Üzdəki ləkələr və şişkinlik daxili orqanlarla bağlı ola bilərmi?
Tibb 17 İyun 2026, 09:45
423
İnsanlar əksər hallarda üzdə yaranan ləkələri, sızanaqları və ya şişkinliyi yalnız kosmetik problem kimi qiymətləndirirlər. Halbuki bəzi hallarda dəridə baş verən dəyişikliklər orqanizmdə mövcud olan müəyyən pozğunluqların əlaməti ola bilər.
Citypost.az xəbər verir ki, mütəxəssislərin sözlərinə görə, qaraciyərin fəaliyyəti pozulduqda dərinin görünüşündə müəyyən dəyişikliklər meydana çıxa bilər. Belə hallarda dəri əvvəlki parlaqlığını və təravətini itirir, üzdə ləkələr yaranır, dəri tonu qeyri-bərabər görünə bilər. Bununla yanaşı, bəzi insanlarda dəri daha solğun və yorğun təsir bağışlayır.
Bağırsaq sistemində yaranan problemlər də üz dərisinə təsirsiz ötüşmür. Həzm sisteminin normal işləməməsi, bağırsaq mikroflorasının pozulması və digər amillər nəticəsində üzdə sızanaqlar, müxtəlif səpkilər və hətta ödem əmələ gələ bilər. Bu səbəbdən müasir tibbdə dəri problemlərinə yanaşarkən yalnız xarici müalicə üsulları deyil, daxili orqanların fəaliyyəti də qiymətləndirilir.
Xüsusilə qadınlarda hormonal balansın pozulması da dərinin vəziyyətinə ciddi təsir göstərən amillərdəndir.
Hormonların normal səviyyədə olmaması dərinin elastikliyinin azalmasına, üz nahiyəsində şişkinliyin yaranmasına və ümumi qocalma əlamətlərinin daha erkən meydana çıxmasına səbəb ola bilər. Eyni zamanda saçlarda tökülmə, zəifləmə və parlaqlığın azalması kimi hallar da müşahidə edilə bilər.
Mütəxəssislər bildirirlər ki, bu səbəbdən estetik və ya dəri problemləri ilə müraciət edən şəxslərdə ilk mərhələdə orqanizmin ümumi vəziyyəti araşdırılır.
Həmçinin oxuyun
Qaraciyərin fəaliyyəti, bağırsaq sisteminin durumu, hormonal fon və digər göstəricilər qiymətləndirilir. Problemin mənbəyi müəyyən edildikdən sonra müalicə və dəstəkləyici tədbirlər planlaşdırılır.
Həkimlərin fikrincə, daxili səbəblər aradan qaldırıldıqdan sonra dərinin və toxumaların bərpası istiqamətində əlavə tədbirlər görülür. Yaş artdıqca üz nahiyəsindəki əzələ və toxumalar da müəyyən dəyişikliklərə məruz qalır, elastikliyini qismən itirir. Buna görə də müalicə zamanı həm daxili balansın bərpasına, həm də dəri və yumşaq toxumaların dəstəklənməsinə diqqət yetirilir.
Mütəxəssislər vurğulayırlar ki, sağlam və gənc görünən dəriyə nail olmaq üçün təkcə kosmetik prosedurlar kifayət etmir. Orqanizmdə mövcud olan problemlərin vaxtında aşkarlanması, düzgün qidalanma, vitamin və mineral balansının qorunması, həmçinin sağlam həyat tərzi əsas şərtlərdən hesab olunur.
Bu səbəbdən üzdə davamlı ləkələr, şişkinlik, sızanaqlar və ya erkən qocalma əlamətləri müşahidə edilirsə, problemin yalnız xarici görünüşlə bağlı olmadığını nəzərə almaq və mütəxəssis müayinəsindən keçmək tövsiyə olunur. Bu yanaşma həm dərinin sağlamlığını qorumağa, həm də orqanizmdə mövcud ola biləcək problemlərin vaxtında aşkarlanmasına imkan yaradır.
Yeganə
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ənsədən başa yayılan “elektrik cərəyanı” kimi ağrı nəyin əlamətidir?
Bir çox insan başın arxa hissəsindən başlayaraq yuxarıya doğru yayılan kəskin ağrıları adi baş ağrısı və ya miqren hesab edir. Halbuki bu cür şikayətlər bəzi hallarda nevroloji mənşəli fərqli bir problemin – ənsə nevralgiyasının (oksipital nevralgiya) əlaməti ola bilər.Citypost.az xəbər verir ki, nevroloqların sözlərinə görə, bu vəziyyətdə problem beynin özündə deyil, başın arxa hissəsini hissiyyatla təmin edən oksipital sinirlərin qıcıqlanması, iltihablaşması və ya sıxılması ilə bağlı olur.Nəticədə xəstələr boyundan başlayaraq ənsəyə, oradan isə başın təpə hissəsinə, bəzi hallarda isə göz arxasına qədər yayılan ağrılardan şikayət edirlər.Mütəxəssislər bildirirlər ki, ənsə nevralgiyası zamanı ağrı adi baş ağrısından fərqli xarakter daşıyır. Xəstələr ağrını...
17 İyun 2026, 10:30
Hashimoto xəstəliyi nədir və hansı əlamətlərlə özünü göstərir?
Son illərdə ən çox rast gəlinən qalxanabənzər vəzi xəstəliklərindən biri də Hashimoto tireoiditi hesab olunur. Bu xəstəlik autoimmun xəstəliklər qrupuna daxildir və orqanizmin öz immun sisteminin qalxanabənzər vəzinin hüceyrələrinə qarşı hücum etməsi nəticəsində yaranır.Citypost.az-ın məlumatına görə, mütəxəssislərin sözlərinə görə, normal halda immun sistemi orqanizmi virus, bakteriya və digər yad təsirlərdən qoruyur. Lakin Hashimoto xəstəliyi zamanı immun sistemində pozğunluq yaranır və orqanizm öz toxumalarını yad toxuma kimi qəbul edərək onları məhv etməyə çalışır.Nəticədə qalxanabənzər vəzinin fəaliyyəti tədricən zəifləyir və hormon çatışmazlığı meydana çıxır.Bu proses zamanı qanda əsasən anti-TPO (tiroid peroksidaza qarşı anticisimlər) və anti-TQ (tireoqlobulinə qarşı anticisimlər) adlanan göstəricilər yüksəlir. Həmin...
17 İyun 2026, 08:33
Eqzema yoluxucu deyil, lakin təkrarlana bilər
Eqzema yoluxucu deyil, lakin təkrarlana bilərEqzema dərinin ən çox rast gəlinən iltihabi xəstəliklərindən biridir və müxtəlif yaş qruplarında müşahidə oluna bilər. Citypost.az xəbər verir ki, mütəxəssislərin sözlərinə görə, bu xəstəlik əsasən dəridə quruluq, qızartı, qabıqlanma və qaşınma kimi əlamətlərlə özünü göstərir. Bəzi hallarda isə dəri səthində çatlar, soyulmalar və hətta ağrılı yaralar əmələ gələ bilər.Dermatoloqlar bildirirlər ki, eqzemanın yaranmasında bir neçə amil rol oynayır. Bunların arasında genetik meyillilik, allergik reaksiyalar, güclü stress, immun sisteminin həssaslığı, eləcə də kimyəvi və kosmetik vasitələrin uzunmüddətli istifadəsi xüsusi yer tutur. Xüsusilə məişətdə tez-tez istifadə olunan qab yuyan vasitələr, təmizləyici maddələr, dezinfeksiyaedicilər və müxtəlif kimyəvi məhsullar...
16 İyun 2026, 10:30
Gənclik sızanaqları ilə sızanaq xəstəliyini qarışdırmaq olmaz
Sızanaqlar yeniyetməlik dövrünün ən geniş yayılmış problemlərindən biridir və əksər hallarda insan orqanizmində baş verən təbii dəyişikliklərlə əlaqədardır. Citypost.az-ın məlumatına görə, mütəxəssislər bildirirlər ki, gənclik sızanaqları adlandırılan bu hallar əsasən keçid dövrünün əlaməti hesab olunur və əksər insanlarda müxtəlif dərəcələrdə müşahidə edilir.Dermatoloqların sözlərinə görə, yeniyetməlik dövründə orqanizmdə hormonal və endokrin dəyişikliklər baş verir. Bu dəyişikliklər nəticəsində dəri piy vəziləri daha aktiv işləməyə başlayır, nəticədə dəridə sızanaqlar əmələ gəlir. Bu səbəbdən də gənclik sızanaqları əksər hallarda təbii fizioloji proses kimi qiymətləndirilir və ciddi narahatlıq doğurmur.Mütəxəssislər qeyd edirlər ki, belə hallarda əsas məsələ düzgün dəri qulluğu və vaxtında aparılan müalicədir. Sızanaqların müalicəsində yalnız...
16 İyun 2026, 09:15
Dermatoloq açıqladı: Saçı həftədə neçə dəfə yumaq lazımdır?
Saç baxımı ilə bağlı ən çox verilən suallardan biri də saçların hansı tezliklə yuyulmasının daha düzgün olmasıdır. Bir çox insanlar tez-tez saç yumağın zərərli olduğunu düşünsələr də, mütəxəssislər bildirirlər ki, saçların yuyulma tezliyi hər kəs üçün eyni deyil və bu, ilk növbədə saç dərisinin xüsusiyyətlərindən asılıdır.Citypost.az xəbər verir ki, dermatoloqların sözlərinə görə, yağlı saç dərisinə malik insanlarda saçların daha tez-tez yuyulmasına ehtiyac yaranır. Belə şəxslər saçları yağlandıqca, hətta hər gün belə yumaqda narahatlıq keçirməməlidirlər. Çünki saç dərisində yığılan artıq piy, toz və digər çirklər həm narahatlıq yarada, həm də müxtəlif dəri problemlərinin meydana çıxmasına səbəb ola bilər.Mütəxəssislər qeyd edirlər ki,...
16 İyun 2026, 08:30
Ağcaqanad sancması niyə bəzi insanlarda güclü şişkinlik yaradır?
Yay aylarının gəlişi ilə birlikdə ağcaqanad sancmaları da insanların gündəlik həyatında daha çox rast gəlinən problemlərdən birinə çevrilir. Əksər hallarda ağcaqanad sancması yüngül qaşınma və kiçik qızartı ilə müşahidə olunsa da, bəzi insanlarda vəziyyət daha fərqli olur. Göz qapağının tamamilə şişməsi, yanağın qabarması, ətraflarda iri ölçülü şişkinliklərin yaranması və güclü qaşınma halları müşahidə edilə bilər. Bu isə çox vaxt ağcaqanad sancmasına qarşı yaranan allergik reaksiyanın göstəricisi hesab olunur.Citypost.az xəbər verir ki, Mütəxəssislərin sözlərinə görə, ağcaqanad hər insanı sancsa da, hər orqanizm bu sancmaya eyni şəkildə reaksiya vermir. Ağcaqanad qan sorarkən dərinin altına öz ağız suyunu ifraz edir. Bu mayenin tərkibində...
15 İyun 2026, 10:45
