Burun əməliyyatından sonra niyə arxası üstə yatmaq lazımdır?

Burun əməliyyatı, xüsusilə rinoplastika və ya burun çəpərinin korreksiyası kimi cərrahi müdaxilələrdən sonra sağalma prosesinin uğurlu keçməsi üçün həkim tövsiyələrinə ciddi əməl etmək vacibdir. Mütəxəssislərin sözlərinə görə, əməliyyatdan sonrakı dövrdə düzgün yatış mövqeyi burundakı şişkinliyin azalmasına, toxumaların daha rahat bərpasına və mümkün ağırlaşmaların qarşısının alınmasına kömək edir.

Citypost.az xəbər verir ki, həkimlər bildirirlər ki, burun əməliyyatından sonra ən çox rast gəlinən səhvlərdən biri üzüstə və ya böyrü üstə yatmaqdır. Bu vəziyyətdə insan yuxu zamanı fərqinə varmadan üzünü yastığa sıxa və əməliyyat olunmuş buruna təzyiq göstərə bilər. Bu isə burunda şişkinliyin artmasına, ağrı və narahatlığın güclənməsinə, bəzi hallarda isə sağalma prosesinin ləngiməsinə səbəb ola bilər.

Mütəxəssislər xüsusilə əməliyyatdan sonrakı ilk günlərdə arxası üstə yatmağı tövsiyə edirlər. Baş və çiyinlərin iki yastıq vasitəsilə bir qədər hündür vəziyyətdə saxlanılması venoz qanın daha rahat dövran etməsinə kömək edir. Bu mövqe burundakı ödemin və şişkinliyin daha tez azalmasına şərait yaradır.

Həkimlərin sözlərinə görə, gecə yuxu zamanı qeyri-ixtiyari olaraq yana çevrilməmək üçün bəzi insanlar bədənin hər iki tərəfinə yastıq yerləşdirə bilərlər. Bu üsul xüsusilə ilk həftələrdə daha rahat və təhlükəsiz yuxu mövqeyinin qorunmasına kömək edir.Əməliyyatdan sonrakı dövrdə burunda tutulma hissi, selikli qişanın şişməsi, quruluq, qıcıqlanma, qabıqlanma və bəzən yüngül qanlı ifrazat da müşahidə oluna bilər. Bu hallar əksər hallarda sağalma prosesinin təbii hissəsi hesab olunur.

Mütəxəssislər xəbərdarlıq edirlər ki, belə vəziyyətlərdə burun daxilini özbaşına təmizləmək, qabıqları qoparmaq və ya burunu güclü şəkildə təmizləməyə çalışmaq düzgün deyil. Bu cür müdaxilələr tikişlərə zərər verə, qanaxmaya səbəb ola və sağalma müddətini uzada bilər.Burun selikli qişasının nəmləndirilməsi və bərpasının dəstəklənməsi üçün həkim məsləhəti ilə xüsusi nəmləndirici burun spreylərindən istifadə oluna bilər. Bu məqsədlə istifadə edilən vasitələrdən biri də Sinusol Pantenol burun spreyidir.

Bildirilir ki, məhsulun tərkibində olan pantenol burun selikli qişasının bərpasını dəstəkləməyə kömək edir. Tərkibindəki izotonik dəniz suyu isə burun boşluğunu nəmləndirərək quruluğun, qıcıqlanmanın və qabıqlanmanın azalmasına dəstək verir.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Mütəxəssislərin sözlərinə görə, bu tip spreylər xüsusilə burun əməliyyatlarından sonra, burun daxilində quruluq, həssaslıq və narahatlıq yarandıqda faydalı ola bilər. Bundan başqa, məhsul adi burun qanamaları, selikli qişanın qıcıqlanması və bəzi yüngül travmalardan sonra da istifadə edilə bilər.

Qeyd olunur ki, məhsul damar daraldıcı komponentlər ehtiva etmədiyi üçün uzunmüddətli istifadədə asılılıq yaratmır. İstifadə qaydası isə adətən gün ərzində bir neçə dəfə hər burun dəliyinə 1–2 dəfə püskürtməkdən ibarətdir. Lakin hər bir halda istifadə etməzdən əvvəl əməliyyatı həyata keçirən həkimin tövsiyəsinə əməl olunmalıdır.

Mütəxəssislər xatırladırlar ki, burun əməliyyatından sonrakı ilk həftələrdə düzgün yatış mövqeyi, həkimin təyin etdiyi dərmanların vaxtında qəbulu, buruna zərbə və təzyiqdən qorunmaq, ağır fiziki işlərdən uzaq durmaq və mütəmadi nəzarət müayinələrinə getmək uğurlu sağalma üçün əsas şərtlərdən hesab olunur. Burunda güclü qanaxma, yüksək hərarət, şiddətli ağrı və ya digər narahatedici əlamətlər müşahidə olunarsa, vaxt itirmədən həkimə müraciət edilməlidir.

Əli