Politoloq: Rusiyada təsir qrupları arasında rəqabət yeni mərhələyə keçib  

Rusiyada davam edən müharibənin nəticələrinin hələ də qeyri-müəyyən qalması ölkənin daxili təhlükəsizlik, güc strukturları və dövlət idarəetmə sistemində təsir imkanları uğrunda rəqabəti daha da kəskinləşdirib.

Citypost.az xəbər verir ki, bu fikirləri politoloq Yeganə Hacıyeva sosial şəbəkə hesabında paylaşdığı təhlildə bildirib.

Onun sözlərinə görə, baş verən proseslər artıq ayrı-ayrı qrupların qərarvermə mexanizmlərinə təsiri, resursların idarə olunması və strateji prioritetlərin müəyyənləşdirilməsi uğrunda institusional rəqabət çərçivəsini aşmağa başlayıb.

Politoloq qeyd edib ki, Rusiya təhlükəsizlik strukturlarına və siyasi qruplara yaxın informasiya resurslarının diskurs təhlili göstərir ki, sözügedən rəqabət artıq qapalı hakimiyyət dairələri ilə məhdudlaşmır və media müstəvisində klassik siyasi qarşıdurma elementləri qazanıb.

Y.Hacıyevanın fikrincə, proses əvvəlki illərlə müqayisədə daxili dinamikasını əhəmiyyətli dərəcədə dəyişib və ənənəvi FSB-SVR, yaxud Sergey Narışkin-Nikolay Patruşev xətti üzrə müşahidə olunan rəqabət mərhələsindən kənara çıxıb. Hazırda isə üçüncü, daha az görünən bir təsir mərkəzinin dezinformasiya və informasiya sızmaları vasitəsilə hər iki instituta qarşı etimadsızlıq formalaşdırmağa çalışdığı müşahidə olunur.

Təhlildə bildirilir ki, müxtəlif media platformalarında və ekspert şəbəkələrində aparılan informasiya kampaniyaları, məqsədli sızmalar və reputasiya yönümlü narrativlər bu proseslərin əsas elementləri kimi çıxış edir.

Həmçinin oxuyun

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Politoloq nümunə olaraq Dmitri Patruşevin Prezident Vladimir Putinlə görüşü zamanı səsləndirdiyi fikirlər ətrafında yaranan müzakirələri, daha sonra onun guya balkondan atılaraq öldürüldüyü barədə yayılan dezinformasiyaları, eləcə də Narışkin haqqında dövriyyəyə buraxılan müxtəlif məlumatları göstərib.

Y.Hacıyeva vurğulayıb ki, Rusiyada siyasi və təhlükəsizlik elitaları arasında baş verən bu cür qarşıdurmaların təsirləri uzun illərdir postsovet məkanında, o cümlədən Azərbaycanlı mühacir müxalifət mediasında da müşahidə olunur. Onun sözlərinə görə, hazırda bu mənzərəyə geosiyasi təsir əməliyyatları kimi yeni bir komponent də əlavə edilib.

Politoloq bildirib ki, yeni təsir alətləri sırasında hibrid informasiya əməliyyatları, reputasiya kampaniyaları, ictimai rəyin manipulyasiyası, eləcə də hüquqi və siyasi kommunikasiya mexanizmlərinin paralel tətbiqi xüsusi yer tutur.

Onun qənaətinə görə, məhkəmə prosesləri, hüquqi təşəbbüslər, istintaq materialları və digər hüquqi alətlər media kampaniyaları və reputasiya əməliyyatları ilə paralel şəkildə istifadə olunur. Beləliklə, hüquqi proseslər siyasi mesajların ötürülməsi, siyasi kommunikasiya isə həmin proseslərin legitimləşdirilməsi və ictimai rəyə müəyyən çərçivədə təqdim edilməsi funksiyasını yerinə yetirir.

Əli