost.az xəbər verir ki, həkimlərin sözlərinə görə, kortizol “stress hormonu” adlandırılır və orqanizm təhlükə və ya gərginlik hiss etdikdə daha çox ifraz olunur. Qısa müddətli hallarda bu hormon bədən üçün faydalı sayılsa da, uzun müddət yüksək qalması sağlamlığa mənfi təsir göstərir.

Mütəxəssislər qeyd edirlər ki, kortizolun əsas təsirlərindən biri əzələ toxumasının parçalanmasıdır. Orqanizm enerji əldə etmək üçün zülalları parçalayır və amin turşularını qaraciyərə göndərir. Qaraciyərdə isə bu maddələrdən qlükoza, yəni şəkər hazırlanır.

Bildirilir ki, bədən xüsusilə beyin üçün daimi enerji mənbəyinə ehtiyac duyur. Beyin qlükoza ilə qidalandığı üçün orqanizm ən asan yolu seçərək əzələləri parçalamağa başlayır.

Mütəxəssislərin sözlərinə görə, bu proses nəticəsində insanın əzələ kütləsi azalır, bədən zəifləyir və tonus aşağı düşür. Eyni zamanda qanda şəkərin səviyyəsi yüksəlməyə başlayır.

Həkimlər bildirirlər ki, stress zamanı yağların parçalanması da sürətlənir. Lakin burada maraqlı məqam yaranır. Yağların bir hissəsi enerji üçün istifadə olunsa da, digər hissəsi xüsusilə qarın nahiyəsində toplanmağa başlayır.

Mütəxəssislər izah edirlər ki, yağ toxuması əsasən yağ turşuları və qliserindən ibarətdir. Qliserindən müəyyən qədər qlükoza yaradıla bilir, lakin yağ turşularından şəkər istehsal etmək mümkün olmur.

Bu səbəbdən bədəndə parçalanan yağların bir hissəsi istifadə olunmadan yenidən qarın nahiyəsində toplanır. Nəticədə insanda xüsusilə qarın piylənməsi yaranır.

Həmçinin oxuyun

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

Həkimlərin sözlərinə görə, qarın bölgəsində yığılan piylər ən gec parçalanan yağ ehtiyatları hesab olunur. Stress və yüksək kortizol isə bu piylənməni daha da sürətləndirə bilir.

Mütəxəssislər qeyd edirlər ki, uzun müddət stres altında yaşayan insanlarda bir neçə əsas əlamət müşahidə olunur:

qarın nahiyəsində sürətli piylənmə,

əzələlərin zəifləməsi,

halsızlıq,

şəkərin yüksəlməsi,

yorğunluq,

yuxu problemləri və emosional gərginlik.

Onların sözlərinə görə, bir çox insan qidalanmasını dəyişmədən belə qarın nahiyəsində piy artımını müşahidə edir. Bunun əsas səbəblərindən biri məhz uzunmüddətli stress və kortizol hormonunun yüksək qalması ola bilər.

Həkimlər bildirirlər ki, kortizol səviyyəsini azaltmaq üçün ilk növbədə həyat tərzi dəyişdirilməlidir. Keyfiyyətli yuxu, fiziki aktivlik, düzgün qidalanma və stressin idarə olunması bu baxımdan xüsusi əhəmiyyət daşıyır.

Mütəxəssislər vurğulayırlar ki, davamlı stres yalnız psixoloji deyil, həm də hormonal və metabolik problemlərə yol açır. Buna görə uzunmüddətli  yorğunluq, qarın piylənməsi və şəkər yüksəlməsi kimi hallar diqqətdən kənarda qalmamalıdır.

Əli