Bütün əmlak bir uşağa vəsiyyət edilibsə, digər uşaqların hüququ varmı?   

Vərəsəlik məsələlərində ən çox mübahisə doğuran hallardan biri vəsiyyət edən şəxsin bütün əmlakını yalnız bir uşağa vəsiyyət etməsidir.

Citypost.az xəbər verir ki, hüquqşünasların sözlərinə görə, bu halda belə digər ailə üzvlərinin hüquqları tamamilə aradan qalxmır.

Mütəxəssislər bildirirlər ki, Azərbaycan Respublikasının Mülki Məcəllə-nə əsasən “məcburi pay” institutu mövcuddur. Bu norma müəyyən yaxın qohumların — xüsusilə uşaqların, valideynlərin və həyat yoldaşının — vəsiyyətnamənin məzmunundan asılı olmayaraq mirasdan müəyyən hissəni tələb etməsinə imkan verir.

Hüquqşünasların izahına görə, əgər vəsiyyət edən şəxs bütün əmlakını yalnız bir övladına vəsiyyət edibsə, digər uşaqlar qanunla nəzərdə tutulmuş “məcburi pay” hüququndan istifadə edə bilərlər. Bu hüquq onların tamamilə mirasdan məhrum edilməsinin qarşısını alır.

Mütəxəssislər qeyd edirlər ki, məcburi payın həcmi qanun üzrə vərəsəlik qaydasında hər bir şəxsə düşəcək payın yarısı qədər müəyyən edilir. Yəni, əgər vəsiyyət olmasaydı və əmlak uşaqlar arasında qanun üzrə bölünsəydi, hər bir uşağa düşəcək hissənin yarısı məcburi pay kimi qorunur.

Hüquqşünasların sözlərinə görə, bu hüquq avtomatik şəkildə həyata keçirilmir.

Həmçinin oxuyun

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

Məcburi payın əldə olunması üçün həmin şəxs məhkəməyə və ya mirasın bölünməsi prosesinə müraciət etməli olur.

Ekspertlər bildirirlər ki, bu institutun əsas məqsədi sosial ədalətin qorunmasıdır. Yəni vəsiyyət azadlığı olsa da, qanun yaxın ailə üzvlərinin tamamilə kənarda qalmasının qarşısını alır.

Mütəxəssislərin fikrincə, belə hallarda vətəndaşların hüquqi məsləhət alması və mirasın bölünməsi prosesində vaxtında addım atması son dərəcə vacibdir.

Yeganə