Heydər Oğuz: Hədəf İranın tranzit gücüdür
Siyasət 10 İyul 2026, 08:20
366
ABŞ-ın İrana son hücumlarının əsl hədəfi
ABŞ-İsrail cütlüyünün İrana hücumları başlayanda qələmə aldığım bütün analizlərimdə bu savaşın yeganə hədəfinin İranın enerji resurslarına nəzarət etmək deyil, bundan daha əhəmiyyətli bir məqsədin qlobal ticarət marşrutlarını dəyişmək olduğunu söyləmişdim. Centcom-un İrana dünənki hücumları da bu ehtimalı gücləndirir.
Dünənki hücumlarda bəlkə də bir çoxumuzun gözündən yayınan iki hədəf vardı - biri Çabahar limanı, digəri isə Gülüstan əyalətində yerləşən Ağqala dəmir yolu xətti. Məlumdur ki, Çabahar neft və qaz resursları ilə fərqlənməyən ərazidir. Bu liman şəhəri Pakistanın Gvadar limanı ilə qonşudur və İranın birbaşa Hind okeanına açılan qapısıdır. Dolayısıyla Çabaharın enerji mənbəyi kimi deyil, logistik əhəmiyyəti var. Çabahar limanı istifadəyə yararsız hala salınarsa, İrandan Pakistan üzərindən Çinə neft nəqliyyatının da önü kəsilə bilər. Zənnimcə, oranın hədəfə alınmasının əsas məqsədi də elə budur.
Gülüstan əyalətinin Ağqala şəhərində yerləşən Ağtəkə xan dəmir yolu da İranı Rusiya, Mərkəzi Asiya və Çinlə birləşdirən önəmli logistic qovşaqlardan biridir. İranın “Cahan” xəbər portal Ağtəkə xan dəmir yolunun strateji əhəmiyyəti barədə yazır:
“Ağqala haradadır və “Ağqala” körpüsünün əhəmiyyəti nədir?
ABŞ-ın İranın bəzi infrastrukturlarına səhər tezdən hücumları zamanı Gülüstan əyalətinin Ağqala şəhərindəki Ağqala körpüsü də hədəfə alınıb; Gorqan-İncəburun dəmir yolu marşrutunun bir hissəsi olan və İranın dəmir yolu şəbəkəsini Orta Asiya ilə birləşdirən vacib əlaqələrdən biri olan körpüdür.
Ağqala körpüsünə edilən son hücum və onun dağıdılması bəziləri üçün bu körpünün harada olması və bu strateji körpünün yaxınlığında yerləşən Ağqala şəhərinin xüsusiyyətlərinin nələr olduğu sualını doğurub. Bu məqalədə bu suallara qısaca cavab verəcəyik.
Ağqala haradadır?
Ağqala, Gürkandan təxminən 20 kilometr şimalda yerləşən və Ağqala Gülüstan əyalətinin şimal şəhərlərindən biridir. Bu şəhər, münbit Gürkan düzənliyində və Gürkanı İncəburun sərhədi və Türkmənistanla birləşdirən marşrutda yerləşir. Coğrafi mövqeyinə görə, İranın Orta Asiya ölkələri ilə əlaqə qurması üçün ən vacib qapılardan biri hesab olunur.
Ağqalanın əhalisi türkmən soydaşlarından ibarətdir və bu bölgənin iqtisadiyyatı, kənd təsərrüfatı və heyvandarlıqdan əlavə, nəqliyyat və sərhəd ticarətindən də asılıdır.
Ağqala körpüsü; ABŞ Hücumunun Hədəfi
Gülüstan əyalətindəki Ninevo Mühafizəçilərinin rəsmi açıqlamasına görə, bu səhər Ağqala körpüsü ABŞ kruiz raketi ilə hədəfə alınıb. Bu körpü Gürkan-İncəburun dəmir yolu marşrutunda yerləşir və rəsmilərin sözlərinə görə, hücum körpüyə ziyan vurub, lakin heç bir itki ilə nəticələnməyib.
Ağtəkə Xan Körpüsü təkcə yerli körpü deyil, həm də ölkənin şimal-şərq dəmir yolu marşrutunun vacib strukturlarından biridir və bu xətt üzrə yük və sərnişin qatarlarının hərəkətində mühüm rol oynayır.
Bu körpü niyə vacibdir?
Ağtəkə Xan Körpüsü Gürkan-İncəburun dəmir yolu xəttinin bir hissəsidir; son illərdə ölkədə ən vacib dəmir yolu marşrutlarından birinə çevrilən layihə.
Bu marşrut İranı İncəburun dəmir yolu vasitəsilə Türkmənistan, Qazaxıstan, Rusiya və digər Orta Asiya ölkələri ilə birləşdirir və beynəlxalq Şimal-Cənub nəqliyyat dəhlizinin, eləcə də Avrasiya tranzit dəhlizlərinin vacib marşrutlarından biri hesab olunur.
Hər il bu marşrut vasitəsilə xeyli miqdarda tranzit malları, kənd təsərrüfatı məhsulları, minerallar və digər ixrac və idxal yükləri daşınır və bu səbəbdən bu dəmir yolu xətti İranın regional ticarətinin vacib arteriyalarından biri hesab olunur.
ABŞ bu körpünü niyə hədəfə aldı?
ABŞ Mərkəzi Komandanlığı (CENTCOM) əməliyyatını izah edərkən bu hücumlarda Vaşinqtonun nöqteyi-nəzərindən lojistik dəstək və avadanlıqların daşınmasında rol oynayan infrastrukturu hədəf aldığını açıqladı. İran rəsmiləri isə Ağtəkə Xan Körpüsünün ölkənin sərnişin daşınması, malların daşınması və qonşu ölkələrlə ticarətin inkişafı üçün istifadə edilən mülki nəqliyyat infrastrukturunun bir hissəsi olduğunu vurğulayır və ona edilən hücumu mülki infrastrukturun hədəfə alınması kimi qiymətləndirirlər.
Ağqalanın strateji əhəmiyyəti
Ağqalanın coğrafi mövqeyi bu şəhərə yerli əhəmiyyətindən əlavə, regional nəqliyyat və tranzit tənliklərində xüsusi yer vermişdir. Türkmənistan sərhədinə yaxınlığı, beynəlxalq dəmir yolu marşrutunda yerləşməsi və Avrasiya ticarət dəhlizlərinə qoşulması bu bölgəni ölkənin şimal-şərqindəki strateji nöqtələrdən birinə çevirmişdir.
Buna görə də, Ağqala Körpüsü sadəcə bir tikinti strukturu deyil, həm də İranın Orta Asiya və Rusiya ilə rabitə şəbəkəsinin bir hissəsidir; xarici ticarətdə, beynəlxalq tranzitdə və regional iqtisadi əməkdaşlığın inkişafında mühüm rol oynayan bir marşrut üzərində yerləşir.
Ağqala körpüsü ilk baxışdan Ağqala şəhərində dəmir yolu körpüsü kimi görünsə də, onun mövqeyi yerli marşrutdan kənardadır. Bu körpü İranı Orta Asiya və Avrasiya dəmir yolu şəbəkəsi ilə birləşdirən əlaqələrdən biridir və bu səbəbdən ona dəyən hər hansı bir zərər təkcə daxili nəqliyyata deyil, həm də regiondakı tranzit və ticarət proseslərinə təsir göstərə bilər. Buna görə də bu körpüyə edilən hücum təkcə mülki hadisə hesab edilmir, həm də geosiyasi baxımdan xüsusi əhəmiyyət kəsb edir”.
Qısası, ABŞ-ın xüsusilə Çabahar limanını və Ağqala dəmir yolunu hədəfə alması İranı beynəlxalq tranzit xətlərindən tədric etmək məqsədi daşıyır. Əslində Hörmüz boğazına hücumların da əsas məqsədi alternativ marşrut arayışları ilə birbaşa əlaqəlidir. ABŞ Hörmüz boğazını keçilməz hala gətirməklə dünyanın ən önəmli enerji güzargahı olan bir marşrutu bağlamağa və ona alternativ geçiş xətləri açmağa çalışır. Yeni dünyanın mühüm enerji və ticarət xətlərindən bir olacağını düşündüyümüz bu marşrut Oman və ya BƏƏ-dən başlayaraq Səudiyyə Ərəbistanı-İordaniya-Suriya-Türkiyə üzərindən Avropaya açılacaq. Digər alternativ isə bu marşrutda Türkiyə və Suriyanın by pass edilərək İsrail üzərindən Yunanıstana çıxmaqdır. Zənnimcə, bütün yumurtaları eyni zənbilə yığmaq istəməyən anglo-sakson ağlı bir-biriylə amansız rəqabət aparacağı gözlənilən hər iki güzərgahı eyni anda işlətməyə çalışacaq. Nəticədə amansız rəqabət tranzit xərclərini də azaldacaq.
Bu projelər baş tutarsa, ən çox itirən İran olacaq. Bərk-bərk əlində tutmağa çalışdığı və onminlərlə, bəlkə də 100 minlərlə vətəndaşını qurban verdiyi Hörmüz boğazı onun özünün boğazına ilişib qalmış armud qurusuna çevriləcək. Necə ki, vaxtilə indiki İran coğrafiyasında hegemonluq etmiş Türk imperiyalarını da, Osmanlını da həssas dəngələri ilə oynayıb çökdürdükləri İpək yolu marşrutunun tamamilə bağlanması bitirdi. İran da bu gün eyni xətaları təkrarlayaraq sahib olduğu avantajı lüzumsuzlaşdırır.
Haqqında danışdığımız projelər reallaşarsa, qlobal nəqliyyat şəbəkəsinin ən önəmli tərkib hissələrindən olan Babül-məndəb boğazı da əhəmiyyətini itirəcək, Sudan, Yəmən, Cubiti, Həbəşistan (Efiopiya), hətta Misir kimi Qırmızı dəniz ölkələrinin vəziyyəti də ağırlaşacaq.
Heydər Oğuz
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Elçin Rüstəmlidən İran səfirinə sərt reaksiya
Jurnalist Elçin Rüstəmli İranın Ermənistandakı səfirinin açıqlamasına münasibət bildiribCitypost.az xəbər verir ki, Jurnalist Elçin Rüstəmli İranın Ermənistandakı səfiri Xəlil Şirqulaminin Azərbaycan və Türkiyə liderlərinin İranın ali dini rəhbəri Əli Xameneinin dəfn mərasimində iştirak etməməsi ilə bağlı səsləndirdiyi fikirlərə münasibət bildirib.O qeyd edib ki, səfirin bu açıqlaması SEPAH-ın mövqeyini əks etdirir. Elçin Rüstəmli bildirib ki, Azərbaycan və Türkiyə liderlərinin dəfn mərasimində iştirak etməməsinə irad bildirilməsi yersizdir.Jurnalist, həmçinin vurğulayıb ki, mərasimdə Xameneinin oğlu Müctəba Xamenei də iştirak etməyib. Onun fikrincə, bu halda digər dövlət liderlərinə irad tutulması və bunun tarixi yaddaşda qalacağı barədə fikirlər əsassızdır....
10 İyul 2026, 10:20
Qulu Məhərrəmli: İsrailin qərarı təsadüfi deyil
Professor Qulu Məhərrəmli İsrail parlamentinin (Knessetin) qondarma “erməni soyqırımı”nın tanınması məsələsini gündəmdən çıxarmasını mühüm geosiyasi proseslərin nəticəsi kimi qiymətləndirib.Citypost.az xəbər verir ki, professor bildirib ki, bu addım birbaşa NATO-nun Ankara sammiti, ABŞ-Türkiyə münasibətlərində müşahidə olunan istiləşmə, Azərbaycan hökumətinin və ölkədəki yəhudi icmalarının səylərinin nəticəsidir. Onun fikrincə, bu, hadisələrin inkişafının ən uğurlu ssenarisidir.Qulu Məhərrəmli vurğulayıb ki, Türkiyə Azərbaycanın hərbi müttəfiqi və qardaş ölkəsi, İsrail isə dost və strateji tərəfdaşıdır. O qeyd edib ki, Qarabağın işğaldan azad olunması ilə nəticələnən 44 günlük Vətən müharibəsində hər iki dövlətin Azərbaycana göstərdiyi dəstək misilsiz və unudulmaz olub.Professor əlavə edib ki, ABŞ-nin dəstəyi ilə yaxın zamanda...
10 İyul 2026, 10:05
Ədalət Verdiyev: Türkiyə silah idxalçısından ixracatçıya çevrildi
Qardaş Türkiyəmiz vaxtilə patronu belə başqa ölkələrdən, əsasən də Qərbdən satın alırdı. Həm də silah və sursatı türklərə "qısır silah-sursat" kimi satırdılar. Yəni dəyəri Türkiyə tərəfindən ödənilən silah və sursatın kimə qarşı istifadəsinə idxal edən olkə məhdudiyyət qoyurdu. Bəzi ölkələr Türkiyəyə satdığı silahın yunanlara, hətta terrorçulara qarşı istifadə üçün şərtlərini irəli sürürdülər.İndi isə Türkiyə yerli və milli imkanları ilə müharibə taleyini qısa müddətdə həll edən silahlar, o cümlədən MALE, HALE tipli pilotsuz aparatlar, müxtəlif dəniz dronları, gəzən sursatlar, tanklar və digər zirehli vasitələr, reaktiv və qoşquda daşınan artilleriya sistemləri, hipersəs raketlər, HHM kompleksləri, müxtəlif təyinatlı döyüş gəmiləri, helikopterlər, pilotsuz qırıcılar,...
10 İyul 2026, 09:56
Qulu Məhərrəmli: Ərdoğanın hədiyyəsi liderləri çətin vəziyyətə saldı
Media eksperti, əməkdar jurnalist, professor Qulu Məhərrəmli NATO-nun Ankarada keçirilən sammiti ilə bağlı diqqətçəkən məqamlardan birinə toxunub.Citypost.az xəbər verir ki, professor bildirib ki, NATO-nun Ankara sammiti təkcə Avropa-ABŞ və Türkiyə-ABŞ münasibətlərindəki anlaşılmazlıqların aradan qaldırılması, Ukraynaya 140 milyardlıq silah yardımı ayrılması və ABŞ Prezidenti Donald Trampın İranla bağlı açıqlamaları ilə deyil, həm də Türkiyə Prezidenti Rəcəb Tayyib Ərdoğanın qonaqlara təqdim etdiyi qeyri-adi hədiyyə ilə yadda qalıb.Qulu Məhərrəmlinin sözlərinə görə, Ərdoğanın NATO sammitində iştirak edən dövlət başçılarına Türkiyə istehsalı olan, üzərinə liderlərin adları həkk edilmiş "Gümüşay" markalı tapança hədiyyə etməsi rəmzi xarakter daşıyır və təbii addımdır. Lakin bəzi hökumət başçıları üçün bu...
10 İyul 2026, 09:50
Tacikistan Azərbaycanla münasibətlərin inkişafını yüksək qiymətləndirdi
Tacikistan Azərbaycanla münasibətlərin müsbət dinamikasını qeyd edib.Citypost.az Tacikistan Xarici İşlər Nazirliyinə (XİN) istinadən xəbər verir ki, bu məsələ XİN rəhbəri Sirojiddin Muhriddinin ölkədəki diplomatik missiyasını başa vuran Azərbaycan səfiri Əlimirzamin Əsgərovla görüşü zamanı müzakirə olunub.Görüş zamanı diplomatlar ikitərəfli münasibətlərin və qarşılıqlı faydalı əməkdaşlığın inkişaf dinamikasını yüksək qiymətləndiriblər. "Nazir səfirə Tacikistan və Azərbaycan arasında dostluq münasibətlərinin inkişafına və möhkəmləndirilməsinə verdiyi mühüm töhfəyə görə təşəkkür edib və gələcək fəaliyyətində uğurlar arzulayıb", - XİN-in məlumatında bildirilib. (Report)...
10 İyul 2026, 08:36
Fazil Mustafa: Dövlətə qarşı ideoloji təhdidlər artır
Milli Məclisin deputatı Fazil Mustafa bildirib ki, Azərbaycan dövlətinə bağlı olan, onun bayrağını sevən və dövlətin varlığını uca tutan hər kəs üçün bu mesajlar aydındır. Onun sözlərinə görə, dövlət kənardan idarə olunan informasiya hücumlarına məruz qalır və belə bir şəraitdə dövləti və onun dəyərlərini müdafiə etməmək doğru yanaşma deyil.Deputat qeyd edib ki, başqa ölkələrin dini ideologiyasının təbliğatçıları cəmiyyətin bir hissəsinə təsir göstərə, bəzi insanlar isə öz rahat həyat tərzini pozmamaq üçün dövlət vəzifəsində olsalar belə, dövlət maraqlarını qorumaqdan yayına bilərlər. O bildirib ki, bəzi şəxslər qaragüruhçu zehniyyət qarşısında milli diplomlarının, ziyalı adlarının və mandatlarının arxasında gizlənə bilər. Fazil Mustafanın sözlərinə...
10 İyul 2026, 07:07
