Avtomobili satandan sonra qəza tarixçənizə düşə bilər? – HÜQUQİ AÇIQLAMA
Hüquq 18 Sentyabr 2026, 10:18
212
Avtomobilini satdıqdan sonra nəqliyyat vasitəsi ilə bağlı sığorta müqaviləsinin əvvəlki sahibin adına qalması bəzi hallarda suallar yarada bilər. Xüsusilə avtomobili alan şəxs sonradan qəza törədərsə, əvvəlki sahibin sığorta tarixçəsinə bunun təsir edib-etməyəcəyi narahatlıq doğurur.
Citypost.az xəbər verir ki, mütəxəssislərin sözlərinə görə, bu məsələdə avtomobilin satıldığı tarix və qəzanın baş verdiyi vaxt mühüm əhəmiyyət daşıyır. 2026-cı il iyunun 16-dan etibarən Azərbaycanda avtomobillərin icbari sığortası üzrə əvvəlki “Bonus-Malus” sistemi ləğv edilərək “Sığorta Tarixçəsi Əmsalı” sistemi tətbiq olunur. Yeni sistem fərdi məsuliyyət prinsipinə əsaslanır və yol-nəqliyyat hadisəsinin sığorta tarixçəsinə təsiri sığorta müqaviləsini bağlayan şəxslə deyil, avtomobili faktiki idarə edən sürücü ilə əlaqələndirilir. Bu baxımdan avtomobilini satan şəxsin sonradan həmin nəqliyyat vasitəsini idarə edən başqa şəxsin törətdiyi qəza səbəbindən öz sığorta tarixçəsinin pisləşməsi ilə bağlı müraciəti varsa, ilk növbədə sığorta şirkətinə rəsmi qaydada müraciət etməsi məqsədəuyğundur. Müraciətdə avtomobilin artıq başqa şəxsə satıldığı, qəza zamanı nəqliyyat vasitəsini əvvəlki sahibin deyil, yeni sahibin və ya digər sürücünün idarə etdiyi göstərilməli, bunu təsdiq edən sənədlər təqdim edilməlidir.
“İcbari sığortalar haqqında” Qanunun 8.3-cü maddəsinə əsasən, icbari sığorta müqaviləsinin qüvvədə olduğu müddətdə əmlakın, o cümlədən avtomobilin sahibi dəyişdikdə, müəyyən şərtlərlə müqavilə müddətinin sonunadək yeni icbari sığorta müqaviləsinin bağlanması tələb olunmur və sığortalıya aid hüquq və vəzifələr yeni sahibə və ya istifadəçiyə şamil edilir. Eyni zamanda qanunun 51.3-cü maddəsi avtomobil özgəninkiləşdirildikdə sığortalıya həmin müqaviləyə xitam vermək hüququ verir.
Yəni avtomobilin satılması ilə məsələni sadəcə “sığorta əvvəlki sahibin adına qalıb” kimi qiymətləndirmək düzgün yanaşma deyil. Satışdan sonra yeni sahibin kim olduğu və avtomobilin qəza zamanı kimin tərəfindən idarə edildiyi sənədlərlə müəyyənləşdirilməlidir. Qanuna görə avtomobilin faktiki sahibi və ya onu qanuni əsaslarla istifadə edən şəxs də icbari sığorta münasibətlərində müəyyən hüquq və vəzifələrə malik ola bilər. Bu səbəbdən avtomobili satan şəxs sığorta şirkətinə müraciət edərək qəzanın onun tərəfindən törədilmədiyini, həmin tarixdə avtomobilin artıq başqa şəxsin sahibliyində və istifadəsində olduğunu bildirməlidir. Satış müqaviləsi, nəqliyyat vasitəsinin yeni sahibinin qeydiyyatı, qəza ilə bağlı sənədlər və digər təsdiqedici materiallar müraciətə əlavə oluna bilər.Əgər sığorta şirkətinin sistemində qəza əvvəlki sahibin sığorta tarixçəsinə aid edilibsə, həmin məlumatın araşdırılması və düzəliş edilməsinin tələb olunması mümkündür. Xüsusilə yeni sistemdə qəzanın faktiki sürücünün sığorta tarixçəsinə aid edilməsi nəzərdə tutulduğundan, əvvəlki sahibin qəza zamanı avtomobili idarə etmədiyini sənədlərlə göstərməsi əhəmiyyətlidir.
Həmçinin oxuyun
Mütəxəssislər bildirirlər ki, sığorta şirkətinə müraciətdən nəticə əldə edilmədiyi halda vətəndaş məsələnin hüquqi qaydada həllini də tələb edə bilər. Bu zaman avtomobilin hansı tarixdə satıldığı, mülkiyyətçinin nə vaxt dəyişdiyi, qəzanın nə vaxt baş verdiyi və həmin vaxt avtomobili kimin idarə etdiyi əsas sübutlar arasında olacaq.
Buna görə avtomobili satan şəxslərin satışdan sonra sığorta şirkətinə müraciət edərək müqavilə və avtomobilin yeni sahibinin dəyişməsi ilə bağlı məlumatları dəqiqləşdirməsi, həmçinin sığorta tarixçəsində özlərinə aid olmayan qəza barədə məlumat aşkar etdikdə dərhal yazılı şəkildə etiraz etməsi tövsiyə olunur. Məsələnin həlli zamanı konkret hadisənin tarixi, sığorta müqaviləsinin statusu və qəza zamanı avtomobili faktiki idarə edən şəxsin kimliyi ayrıca araşdırılmalıdır.
Əli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Evdə qeydiyyatda olmaq həmin mənzilə hüquq verir? – Hüquqşünasdan AÇIQLAMA
Bir çox insan hesab edir ki, hər hansı mənzildə qeydiyyatda olmaq həmin ev üzərində avtomatik olaraq mülkiyyət və ya istifadə hüququnun yaranması deməkdir. Lakin hüquqi baxımdan qeydiyyatla mənzildən istifadə hüququ eyni anlayış deyil. Şəxsin müəyyən ünvanda qeydiyyatda olması, əsasən, onun yaşayış yeri üzrə uçotunun aparılması ilə bağlıdır və yalnız qeydiyyat faktına əsaslanaraq həmin şəxsin mənzilə mülkiyyət hüququnun yarandığını demək olmaz.Başqa sözlə, bir şəxsin hansısa evdə qeydiyyatda olması hələ onun həmin mənzilin sahibi olduğu və ya istənilən halda oradan istifadə etmək hüququna malik olduğu anlamına gəlmir. Mənzildən istifadə hüququnun yaranması üçün qanunvericilikdə nəzərdə tutulan konkret hüquqi əsas olmalıdır.Citypost.az xəbər verir ki,...
17 Sentyabr 2026, 11:00
Müddətli əmək müqaviləsi bitəndə işçiyə xəbərdarlıq edilməlidir?
Müddətli əmək müqaviləsi ilə çalışan bir çox işçi müqavilənin üzərində göstərilən tarix başa çatdıqda əmək münasibətlərinin avtomatik olaraq sona çatdığını düşünür. Lakin Azərbaycan Respublikasının Əmək Məcəlləsində bununla bağlı xüsusi qayda müəyyən edilib. Müqavilənin müddətinin başa çatması özü-özlüyündə kifayət etmir və qanunvericilikdə nəzərdə tutulan xəbərdarlıq qaydasına da əməl olunmalıdır.Citypost.az-ın məlumatına görə, əmək Məcəlləsinin 73-cü maddəsinə əsasən, müddətli əmək müqaviləsinə onun müddəti bitdikdə xitam verilir. Lakin müqavilənin müddətinin başa çatmasına azı bir həftə qalmış tərəflərdən heç biri digər tərəfi müqaviləyə xitam veriləcəyi barədə yazılı formada, o cümlədən elektron informasiya sistemi vasitəsilə xəbərdar etməzsə, həmin əmək müqaviləsi göstərilən müddətə uzadılır. Qanunda nəzərdə tutulan...
17 Sentyabr 2026, 10:00
Hücum edən şəxsə zərər vurmaq nə vaxt cinayət sayılmır? – Qanunda mühüm məqam
İnsan özünü və ya başqa şəxsi hücumdan qoruyarkən qarşı tərəfə zərər yetirərsə, bu hal hər zaman cinayət məsuliyyəti yaratmır. Azərbaycan Respublikasının Cinayət Məcəlləsində belə hallar üçün “zəruri müdafiə” institutu nəzərdə tutulub. Qanunun 36-cı maddəsinə əsasən, şəxs özünün və ya başqa şəxsin həyatını, sağlamlığını və hüquqlarını, həmçinin dövlətin və cəmiyyətin mənafelərini ictimai təhlükəli qəsddən qoruyarkən hücum edən şəxsə zərər yetirə bilər. Əgər müdafiə zamanı qanunda nəzərdə tutulan hədd aşılmayıbsa, törədilən hərəkət cinayət sayılmır.Citypost.az xəbər verir ki, qanunvericilikdə mühüm məqam ondan ibarətdir ki, zəruri müdafiə hüququ yalnız xüsusi hazırlığı olan şəxslərə və ya müəyyən peşə sahiblərinə aid deyil. Cinayət Məcəlləsinin 36.2-ci maddəsinə...
17 Sentyabr 2026, 09:00
Rəsmi nikah olmadan birlikdə yaşayanların aldığı ev bölünə bilərmi? – Hüquqşünaslardan AÇIQLAMA
Rəsmi nikahı olmayan, lakin uzun müddət bir yerdə yaşayan cütlüklərlə bağlı ən çox mübahisə doğuran məsələlərdən biri də həmin dövrdə əldə edilən əmlakın taleyidir. Tərəflər illərlə bir ailə kimi yaşaya, eyni evdə qala, ümumi təsərrüfat apara, hətta övlad sahibi ola bilərlər. Lakin münasibətlərə son qoyulduqda ortaya belə bir sual çıxır: birlikdə yaşadıqları müddətdə alınan ev, avtomobil və ya digər əmlak tərəflər arasında bölünə bilərmi?Citypost.az xəbər verir ki, hüquqşünasların sözlərinə görə, burada ilk növbədə faktiki birgə yaşayışla rəsmi nikah arasındakı hüquqi fərq nəzərə alınmalıdır. Azərbaycan qanunvericiliyinə əsasən, ər-arvadın nikah müddətində əldə etdikləri əmlak, ümumi qayda olaraq, onların ümumi birgə mülkiyyəti hesab...
16 Sentyabr 2026, 11:00
İşçi yeni iş tapıb köhnə işə getməsə, işdən necə çıxarıla bilər?
Yeni iş yeri ilə əmək müqaviləsi bağlayan, lakin əvvəlki iş yerində əmək müqaviləsinə hələ xitam verilməyən şəxslər bəzən ciddi problemlə üzləşirlər. Xüsusilə işçi yeni işə başlamaq üçün əvvəlki iş yerinə getməyi dayandırdıqda, köhnə işəgötürən tərəfindən əmək müqaviləsinə xitam verilməsi məsələsi gündəmə gəlir. Belə hallarda xitamın hansı əsasla rəsmiləşdirilməsi işçinin gələcək əmək fəaliyyəti və əmək münasibətləri barədə elektron sistemdə formalaşan məlumat baxımından əhəmiyyət daşıya bilər.Citypost.az-ın məlumatına görə, Əmək qanunvericiliyinə görə, işçi öz təşəbbüsü ilə əmək müqaviləsinə xitam vermək istəyirsə, bir təqvim ayı əvvəl işəgötürənə yazılı və ya elektron formada xəbərdarlıq etməlidir. Yəni işçinin başqa iş tapması və yeni işəgötürənlə əmək müqaviləsi...
16 Sentyabr 2026, 10:00
Satdığınız evi sonradan geri istəyə bilərsinizmi? – Hüquqşünaslardan AÇIQLAMA
“Evi notarial qaydada almışam, pulunu da tam ödəmişəm, çıxarış artıq mənim adımdadır. Amma satıcı sonradan deyir ki, evi geri qaytar. Belə vəziyyətdə nə etmək olar? Satıcı evi məndən geri ala bilərmi?”Son dövrlərdə daşınmaz əmlak alqı-satqısı ilə bağlı bu tip suallar vətəndaşları düşündürən məsələlərdən biridir. Xüsusilə evini satan şəxsin müəyyən müddət sonra fikrini dəyişməsi, daşınmaz əmlakın qiymətinin artmasından sonra “evi geri istəyirəm” deməsi alıcını ciddi narahat edə bilər.Citypost.az xəbər verir ki, hüquqşünasların sözlərinə görə, daşınmaz əmlakın alqı-satqısı notarial qaydada rəsmiləşdirilib, tərəflər müqaviləni könüllü şəkildə imzalayıb, pul ödənilib və mülkiyyət hüququ dövlət reyestrində alıcının adına qeydiyyata alınıbsa, satıcının sonradan sadəcə fikrini dəyişməsi...
16 Sentyabr 2026, 09:00
