Fövqəladə Hallar Nazirliyi növbəti şərti yanğın təlimi keçirib
Cəmiyyət 21 May 2026, 14:49
304
Fövqəladə Hallar Nazirliyinin Dövlət Yanğın Nəzarəti Xidmətinin təşəbbüsü və Dövlət Yanğından Mühafizə Xidmətinin iştirakı ilə Xaçmaz şəhərində yerləşən çoxmərtəbəli yaşayış kompleksində təlim keçirilib.
Nazirlikdən Citypost.az-a verilən xəbərə görə, təlim şərti yanğın həyəcan siqnalı ilə yanğın texnikalarının yaşayış binasına, həmçinin su hovuzuna yaxınlaşa bilməsi və ümumilikdə ərazidəki yanğına qarşı əməliyyat şəraitinin qiymətləndirilməsi məqsədilə keçirilib.
Təlim zamanı şəxsi nəqliyyat vasitələrinin bəzi sahələrdə nizamsız park edilməsi səbəbindən yanğın avtomobillərinin yaşayış kompleksinin həyətinin bir hissəsində sərbəst şəkildə hərəkətinin məhdudlaşdırıldığı müəyyən olunub. Bundan əlavə, kompleksdə yanğın təhlükəsizliyi sahəsində bir sıra nöqsanlar, o cümlədən kompleksin ilkin yanğınsöndürmə vasitələri ilə təmin edilmədiyi və yanğınxəbərverici siqnalizasiya qurğusunun quraşdırılmadığı aşkar edilib.
Həmçinin oxuyun
Qeyd olunan nöqsanların aradan qaldırılması barədə binanın yanğın təhlükəsizliyinə məsul şəxslərinə şifahi və yazılı tapşırıqlar verilib, eyni zamanda yaşayış binasının sakinləri ilə yanğın təhlükəsizliyinin təmin olunması barədə maarifləndirici söhbətlər aparılıb. Nəzərə çatdırılıb ki, yanğın və digər fövqəladə hadisələr zamanı xüsusi təyinatlı texnikaların binaların həyətinə maneəsiz daxil olması, çevik şəkildə döyüş vəziyyətinə gətirilməsi və əməliyyatların effektli keçirilməsi, habelə su hovuzları və hidrantlardan rahat istifadə üçün avtomobillər yalnız təyin olunmuş yerlərdə, bir-biri ilə ara məsafəsi gözləməklə, digər avtonəqliyyat vasitələrinin sərbəst keçid imkanı təmin olunmaqla park edilməlidir.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Bakıda gecə saatlarında intensiv yağış yağacaq
Bakıda və Abşeron yarımadasında mayın 21-i gecə saatlarından 22-si gündüzədək bəzi yerlərdə arabir yağış yağacağı gözlənilir.Bu barədə Citypost.az Milli Hidrometeorologiya Xidmətindən məlumat verilib.Bildirilib ki, saat 00:00-04:00 radələrində yağışın bir qədər intensivləşəcəyi ehtimalı var.
21 May 2026, 15:00
Biləcəridə yol çökdü
Paytaxtın Binəqədi rayonunda yolda çökmə olub.Citypost.az "Unikal"a istinadən xəbər verir ki, hadisə ötən gün Biləcəri qəsəbəsi ərazisində qeydə alınıb.Yolun çökməsi nəticəsində ağır texnika çökən yerə düşüb.
21 May 2026, 14:13
Bakıda IV Milli Kibertəhlükəsizlik Forumu keçiriləcək
İyunun 4-də Azərbaycan Kibertəhlükəsizlik Təşkilatları Assosiasiyası tərəfindən, Dövlət Təhlükəsizliyi Xidmətinin Milli Kibertəhlükəsizlik Mərkəzinin əsas tərəfdaşlığı ilə Bakıda “4-cü Milli Kibertəhlükəsizlik Forumu” təşkil olunacaq.Citypost.az xəbər verir ki, ölkənin aparıcı kibertəhlükəsizlik platformalarından birinə çevrilən forum dövlət qurumlarını, özəl sektor nümayəndələrini, beynəlxalq tərəfdaşları, texnologiya şirkətlərini və sahə üzrə ekspertləri bir araya gətirərək, kibertəhlükəsizlik sahəsində aktual çağırışların və perspektivlərin müzakirəsi üçün mühüm əməkdaşlıq mühiti formalaşdıracaq.Forumun əsas məqsədi Azərbaycanda milli kibertəhlükəsizlik ekosisteminin inkişafına töhfə vermək, dövlət-özəl sektor tərəfdaşlığını gücləndirmək, beynəlxalq təcrübə və innovativ yanaşmaların paylaşılmasını təşviq etməkdir.Tədbir çərçivəsində kibertəhlükəsizlik sahəsində tanınmış beynəlxalq ekspertlərin, aparıcı qlobal IT və texnologiya şirkətlərinin rəhbər şəxslərinin çıxışları nəzərdə tutulur. Forumda...
21 May 2026, 14:07
Anar Quliyev: WUF13 məqsədlərinə doğru addımlayır
WUF13 məqsədlərinə doğru addımlayır."Report" xəbər verir ki, bunu Dövlət Şəhərsalma və Arxitektura Komitəsinin sədri, WUF13 üzrə milli koordinator Anar Quliyev Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində "Çoxtərəflilik vasitəsilə mənzil təminatının inkişafı: Qlobal öhdəliklərdən yerli təsirə" mövzusunda tədbirdə çıxışı zamanı deyib.Onun sözlərinə görə, Azərbaycan milli dayanıqlı hədəfləri adaptasiya edir:"WUF13-ün Bakıda keçirilməsi Azərbaycanda şəhərsalmada göstərdiyi sədaqətin nümunəsidir. Bu forumda alınacaq qərarları qətiyyətlə gerçəkləşdirəcək. Azərbaycan öhdəliklərini yaxşı bilir və atılacaq addımlar öz töhfəsini mütləq verəcək"....
21 May 2026, 13:55
Emmanuel Makron İlham Əliyevə zəng edib
Fransa Prezidenti Emmanuel Makron Azərbaycan Prezidenti İlham Əliyevə zəng edib.Citypost.az xəbər verir ki, bu barədə Azərbaycan Prezidenti "X" sosial şəbəkəsində məlumat paylaşıb."Bu gün Prezident Emmanuel Makrondan telefon zəngi aldım. Telefon söhbəti zamanı biz Azərbaycan–Fransa ikitərəfli münasibətlərinin gündəliyindəki məsələləri nəzərdən keçirdik və qarşılıqlı maraq doğuran məsələlər üzrə fikir mübadiləsi apardıq. Biz, həmçinin regional və qlobal hadisələri müzakirə etdik", - paylaşımda bildirilib.
21 May 2026, 13:35
Bakı-Naxçıvan reysi təxirə salındı
Azərbaycan Hava Yolları (AZAL) Naxçıvan Beynəlxalq Aeroportunun yaxınlığında davam edən əlverişsiz hava şəraiti səbəbindən Bakı-Naxçıvan-Bakı marşrutu üzrə uçuşları yenidən təxirə salıb.Citypost.az xəbər verir ki, bu barədə AZAL məlumat yayıb.Bildirilib ki, sərnişinlərin təhlükəsizliyi əsas götürülərək bütün zəruri tədbirlər görülür.Hava şəraiti sabitləşdikdən sonra reyslərin əvvəlki qaydada icrasına davam ediləcək.
21 May 2026, 13:11
