Prezident: Müsəlman dünyasında həmrəylik zəifləyib
Cəmiyyət 13 İyul 2026, 10:03
1407
“Azərbaycan hər zaman müsəlman ölkələri arasında həmrəyliyin möhkəmləndirilməsinin fəal tərəfdarı olub”.
Citypost.az xəbər verir ki, bunu Prezident İlham Əliyev IV Şuşa Qlobal Media Forumunda bildirib.
“Gələn il biz İslam Əməkdaşlıq Təşkilatının Zirvə Toplantısına ev sahibliyi edəcəyik. Bu, xüsusilə indiki mürəkkəb və gərgin dövrdə bizim üçün böyük məsuliyyətdir.
Azərbaycan hər zaman müsəlman ölkələri arasında həmrəyliyin möhkəmləndirilməsinin fəal tərəfdarı olub. Ölkəmizdə keçirilən çoxsaylı tədbirlər və irəli sürdüyümüz təşəbbüslər məhz həmrəyliyin, qarşılıqlı anlaşmanın və birliyin gücləndirilməsinə xidmət edib.
Zirvə toplantısına qədər vəziyyətin necə inkişaf edəcəyini görəcəyik. Təəssüf ki, hazırda müsəlman dünyasında kifayət qədər həmrəylik müşahidə etmirik. Əksinə, gərginliyin artdığını, qarşılıqlı ittihamların səsləndirildiyini və dünyanın müxtəlif bölgələrində, təkcə Yaxın Şərq və Körfəz regionunda deyil, başqa yerlərdə də müharibələrin davam etdiyini görürük.
Bu isə çox məyusedicidir. Mən hesab edirəm ki, İslam Əməkdaşlıq Təşkilatı daxilində həmrəylik təhlükəsizlik və sabitliyin əsas şərtlərindən biridir. Daha çox birlik və qarşılıqlı anlaşma olsa, çətinliklər də daha az olar”, - dövlət başçısı deyib.
Prezident qeyd edib ki, Azərbaycanın bu istiqamətdə rolu hər zaman yüksək qiymətləndirilib: “Müxtəlif dövrlərdə və müxtəlif tərəflər arasında konstruktiv vasitəçi kimi çıxış etmişik. Bizim mövqeyimiz həmişə gərginliyin azaldılmasına və praktik nəticələrin əldə olunmasına yönəlib.
Həmçinin oxuyun
Yeri gəlmişkən, bu imkanlarımızı Qoşulmama Hərəkatına sədrlik etdiyimiz dövrdə də nümayiş etdirdik. Bildiyiniz kimi, İslam Əməkdaşlıq Təşkilatının üzvlərinin əksəriyyəti eyni zamanda Qoşulmama Hərəkatının da üzvüdür. 120 dövləti birləşdirən bu təşkilat Azərbaycanın sədrliyini tam dəstəklədi. Biz bütün üzv dövlətlərin yekdil qərarı ilə sədr seçildik. Üstəlik, sədrliyimizin müddəti də yenidən yekdilliklə bir il uzadıldı. Bu, bir-birindən uzaq mövqedə dayanan tərəfləri yaxınlaşdırmaq istiqamətində oynadığımız müsbət rolun etirafı idi.
Eyni potensial COP29-a sədrlik etdiyimiz zaman da mühüm rol oynadı. Bu, hətta daha çətin idi. Çünki çox ziddiyyətli mövqelər, fikir ayrılıqları və qarşıdurmalar mövcud idi. Buna baxmayaraq, nəticə əldə olundu.
Bu gün COP29-un mirası gələcək bütün COP konfransları və yaşıl gündəlik üçün mühüm əhəmiyyət daşıyır.
Biz zirvə toplantısına qədər olan dövrdə və Sammit zamanı bütün imkanlarımızdan istifadə edərək həmrəyliyi nümayiş etdirməyə çalışacağıq və bunun üçün əlimizdən gələni edəcəyik.
Nə dərəcədə uğur qazanacağımızı indidən demək çətindir. Eləcə də gələn yay dünya və regionumuzun necə görünəcəyini proqnozlaşdırmaq asan deyil”.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ucarda yük maşını aşıb, avtomobildə olan pomidor-xiyar yola dağılıb - FOTO
Ucarda yük maşını aşıb.APA- nın yerli bürosunun xəbərinə görə, hadisə Bakı- Qazax magistralının rayonun Qaracallı kəndindən keçən hissəsində baş verib.Belə ki, hərəkətdə olan pomidor və xiyarla yüklənmiş yük maşını idarəetmədən çıxaraq yolun hərəkət hissəsinə aşıb. Nəticədə yola dağılmış yük avtomobillərin hərəkətində çətinlik yaradıb.
16 Avqust 2026, 20:35
Bakıda bəzi marşrutların aralıq dayanacaq məntəqələrinin yerləri dəyişdirilib
M1, M2 və M3 nömrəli ekspres marşrutların “28 May” Nəqliyyat Mübadilə Mərkəzində təhlükəsiz hərəkətinin təmin edilməsi və avtobus sıxlığının azaldılması məqsədilə mərkəzə daxil olan 2, 10, 20 və 88A nömrəli marşrutların aralıq dayanacaq məntəqələrinin yerləri dəyişdirilib.Bu barədə AYNA-dan məlumat verilib.Məlumata görə,Dəyişikliklər belədir:2 nömrəli marşrut:“Dərnəgül” m/st istiqamətində: Puşkin küçəsi, Muğan bağının qarşısı;Bakı Beynəlxalq Avtovağzal Kompleksi istiqamətində: Puşkin küçəsi, Səməd Vurğun bağının qarşısı.10 nömrəli marşrut:Bakı Ağ Şəhər istiqamətində: Puşkin küçəsi, Muğan bağının qarşısı.20 nömrəli marşrut:Qaraçuxur qəsəbəsi istiqamətində: Puşkin küçəsi, Muğan bağının qarşısı.88A nömrəli marşrut:Bakı Ağ Şəhər istiqamətində: Puşkin küçəsi Muğan bağının qarşısı;“Azadlıq prospekti” m/st istiqamətində: Puşkin küçəsi, Səməd Vurğun bağının qarşısı....
16 Avqust 2026, 14:12
Çimərlikdə külək əsəcək
Abşeron çimərliklərində gözlənilən hava şəraiti açıqlanıb.Milli Hidrometeorologiya Xidmətindən verilən xəbərə görə, avqustun 17-də mülayim şimal-qərb küləyi əsəcək.Dəniz suyunun temperaturu:Şimal çimərliklərində: (Sumqayıt, Novxanı, Pirşağı, Nardaran, Bilgəh, Zaqulba) 24-25,Cənub çimərliklərində: (Türkan, Hövsan, Sahil, Şıx) 25-26 dərəcə isti olacaq.
16 Avqust 2026, 13:54
Bakıda külək əsəcək, rayonlarda leysan yağacaq - PROQNOZ
Avqustun 17-də gözlənilən hava şəraiti açıqlanıb.Milli Hidrometeorologiya Xidmətindən verilən məlumata görə, Bakıda və Abşeron yarımadasında hava şəraitinin əsasən yağmursuz olacağı gözlənilir. Mülayim şimal-qərb küləyi əsəcək.Havanın temperaturu gecə 22-25° isti, gündüz 28-31° isti olacaq. Atmosfer təzyiqi 759 mm civə sütunu təşkil edəcək. Nisbi rütubət gecə 70-75%, gündüz 50-60 % olacaq.Azərbaycanın rayonlarında bəzi yerlərdə arabir yağış yağacağı gözlənilir. Ayrı-ayrı yerlərdə qısamüddətli leysan xarakterli olacağı, şimşək çaxacağı ehtimalı var. Gündüz tədricən kəsiləcək. Gecə və səhər bəzi dağlıq ərazilərdə arabir duman olacaq. Şərq küləyi əsəcək.Havanın temperaturu gecə 20-25° isti, gündüz 30-34° isti, dağlarda gecə 12-17° isti, gündüz 20-25° isti olacaq....
16 Avqust 2026, 13:38
Xanımına onu aradan götürəcəklərini deyibmiş...
Qarabağ problemi başlayanda Rəşid Behbudov ərazi məsələləri üstündə Mixail Qorbaçovla dalaşır və erməni tarixinin uydurma olduğunu sübut etməkdən ötrü həmin kaseti ona verir. Bundan sonra Ali Sovetdən uzaqlaşdırılan Rəşid Behbudov hər il getdiyi tibbi komissiyanın müalicələrinə buraxılmır. Onun səhhətində, xüsusən də böyrəklərində problemlər yaranır.Rəşid Behbudov sonralar xəstəxanada yatanda xanımına deyib ki, kaset məsələsinə görə onu aradan götürəcəklər. Sonralar Şaumyanın Bakıda basdırıldığı iddia olunan yerdə işlər aparılan zaman bu işlə məşğul olan insanlar deyirlər ki, “biz Rəşidə inanmadıq. O, haqlı idi”. Meyitlərin tibbi ekspertizası zamanı Şamuyanın cəsədini orada tapılmır.Atamın böyrəyini əməliyyat etməli idilər. Anamla mən səhər saat 9-da Moskvada Kremlin xəstəxanasında...
15 Avqust 2026, 21:36
"AZADLIQ və ANARXİYA"
İnsanın ən təhlükəli parçalanması güzgüdə görünmür. İnsan bəzən zahirən tamamilə normal həyat yaşayır: işləyir, gülür, danışır, ailə qurur, sosial şəbəkələrdə xoşbəxt şəkillər paylaşır, özünü azad və müstəqil hesab edir. Lakin bütün bunların arxasında daha dərin bir sual gizlənir: insan həqiqətən öz həyatını yaşayır, yoxsa ona yaşamalı olduğu həyatın rolunu oynayır? Bəzən insanın daxilində bir-birinə zidd iki ayrı istiqamət yaranır. Bir tərəfi sevgi, ailə, sədaqət və mənəvi bağlılıq istəyir, digər tərəfi isə heç kimə borclu olmadığını, heç kim üçün dəyişməməli olduğunu, həyatın yalnız şəxsi arzular üzərində qurulmalı olduğunu söyləyir. Bir tərəf ailə istəyir, digər tərəf ailəni azadlığın qarşısında maneə kimi görür....
15 Avqust 2026, 21:29
