İşçi yeni iş tapıb köhnə işə getməsə, işdən necə çıxarıla bilər?
Hüquq 16 Sentyabr 2026, 10:00
359
Yeni iş yeri ilə əmək müqaviləsi bağlayan, lakin əvvəlki iş yerində əmək müqaviləsinə hələ xitam verilməyən şəxslər bəzən ciddi problemlə üzləşirlər. Xüsusilə işçi yeni işə başlamaq üçün əvvəlki iş yerinə getməyi dayandırdıqda, köhnə işəgötürən tərəfindən əmək müqaviləsinə xitam verilməsi məsələsi gündəmə gəlir. Belə hallarda xitamın hansı əsasla rəsmiləşdirilməsi işçinin gələcək əmək fəaliyyəti və əmək münasibətləri barədə elektron sistemdə formalaşan məlumat baxımından əhəmiyyət daşıya bilər.
Citypost.az-ın məlumatına görə, Əmək qanunvericiliyinə görə, işçi öz təşəbbüsü ilə əmək müqaviləsinə xitam vermək istəyirsə, bir təqvim ayı əvvəl işəgötürənə yazılı və ya elektron formada xəbərdarlıq etməlidir. Yəni işçinin başqa iş tapması və yeni işəgötürənlə əmək müqaviləsi bağlaması avtomatik olaraq əvvəlki əmək müqaviləsinə həmin gün xitam verilməsi anlamına gəlmir. Ümumi qayda olaraq, işçi xəbərdarlıq müddətinə əməl etməlidir. Məsələn, şəxs yeni iş yeri ilə əmək müqaviləsi bağlayıbsa, lakin əvvəlki iş yerində müqaviləsi hələ qüvvədədirsə, ən təhlükəsiz variant əvvəlki işəgötürənə qanunda nəzərdə tutulan qaydada müraciət etmək və əmək müqaviləsinə xitam tarixini rəsmiləşdirməkdir. İşçi əvvəlki iş yerində əmək funksiyalarını yerinə yetirməyə davam etməli olduğu müddətdə üzrsüz səbəbdən işə gəlməzsə, bu, əmək intizamının pozulması kimi qiymətləndirilə və işəgötürən tərəfindən qanunda nəzərdə tutulan əsaslarla müvafiq tədbir görülə bilər.
Digər tərəfdən, işçi yeni işəgötürənlə əmək müqaviləsi bağladığını əvvəlki işəgötürənə təqdim etməklə bir aylıq xəbərdarlıq müddətini gözləmədən əmək müqaviləsinə xitam verilməsini xahiş edə bilər. Lakin burada mühüm məqam ondan ibarətdir ki, belə müraciət avtomatik olaraq əvvəlki işəgötürəni işçini dərhal işdən azad etməyə məcbur etmir. Konkret halın qanunda nəzərdə tutulan istisnalardan birinə uyğun olub-olmamasından və sənədlərin məzmunundan asılı olaraq xitamın hansı tarixdə rəsmiləşdirilməsi müəyyənləşir. Əgər əvvəlki işəgötürən işçinin xahişini qəbul etmirsə və əmək müqaviləsinə qanuni müddətdən əvvəl xitam vermirsə, işçi əmək müqaviləsi qüvvədə olduğu müddətdə əvvəlki iş yerində öz əmək funksiyasını yerinə yetirməyə borcludur. Sadəcə yeni iş tapılması əvvəlki iş yerinə getməmək üçün avtomatik hüquqi əsas yaratmır.
Ən ciddi məsələ isə işçinin əvvəlki iş yerinə getməməsi nəticəsində əmək müqaviləsinə işəgötürənin təşəbbüsü ilə xitam verilməsi zamanı ortaya çıxa bilər. Bu zaman xitamın hansı maddə və hansı hüquqi əsasla rəsmiləşdirildiyinə xüsusi diqqət yetirmək lazımdır. Çünki Əmək Məcəlləsinin 83-cü maddəsinə əsasən, əmək müqaviləsinə xitam işəgötürənin əsaslandırılmış əmri ilə rəsmiləşdirilir və elektron formada bağlanmış əmək müqavilələrinə xitam verildikdə müvafiq əmr elektron informasiya sistemində işçinin elektron kabinetində yerləşdirilir. Burada bir məqamı da xüsusilə vurğulamaq lazımdır: əmək müqaviləsinin elektron sistemdə işəgötürənin təşəbbüsü ilə xitam verilməsi faktı ilə xitamın hansı maddə və bənd əsasında aparılması eyni məsələ deyil. Məsələn, Əmək Məcəlləsinin 70-ci maddəsinin “ç” bəndi işçilərin sayı və ya ştatların ixtisarı ilə bağlı halı nəzərdə tutur. Bu səbəbdən “70-ci maddənin ç bəndi ilə əmək funksiyalarının kobud şəkildə pozulmasına görə işdən çıxarılma” ifadəsi hüquqi baxımdan düzgün deyil və konkret xitam əmrində göstərilən əsas ayrıca yoxlanmalıdır. Əgər işçi hesab edirsə ki, əvvəlki işəgötürən onunla əmək müqaviləsinə qanunsuz və ya əsassız şəkildə xitam verib, bu halda xitam əmrinin, elektron sistemdəki məlumatların və işəgötürənin əsas kimi göstərdiyi halların araşdırılması vacibdir. Əmək Məcəlləsinin 300-cü maddəsinə əsasən, işəgötürən əmək müqaviləsinə xitam verilməsi üçün qanunda nəzərdə tutulan əsasları və qaydaları pozubsa, əmək mübahisəsi məhkəmə tərəfindən araşdırıla və qanunda nəzərdə tutulan hallarda işçinin əvvəlki vəzifəsinə bərpası, məcburi iş buraxma müddəti üçün əməkhaqqının ödənilməsi və digər hüquqi nəticələr müəyyən edilə bilər.
Həmçinin oxuyun
Ona görə də yeni işə keçmək istəyən şəxsin əvvəlki iş yerinə sadəcə getməməsi düzgün yanaşma deyil. Ən doğru yol əmək müqaviləsinə xitam prosesini qanunvericiliyin tələblərinə uyğun rəsmiləşdirmək, yeni iş yerində əmək fəaliyyətinə başlama tarixini nəzərə almaq və mümkün olduğu halda əvvəlki işəgötürənlə xitam tarixini razılaşdırmaqdır. Əgər artıq elektron sistemdə işçinin barəsində arzuolunmaz əsasla xitam qeydə alınıbsa, ilk növbədə həmin xitamın əmri və hüquqi əsası əldə edilməli, bundan sonra onun qanuniliyinə hüquqi qiymət verilməlidir.
Yusif
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Satdığınız evi sonradan geri istəyə bilərsinizmi? – Hüquqşünaslardan AÇIQLAMA
“Evi notarial qaydada almışam, pulunu da tam ödəmişəm, çıxarış artıq mənim adımdadır. Amma satıcı sonradan deyir ki, evi geri qaytar. Belə vəziyyətdə nə etmək olar? Satıcı evi məndən geri ala bilərmi?”Son dövrlərdə daşınmaz əmlak alqı-satqısı ilə bağlı bu tip suallar vətəndaşları düşündürən məsələlərdən biridir. Xüsusilə evini satan şəxsin müəyyən müddət sonra fikrini dəyişməsi, daşınmaz əmlakın qiymətinin artmasından sonra “evi geri istəyirəm” deməsi alıcını ciddi narahat edə bilər.Citypost.az xəbər verir ki, hüquqşünasların sözlərinə görə, daşınmaz əmlakın alqı-satqısı notarial qaydada rəsmiləşdirilib, tərəflər müqaviləni könüllü şəkildə imzalayıb, pul ödənilib və mülkiyyət hüququ dövlət reyestrində alıcının adına qeydiyyata alınıbsa, satıcının sonradan sadəcə fikrini dəyişməsi...
16 Sentyabr 2026, 09:00
Baba evinin kimin adına olduğunu necə öyrənmək olar? – Hüquqşünasdan AÇIQLAMA
Baba və atası vəfat edən şəxslərin miras qalan evin kimin adına rəsmiləşdirildiyini öyrənməsi bəzən ciddi çətinlik yaradır. Xüsusilə də daşınmaz əmlakın dövlət reyestrindəki məlumatların birbaşa nəvəyə təqdim edilməməsi belə şəxslərdə “əmlakın sahibi barədə məlumatı başqa hansı yolla əldə etmək olar?” sualını gündəmə gətirir.Citypost.az xəbər verir ki, məsələ ilə bağlı hüquqşünaslar bildirib ki, burada əsas məsələ şəxsin həmin əmlakla bağlı hüquqi marağını və vərəsəlik əlaqəsini sənədlərlə təsdiq etməsidir.Hüquqşünasların sözlərinə görə, daşınmaz əmlakın dövlət reyestrindən məlumatlar tamamilə hər kəsə açıq şəkildə təqdim edilmir. Qanunvericiliyə əsasən, reyestrdən daşınmaz əmlakın təsvirinə, qeydiyyata alınmış hüquqlara və yüklülüklərə dair arayış hüquq sahibinə, onun vəkil etdiyi şəxsə,...
15 Sentyabr 2026, 11:00
Kişi vəfat edəndə həyat yoldaşı onun pensiyasını ala bilərmi? – Qadınla kişi arasında fərq yoxdur
Ailədə həyat yoldaşlarından biri vəfat etdikdə onun pensiyasının digər həyat yoldaşına keçib-keçməməsi ilə bağlı çoxsaylı suallar yaranır. Xüsusilə pensiya yaşına çatmış şəxslər arasında belə bir fikir yayılıb ki, ər vəfat edərsə, onun aldığı pensiyanın müəyyən hissəsi həyat yoldaşına verilir. Bəs bu, həqiqətən necə hesablanır? Məsələn, kişinin pensiyası daha yüksək olubsa, onun vəfatından sonra arvadı həmin məbləği ala bilərmi? Eyni qayda qadın vəfat etdikdə ərinə də tətbiq olunurmu?Citypost.az-ın məlumatına görə, Azərbaycan qanunvericiliyində bu məsələ ailə başçısını itirməyə görə əmək pensiyası anlayışı ilə tənzimlənir. Yəni vəfat edən şəxsin aldığı pensiya avtomatik olaraq həyat yoldaşının adına keçirilmir. Bunun üçün qanunvericilikdə nəzərdə tutulan şərtlər...
15 Sentyabr 2026, 10:00
Boşandığınız həyat yoldaşınız vəfat edibsə, uşaqlarınız ona vərəsə sayılırmı? – Hüquqi açıqlama
Boşanmış şəxslərin bir-birinin əmlakına vərəsə olub-olmaması ilə bağlı çoxsaylı suallar yaranır. Xüsusilə əvvəlki nikahdan olan uşaqların atalarının ölümündən sonra miras hüququnun olub-olmaması valideynləri düşündürən əsas məsələlərdəndir. Bəzən belə fikir formalaşır ki, valideynlər boşanıbsa, uşaqlar da həmin valideynin mirasından məhrum ola bilər. Lakin bu yanaşma düzgün deyil.Citypost.az-ın məlumatına görə, Azərbaycan qanunvericiliyinə görə valideynlərin boşanması uşağın həmin valideynlə hüquqi qohumluğunu aradan qaldırmır. Başqa sözlə, ata və ana boşanıbsa, bu hal onların övladının atasına və ya anasına olan hüquqi bağlılığını dəyişmir. Atanın sonradan vəfat etməsi halında uşaqları, qanunvericilikdə nəzərdə tutulan qaydada, onun birinci növbə vərəsələri sırasında yer alırlar. Mülki Məcəllənin 1159.1.1-ci maddəsinə əsasən,...
15 Sentyabr 2026, 09:00
Evlənməzdən əvvəl alınan torpaq kimə məxsusdur? – HÜQUQİ İZAH
Nikahdan əvvəl alınmış torpaq sahəsinin sonradan, nikah dövründə həyat yoldaşının razılığı olmadan satılıb-satıla bilməməsi ilə bağlı vətəndaşlarda tez-tez suallar yaranır. Xüsusilə torpağın çıxarışının nikahdan əvvəl alınması halında sonradan bağlanan nikahın həmin əmlaka hüquqi təsir edib-etmədiyi maraq doğurur.Citypost.az xəbər verir ki, hüquqşünasların sözlərinə görə, burada əsas məsələ torpağın nə vaxt əldə edilməsidir. Azərbaycan qanunvericiliyinə əsasən, şəxsin nikaha daxil olduğu tarixə qədər ona məxsus olan əmlak, bir qayda olaraq, həmin şəxsin ayrıca mülkiyyəti hesab edilir. Ailə Məcəlləsinin 34.1-ci maddəsində də nikaha daxil olanadək ər-arvaddan hər birinə məxsus olmuş əmlakın onların ayrıca mülkiyyəti olduğu təsbit edilir. Bu o deməkdir ki, şəxs torpaq sahəsini...
14 Sentyabr 2026, 11:00
Sovet dövründə texniki pasportu olan obyektə çıxarış almaq mümkündürmü? – Hüquqşünaslardan AÇIQLAMA
Daşınmaz əmlakla bağlı ən çox rast gəlinən problemlərdən biri obyektin uzun illərdir ailənin istifadəsində olması, hətta həmin əmlaka dair köhnə texniki pasportun mövcudluğu, lakin mülkiyyət hüququnun dövlət reyestrində çıxarışla rəsmiləşdirilməməsidir. Belə vəziyyətdə vətəndaşlarda haqlı olaraq sual yaranır: əgər obyekt 1980-ci illərdən bizim istifadəmizdədirsə və texniki pasportu varsa, gələcəkdə başqa bir şəxs həmin əmlaka dair çıxarış təqdim edib mülkiyyət iddiası qaldıra bilərmi?Citypost.az xəbər verir ki, hüquqşünasların sözlərinə görə, burada ilk növbədə əmlakın hansı sənədlərlə əldə edildiyi, texniki pasportun nə vaxt və hansı orqan tərəfindən verildiyi, həmin sənəddə hansı məlumatların əks olunduğu və torpaq sahəsinə dair hüquqların olub-olmaması müəyyənləşdirilməlidir. Çünki daşınmaz əmlak...
14 Sentyabr 2026, 10:00
