Layiq Mehdiyev kimdir? Prokuror yoxsa...  

Citypost.az saytına əri polis baş-leytenantı Sərvər Abbasov,atası Eldar Dadaşov və qardaşı Uğur Dadaşov Qarabağ Müharibəsində qəhrəmancasına şəhid olmuş Hicran Dadaşova  tərəfindən müraciət daxil olub. 

O, müraciətində bildirir: “Həyat yoldaşım,atam və qardaşım– hər üçü Qarabağ Müharibəsi şəhidləridir. NZS qəsəbəsindəki Mingəçevir küçəsi 22-də yerləşən baxımsız vəziyyətdə olan ərazini öz hesabımıza zibillərdən və digər məişət tullantılarından təmizləməklə, kiçik də olsa mebel sexi qurmuşuq. Çətinliklə də olsa ailəmizi birtəhər dolandırırıq.

Bir neçə gün əvvəl özünü Baş Prokurorluğun məsul işçisi kimi təqdim edən Layiq Mehdiyev adlı şəxs sexə gəlib orada inzibati işləri həyata keçirən Eltac Şəmiyevə guya sexin yerləşdiyi ərazinin ona məxsus olduğunu bildirib.

O, E.Şəmiyevə ərazini tezliklə tərk etmək tapşırığı verib. Biz dəfələrlə onunla danışıqlar yolu ilə məsələyə aydınlıq gətirmək istədik və əraziyə dair əlində hər hansı hüquqi sənəd təqdim etməsini tələb etdik. O isə telefonundakı 1991-ci ildə Rayon Xalq Deputatları Soveti tərəfindən verilmiş rus dilində olan hansısa müammalı qərarın  şəklini göstərməklə kifayətlənib. L.Mehdiyev daha sonra bildirib ki, sahənin 6 sotu ona, qalan hissəsi isə hələlik kimliyi bizə bəlli olamayan 2 nəfər şəxsə məxsusdur.

O, indiyədək 3 dəfə sexə gəlib. Əlimizdə onun apardığı söhbətlər və bizə olan təhdidlərə dair video materallar mövcuddur. Sonradan öyrəndik ki, Layiq Mehdiyev adlı şəxs Baş Prokurluqda və onun hər hansı yerli qurumunda çalışmır. O, 90-cı illərin sonlarında həqiqətən Bakı şəhər Prokurorunun müavini vəzifəsində təmsil olunub. Hazırda isə vaxtilə təhsil aldığı Rusiya Federasiyasında yaşayır və biznes fəaliyyəti ilə məşğuldur. Biz ona 3 qat şəhid ailəsi olduğumuzu, bura bizim yeganə qazanc mənbəyimiz olduğunu, ərazidə dair hüquqi sənəd (çıxarış) təqdim edəcəyi tərzdə, ərazini könüllü tərk edəcəyimizi təkrar bildirdik. L.Mehdiyev isə təhqiramiz şəkildə ironiya ilə gülümsəyərək “İstəsəm bura 10 şəhid ailəsi tökərəm” deyərək bizi təhqir etdi və polislə hədələdi. Sexdə inzibati işləri həyata keçirən Eltac Şəmiyevi Xətai Rayon Polis İdarəsinin 37-ci Polis Bölməsinə heç bir əsas olmadan apartdırıb və ərazini tərk edəcəyimizə dair iltizam verməyə məcbur etdirib. 

Həmçinin oxuyun

Ard arda zəlzələ oldu 

“Fırtına öncəsi səssizlik” - Siyasi şərhçidən İRAN AÇIQLAMASI

Bu şəxsləri işdən çıxaranlar cərimələnəcək - QANUN 

İranda etiraz dalğası: ABŞ və İsrailin rolu nədir? – Konfliktoloq Elman Vəliyev danışır  

Biz isə L.Mehdiyevin qanunsuz hərəkətlərinə rəğmən mövcud vəziyyətlə bağlı Bakı şəhər Prokurorluğuna müraciət etdik. Dərhal şikayətimiz nəzarətə götürüldü və Xətai rayon Prokurorluğuna məsələni operativ şəkildə araşdırmaq tapşırığı verildi.

Cənab Prezident İlham Əliyev dəfələrlə televiziya çıxışlarında və şəhid ailələri ilə görüşləri zamanı bildirib ki, şəhid və qazi ailələrinə diqqət göstərilsin və lazımi şərait yaradılsın. Şəhid ailələrinə diqqət göstərmək hər bir vətəndaşın mənəvi borcudur.

L.Mehdiyevin şəhid ailəsi olaraq bizə göstərdiyi sayqısız münasibət göz önündədir.O,bu hərəkətləri ilə nəinki bizə,eyni zamanda Prezidentin tapşırıqlarına qarşı getmiş hesab olur.

Əgər L.Mehdiyev anoloji hərəkətlərini davam etdirərsə, məcburiyyət qarşısında cənab Preziden İlham Əliyevə və Birinci Vitse Prezident Mehriban xanım Əliyevaya müraciət etməli olacağıq”.

Hazırladı: Müşərrəfxanım