Qarın nahiyəsindəki piylər niyə getmir?
Tibb 03 İyun 2026, 10:53
983
Bir çox qadın arıqlamasına baxmayaraq qarın nahiyəsindəki piylərin azalmamasından şikayət edir. Bəzən ümumi bədən çəkisi azalır, geyim ölçüləri dəyişir, lakin qarın bölgəsində toplanan piy qatları olduğu kimi qalır.
Citypost.az xəbər verir ki, mütəxəssislər bildirirlər ki, bunun səbəbi hər zaman düzgün qidalanmamaq və ya az hərəkət etmək olmaya bilər.
Qarın nahiyəsində, xüsusilə də daxili orqanların ətrafında toplanan visseral piylərin yaranmasında hormonal faktorlar mühüm rol oynayır. Belə hallarda insan pəhriz saxladığı və müəyyən qədər çəki itirdiyi halda belə, qarın bölgəsindəki piylənmədən tam xilas ola bilmir.
Həkimlərin sözlərinə görə, insulin rezistentliyi olan insanlarda qarın nahiyəsində piy yığılması daha çox müşahidə edilir. Orqanizmin insulin hormonuna həssaslığının azalması maddələr mübadiləsinə təsir göstərir və nəticədə piylərin əsasən qarın bölgəsində toplanmasına səbəb olur.
Bu problemin digər səbəblərindən biri də qalxanabənzər vəzin fəaliyyətinin zəifləməsidir. Tiroid hormonlarının azlığı maddələr mübadiləsini ləngidir, enerji sərfiyyatını azaldır və çəki artımına gətirib çıxarır. Belə hallarda insan qidalanmasına diqqət etsə belə, arıqlamaq çətinləşə bilər.
Mütəxəssislər qeyd edirlər ki, bəzi qadınlarda genetik xüsusiyyətlər də qarın nahiyəsində piylənməyə meyli artırır. Belə insanlarda hormonal disbalans yarandıqda problem daha qabarıq şəkildə özünü göstərir və ilk növbədə məhz qarın bölgəsində dəyişiklik hiss olunur.
Həmçinin oxuyun
Bu səbəbdən qarın piylərindən xilas olmaq istəyən şəxslərə yalnız pəhrizlə kifayətlənməmək tövsiyə olunur. İlk növbədə hormonal vəziyyət qiymətləndirilməli, insulin rezistentliyi, qalxanabənzər vəzin fəaliyyəti və digər endokrin problemlər araşdırılmalıdır. Əgər hər hansı hormonal pozuntu aşkarlanarsa, onun müalicəsi aparılmalıdır.
Bununla yanaşı, balanslaşdırılmış qidalanma, müntəzəm fiziki aktivlik və qarın əzələlərini gücləndirən məşqlər də mühüm əhəmiyyət daşıyır. Mütəxəssislər vurğulayırlar ki, düzgün həyat tərzi ilə yanaşı hormonal problemlərin aradan qaldırılması qarın nahiyəsindəki piylərin azalmasına və sağlam çəkinin əldə olunmasına kömək edə bilər.
Odur ki, əgər çəki versəniz də qarın nahiyəsindəki piylər azalmırsa, bunu yalnız qidalanma ilə əlaqələndirməyin. Problemin arxasında hormonal disbalans dayanırsa, düzgün diaqnoz və müalicə daha effektiv nəticə əldə etməyə imkan verə bilər.
Yeganə
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ayaqda qızartı və yara varsa, səbəb damar yox, iltihab ola bilər
Ayaqlarda yaranan qızartı, qaşınma, sağalmayan yaralar və ya xora kimi problemlər bir çox insanı narahat edir. Əksər hallarda pasiyentlər ilk olaraq damar problemlərindən şübhələnir və doppler müayinəsinə müraciət edirlər. Lakin bəzi hallarda doppler müayinəsinin nəticələri normal çıxır və damarlarda hər hansı ciddi problem aşkarlanmır. Bu zaman sual yaranır: əgər damarlar sağlamdırsa, ayaqdakı problem nədən qaynaqlanır?Citypost.az xəbər verir ki, mütəxəssislərin sözlərinə görə, belə hallarda səbəb damar sistemi deyil, ayağın yumşaq toxumalarında gedən iltihabi proseslər ola bilər. Dərinin və dərialtı toxumaların iltihabı qızartı, qaşınma, ağrı, şişkinlik və hətta yara əmələ gəlməsi ilə müşayiət oluna bilər. Bəzən bu hallar infeksiya, immun sisteminin reaksiyası...
08 İyun 2026, 10:45
Döyənəyi kəsmək təhlükəli ola bilər dermatoloqlardan xəbərdarlıq
Dəridə yaranan döyənəklər bir çox insanın qarşılaşdığı problemlərdən biridir. Lakin mütəxəssislər bildirirlər ki, döyənəyi ev şəraitində kəsmək və ya müxtəlif üsullarla aradan qaldırmağa çalışmaq vəziyyəti daha da ağırlaşdıra bilər.Citypost.az-ın məlumatına görə dermatoloqların sözlərinə görə, döyənəyi olan insanların ən çox yol verdiyi səhvlərdən biri onu iti alətlərlə kəsməyə çalışmaqdır. Bəziləri qayçı, ülgüc və ya digər kəsici vasitələrdən istifadə edərək törəməni özbaşına götürmək istəyirlər. Bu isə həm infeksiya riskini artırır, həm də döyənəyin daha da yayılmasına səbəb ola bilər.Mütəxəssislər qeyd edirlər ki, digər geniş yayılmış yanlış yanaşma apteklərdən müxtəlif yapışdırıcı vasitələr, leykoplastlar və ya məsləhətsiz preparatlar alaraq onlardan istifadə etməkdir. Bu cür...
08 İyun 2026, 10:39
Ferritin aşağı, hemoqlobin normaldırsa, dərhal dəmir qəbul etməyə tələsməyin
Laborator analizlər zamanı bir çox insan ferritin göstəricisinin aşağı olduğunu gördükdə dərhal dəmir preparatlarına başlamağın vacib olduğunu düşünür. Lakin mütəxəssislər bildirirlər ki, ferritinin aşağı olması hər zaman dəmir çatışmazlığı anemiyası demək deyil və belə hallarda səbəbi araşdırmadan özbaşına müalicəyə başlamaq düzgün yanaşma hesab olunmur.Citypost.az-ın məlumatına görə, ferritin orqanizmdə dəmir ehtiyatlarını göstərən əsas göstəricilərdən biridir. Bəzən analizlərdə ferritin aşağı çıxsa da, hemoqlobin, eritrositlər və digər dəmir göstəriciləri normal həddə olur. Bu vəziyyət hələ anemiyanın formalaşmadığını göstərə bilər. Belə hallarda əsas məqsəd səbəbi müəyyən etmək olmalıdır.Həkimlər qeyd edirlər ki, ferritinin azalmasının arxasında müxtəlif faktorlar dayana bilər. Qidalanma pozğunluqları, uzunmüddətli pəhrizlər, həzm sistemində...
08 İyun 2026, 09:42
“Xərçəng metastaz verib” nə deməkdir və bu, son mərhələ sayılırmı?
Xərçəng diaqnozu ilə bağlı ən çox narahatlıq yaradan ifadələrdən biri “metastaz verib” sözüdür. Bu ifadə bir çox insanda xəstəliyin artıq son mərhələyə çatdığı və sağalma ümidinin qalmadığı düşüncəsini yaradır. Lakin onkoloqlar bildirirlər ki, bu yanaşma hər zaman düzgün deyil.Citypost.az xəbər verir ki, həkimlərin açıqlamasına görə, xərçəng hüceyrələrinin yarandığı ilkin orqandan başqa orqanlara yayılması “metastatik xərçəng” adlanır və bu vəziyyət adətən 4-cü mərhələ kimi qiymətləndirilir. Amma bu, avtomatik olaraq “son mərhələ” demək deyil.Mütəxəssislər vurğulayırlar ki, müasir tibbdə 4-cü mərhələdə olan bir çox xərçəng növündə belə uzunmüddətli yaşam mümkündür. Xüsusilə son illərdə inkişaf edən müalicə metodları xəstələrin həyat müddətini əhəmiyyətli dərəcədə uzadıb...
05 İyun 2026, 10:25
Burun spreylərindən uzun müddət istifadə təhlükəlidirmi?
Burun tutulması insanların ən çox rastlaşdığı sağlamlıq problemlərindən biridir. Soyuqdəymə, allergiya, sinusit və digər tənəffüs yolu xəstəlikləri zamanı bir çox insan rahat nəfəs almaq üçün burun spreylərindən istifadə edir. Lakin mütəxəssislər xəbərdarlıq edirlər ki, bu preparatlardan uzun müddət və nəzarətsiz istifadə ciddi problemlərə səbəb ola bilər.Citypost.az-ın məlumatına görə, həkimlərin sözlərinə görə, burun tənəffüsünün pozulmasının müxtəlif səbəbləri olsa da, bəzi hallarda insanlar problemi özləri yaradırlar. Bunun əsas səbəbi damar büzücü təsirə malik burun spreylərinin həkim məsləhəti olmadan və tövsiyə edilən müddətdən artıq istifadə edilməsidir.Mütəxəssislər bildirirlər ki, dekonqestant adlandırılan bu spreylər adətən burun selikli qişasındakı damarları daraldaraq qısa müddətdə nəfəs almağı asanlaşdırır....
05 İyun 2026, 09:26
Səhər və axşam yeməyi saat neçədə yeyilməlidir?
Düzgün qidalanma təkcə nə yediyimizlə deyil, həm də nə vaxt yediyimizlə sıx bağlıdır. Son illərdə aparılan araşdırmalar göstərir ki, qidaların qəbul vaxtı maddələr mübadiləsinə, çəkinin idarə olunmasına, həzm sisteminin fəaliyyətinə və ümumi sağlamlığa ciddi təsir göstərir. Məhz buna görə dietoloqlar və qidalanma mütəxəssisləri yemək saatlarına diqqət yetirməyi tövsiyə edirlər.Citypost.az xəbər verir ki,mütəxəssislərin fikrincə, səhər yeməyi günün ən vacib qidalanma mərhələlərindən biridir. Səhər oyandıqdan sonra orqanizm uzun müddət ac qaldığı üçün enerji ehtiyatlarının bərpasına ehtiyac duyur. Buna görə də səhər yeməyinin yuxudan oyandıqdan sonra ilk bir saat ərzində qəbul edilməsi tövsiyə olunur.Xüsusilə çəki azaltmağa çalışan insanlar üçün səhər yeməyini gecikdirməmək vacib...
04 İyun 2026, 10:52
