Zaur Şükürov: “28 May milli dövlətçilik iradəmizin təntənəsidir”
Siyasət 27 May 2026, 16:59
1540
Azərbaycan xalqının dövlətçilik tarixində müstəsna siyasi və tarixi əhəmiyyətə malik olan 28 May - Müstəqillik Günü milli istiqlal ideallarının təntənəsi, xalqımızın azad yaşamaq iradəsinin və müstəqil dövlət qurmaq əzminin ən parlaq təzahürlərindən biri kimi dəyərləndirilir. 1918-ci il mayın 28-də yaradılmış Azərbaycan Xalq Cümhuriyyətinin yaradılması yalnız Azərbaycan xalqının siyasi taleyində deyil, bütövlükdə Şərq və müsəlman dünyasının tarixində yeni bir mərhələnin başlanğıcını qoymuşdur. Məhz həmin tarixdə Azərbaycan xalqı ilk dəfə olaraq Şərqdə və müsəlman aləmində demokratik, hüquqi, dünyəvi, parlament idarəçilik sisteminə əsaslanan dövlət quruluşunu yaratmaqla müasir dövlətçilik ənənələrinin əsasını qoymuşdur.
Bu sözləri Citypost.az-a açıqlamasında millət vəkili Zaur şükürov bildirib.
"Azərbaycan Xalq Cümhuriyyətinin yaradılması xalqımızın əsrlər boyu formalaşmış milli şüurunun, dövlətçilik düşüncəsinin və azadlıq ideallarının siyasi təcəssümü idi. Cəmi 23 ay mövcud olmasına baxmayaraq, Azərbaycan Xalq Cümhuriyyəti qısa zaman kəsiyində müstəqil dövlətin əsas atributlarının formalaşdırılması istiqamətində misilsiz nailiyyətlər əldə etmişdir. İlk milli parlament və hökumət yaradılmış, dövlət bayrağı, vətəndaşlıq institutu təsis edilmiş, milli ordu quruculuğuna başlanılmış, dövlət idarəçiliyi sisteminin hüquqi əsasları formalaşdırılmışdır. Həmin dövrdə qəbul olunan çoxsaylı qanunvericilik aktları ölkənin siyasi, iqtisadi və mədəni inkişafının təmin olunması ilə yanaşı, demokratik dəyərlərin və hüquqi prinsiplərin təsbit edilməsinə mühüm töhfələr vermişdir.
Azərbaycan Xalq Cümhuriyyətinin fəaliyyətində xarici siyasət və diplomatik əlaqələrin qurulması mühüm istiqamətlərdən biri idi. Yeni yaradılmış dövlətin beynəlxalq aləmdə tanınması, onun hüquqi statusunun təsdiqlənməsi və milli maraqların qorunması hökumətin əsas məqsədləri sırasında yer alırdı. Xüsusilə Paris Sülh Konfransı çərçivəsində Azərbaycanın siyasi maraqlarının müdafiəsi və aparıcı dünya dövlətləri ilə diplomatik münasibətlərin yaradılması istiqamətində mühüm fəaliyyət həyata keçirilmişdir. Məhz həmin siyasi-diplomatik fəaliyyət nəticəsində Azərbaycan beynəlxalq hüququn subyekti kimi tanınmış və bu amil sonradan ölkənin siyasi xəritədən tamamilə silinməsinin qarşısını alan mühüm tarixi faktor olmuşdur.
Lakin 1920-ci ilin aprelində bolşevik işğalı nəticəsində Azərbaycan Xalq Cümhuriyyətinin fəaliyyəti dayandırılmış, xalqımız yenidən müstəqilliyini itirmişdir. Bununla belə, milli istiqlal ideyası xalqın yaddaşında yaşamış və sonrakı dövrlərdə yenidən siyasi müstəviyə qayıtmışdır. XX əsrin sonlarında Azərbaycan ikinci dəfə müstəqilliyini bərpa etsə də, ölkə mürəkkəb ictimai-siyasi, iqtisadi və hərbi problemlərlə üz-üzə qalmışdı. Dövlətçiliyin mövcudluğu ciddi təhlükə altında idi. Məhz belə mürəkkəb və taleyüklü şəraitdə xalqın təkidli tələbi ilə siyasi hakimiyyətə qayıdan Ulu Öndər Heydər Əliyev Azərbaycan dövlətçiliyinin xilaskarı missiyasını öz üzərinə götürdü.
Ulu Öndərin uzaqgörən siyasi kursu nəticəsində ölkədə ictimai-siyasi sabitlik təmin edildi, dövlət institutları möhkəmləndirildi, hüquqi və demokratik inkişaf istiqamətində mühüm addımlar atıldı. Məhz həmin siyasət nəticəsində Azərbaycan öz geosiyasi və iqtisadi potensialını reallaşdırmağa başladı, beynəlxalq münasibətlər sistemində nüfuzunu gücləndirdi və müstəqil dövlətçilik ənənələrinin qorunmasını təmin etdi. Təsadüfi deyil ki, Ulu Öndər dəfələrlə vurğulayırdı ki, müstəqilliyi qazanmaq nə qədər vacibdirsə, onu qoruyub saxlamaq daha məsuliyyətli və çətin vəzifədir.
Bu gün Azərbaycan Respublikasının Prezidenti İlham Əliyev tərəfindən yüksək siyasi uzaqgörənlik, məqsədyönlü idarəçilik prinsipləri və milli maraqlara əsaslanan strateji inkişaf kursu nəticəsində Azərbaycan Respublikası öz tarixinin ən qüdrətli və dinamik inkişaf mərhələlərindən birini yaşamaqdadır. Dövlət başçısının rəhbərliyi altında həyata keçirilən ardıcıl və məqsədyönlü daxili və xarici siyasət strategiyası Azərbaycanın beynəlxalq münasibətlər sistemində mövqelərinin möhkəmlənməsinə, iqtisadi potensialının genişlənməsinə, regional və qlobal müstəvidə siyasi nüfuzunun daha da yüksəlməsinə mühüm töhfə vermişdir. Prezident İlham Əliyevin də qeyd etdiyi kimi: “Azərbaycan Xalq Cümhuriyyətinin yaradılması tarixi hadisə idi. Çünki ilk dəfə olaraq müsəlman aləmində demokratik respublika yaradılmışdı.” Bu fikir Azərbaycan xalqının tarixi dövlətçilik ənənələrinə verilən yüksək qiymətin ifadəsi olmaqla yanaşı, müasir Azərbaycanın öz tarixi köklərinə sadiqliyini və milli dövlətçilik ideyalarının uğurla davam etdirilməsini əks etdirən mühüm siyasi baxışdır.
Müasir Azərbaycanın əldə etdiyi möhtəşəm tarixi nailiyyətlər xalqımızın sarsılmaz dövlətçilik iradəsinin, milli həmrəyliyinin və vətənə bağlılıq ruhunun parlaq təcəssümü kimi çıxış edir. Azərbaycan Respublikasının Prezidenti, Müzəffər Ali Baş Komandan İlham Əliyevin qətiyyətli rəhbərliyi, xalqımızın milli birliyi, eləcə də şəhidlərimizin müqəddəs qanı, qazilərimizin fədakarlığı, əsgər və zabitlərimizin misilsiz qəhrəmanlığı və şücaəti nəticəsində Azərbaycan Ordusu tarixi Zəfərə imza atmış, ölkəmizin ərazi bütövlüyü və dövlət suverenliyi tam bərpa olunmuşdur. Bu böyük qələbə yalnız hərbi uğur deyil, həm də Azərbaycan xalqının əsrlər boyu yaşatdığı müstəqillik ideallarının siyasi, mənəvi və milli iradə müstəvisində möhtəşəm təntənəsinə çevrilmişdir.
Bu gün işğaldan azad olunmuş ərazilərdə həyata keçirilən genişmiqyaslı yenidənqurma və bərpa layihələri, müasir infrastrukturun qurulması, “Böyük Qayıdış” proqramı çərçivəsində vətəndaşlarımızın doğma yurdlarına mərhələli şəkildə geri dönüşü, eyni zamanda Azərbaycanın regional və beynəlxalq müstəvidə mövqelərinin daha da güclənməsi müstəqil dövlətimizin qüdrətinin, siyasi iradəsinin və davamlı inkişaf strategiyasının bariz göstəricisidir. Bu uğurlar Azərbaycanın yalnız regionun deyil, bütövlükdə daha geniş geosiyasi məkanın mühüm söz sahibi olan güclü dövlətə çevrildiyini aydın şəkildə nümayiş etdirir." - deyə Zaur Şükürov bildirib
Həmçinin oxuyun
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Şahin Qocayev: Azərbaycan Paşinyandan sonrakı dövrə hazırlaşmalıdır
Ermənistanda keçirilən parlament seçkilərinin nəticələrini dəyərləndirən jurnalist, Ordu.az saytının rəhbəri Şahin Qocayev hesab edir ki, Nikol Paşinyanın yenidən hakimiyyətdə qalması həm bugünkü siyasi reallıqlar, həm də gələcək perspektivlər baxımından təhlil edilməlidir.Citypost.az xəbər verir ki, Ş.Qocayev bildirib ki, Paşinyanın seçkilərdə qələbəsi Azərbaycan üçün vacib məqamlardan biri olsa da, diqqət artıq Ermənistanın gələcək siyasi mərhələsinə yönəlməlidir.“Paşinyanın seçilməsini həm indiki, həm də gələcək zamana əsasən təhlil etmək lazımdır. Hər bir halda bu nəticə Azərbaycan üçün əhəmiyyətli idi. Lakin artıq Paşinyandan sonrakı dövrün konturlarını cızmaq vaxtıdır”, – deyə o qeyd edib.Jurnalistin fikrincə, gələcəkdə Ermənistanda revanşist qüvvələrin bu və ya digər formada hakimiyyətə gəlmək cəhdləri...
08 İyun 2026, 10:35
Vüsal Məmmədov: Paşinyan hökuməti təkbaşına quracaq
Ermənistanda keçirilən parlament seçkilərinin ilkin nəticələrini şərh edən jurnalist Vüsal Məmmədov bildirib ki, Baş nazir Nikol Paşinyanın rəhbərlik etdiyi “Vətəndaş Müqaviləsi” Partiyası mövcud seçki mexanizmi sayəsində parlamentdə çoxluq əldə edəcək.Citypost.az xəbər verir ki, onun sözlərinə görə, partiyanın səslərin 49,81 faizini toplaması faktiki olaraq hakimiyyətin yenidən Paşinyanın nəzarətində qalacağı anlamına gəlir.“Ermənistanın seçki qanunvericiliyinə əsasən, 4 faizlik baryeri keçə bilməyən kiçik partiyaların səsləri mandat bölgüsündə nəzərə alınmır. Bu isə ‘Vətəndaş Müqaviləsi’nin ümumi hesablamalarda payının 50 faizdən yuxarı qalxmasına şərait yaradır”, – deyə V.Məmmədov qeyd edib.Jurnalist vurğulayıb ki, bundan sonra Ermənistanın seçki sistemində nəzərdə tutulan xüsusi bonus mexanizmi işə düşür.“Qanunvericiliyə görə, qalib partiyanın...
08 İyun 2026, 10:23
Nadir Azəri: Seçkinin nəticələri Cənubi Qafqazın gələcəyi üçün mühüm əhəmiyyət daşıyır
“Ermənistanda keçirilən parlament seçkilərinin nəticələri göstərir ki, Baş nazir Nikol Paşinyanın rəhbərlik etdiyi siyasi qüvvə müxalifət üzərində inamlı qələbə qazanıb. Həm ekzit-poll nəticələri, həm də ilkin rəsmi məlumatlar bu qənaətə gəlməyə əsas verir ki, söhbət təkcə müxalifətin deyil, həm də Rusiya yönümlü siyasi qüvvələrin məğlubiyyətindən gedir”.Bu fikirləri Citypost.az-a “Orta Asiya və Güney Qafqaz Söz Azadlığı Şəbəkəsi” (CASCFEN) İctimai Birliyinin sədri, siyasi şərhçi Nadir Azəri bildirib.O, qeyd edib ki, bu qələbə iki mühüm məqam baxımından diqqət çəkir: “Birincisi, seçkilərdə iştirak edən seçicilərin sayının beş il əvvəlki seçkilərlə müqayisədə artmasıdır. İkincisi isə səs verənlərin 50 faizdən çoxunun məhz Nikol Paşinyanın partiyasına etimad...
08 İyun 2026, 10:11
Zaur İbrahimli: Paşinyanın qələbəsi sülh gündəliyinin və yeni regional reallığın qələbəsidir
Ermənistanda tarixi 7 iyun parlament seçkilərinin Baş nazir Paşinyanın qələbəsi ilə başa çatması sülh gündəliyinin, sülh perspektivinin, bütün Cənubi Qafqazı əməkdaşlıq, açıq kommunikasiyalar coğrafiyasına transformasiyasını tamamlayacaq sülh təşəbbüslərinin qalibiyyətidir. Citypost.az xəbər verir ki, bu fikirləri “Prioritet” Sosial-İqtisadi Araşdırmalar Mərkəzi İctimai Birliyinin sədri, politoloq Zaur İbrahimli bildirib."Ermənistan Baş nazirinin “Vətəndaş müqaviləsi” Partiyasının qələbəsi, Rusiya tərəfdarlarının qələbə çala bilməməsi, erməni cəmiyyətinin revanşistləri dəstəkləməməsi ilk növbədə və başlıca olaraq Azərbaycanın sülh təşəbbüsləri, sülh diplomatiyası ilə formalaşan yeni reallığın, yeni tarixin, köhnə, müstəmləkəçi, forpost tarixi üzərində qələbəsidir. Azərbaycanın, onun rəhbəri Prezident İlham Əliyevin böyük qətiyyəti, mübarizəsi, dəyanəti, məharəti sayəsində reallaşan, real nəticə verən sülh...
08 İyun 2026, 09:10
Elşad Paşasoy: Kreml seçkilərdə Paşinyanın mövqeyinin güclənməsinə çalışdı
Ermənistanda keçirilən parlament seçkilərinin nəticələrini şərh edən politoloq Elşad Paşasoy hesab edir ki, Rusiya ilə Ermənistanın hazırkı hakimiyyəti arasında münasibətlərə dair ictimaiyyətə təqdim olunan mənzərə reallığı tam əks etdirmir.Citypost.az xəbər verir ki, politoloq sosial şəbəkədə paylaşdığı fikirlərdə bildirib ki, uzun müddətdir Kreml tərəfindən Ermənistanda hakimiyyət dəyişikliyi planlarının hazırlandığı barədə iddialar səslənsə də, o, Rusiya Prezidenti Vladimir Putinlə Ermənistanın Baş naziri Nikol Paşinyan arasında müəyyən anlaşmanın mövcud olduğunu düşünür.E.Paşasoyun sözlərinə görə, bu qənaəti gücləndirən məqamlardan biri Paşinyanın aprelin 1-də keçirdiyi görüşdən sonra Rusiya lideri ilə iyunun ikinci yarısında görüş barədə razılığın əldə olunduğunu açıqlaması olub.Politoloq hesab edir ki, son dövrlərdə Rusiya...
08 İyun 2026, 08:19
Tural İrfan: Yaxın Şərqdə baş verənlər müəyyən geosiyasi hesablamalardan xəbər verir
İranın İsrailə qarşı həyata keçirdiyi raket hücumları Yaxın Şərqdə gərginliyi daha da artırıb. Xarici media vasitələrinin məlumatına görə, İsrailin hava hücumundan müdafiə qüvvələri yüksək hazırlıq vəziyyətinə gətirilib, Baş nazir Benjamin Netanyahu isə təcili olaraq Təhlükəsizlik Kabinetinin iclasını çağırıb.Citypost.az xəbər verir ki, məsələni şərh edən Milli Cəbhə Partiyası sədrinin müavini, siyasi şərhçi və dinşünas Tural İrfan bildirib ki, bölgədə baş verən son hadisələr təsadüfi deyil və müəyyən geosiyasi hesablamaların mövcudluğundan xəbər verir.Onun sözlərinə görə, İranın hücumları ilk baxışdan İsrailin Livandakı əməliyyatlarına cavab kimi qiymətləndirilsə də, proseslərin daha geniş siyasi kontekstdə təhlilinə ehtiyac var.“İsrailin Milli Təhlükəsizlik naziri İtamar Ben-Qvirin ‘Tehran bu gecə...
08 İyun 2026, 08:05
