İradə İsak: Bizdə yanlış edənlər fenomenə çevrilir

Çox sevilən aktyor Ozan Güvən sevgilisini döyüb. Qadın üzü-gözü gömgöy halda şəkillər paylaşıb. Ondan sonra Ozan Güvən Türkiyədə heç bir yerə sərbəst gedə bilmir. Onu görən qadınlar restoranda, klubda ayağa qalxıb, ona öz etirazlarını bildirir, olduğu yerdən uzaqlaşdırırlar. Ozan Güvənin sosial şəbəkə hesablarında abunələrin sayı da kəskin azalıb. 

Cəmiyyət diri olanda insanlığı ölməyə qoymur.

Citypost.az xəbər verir ki, tanınmış jurnalist İradə İsak facebook səhifəsində bildirib.

"Bizdə isə yanlış hərəkət edən, danışan, cəmiyyətin mənəviyyatını dağıdaraq, digər əməllər, sözlər, məsuliyyətsiz çıxışlarla gündəmi bəzəyən insanlar fenomenə çevrilir. Hətta daha çox görünür, daha çox qazanırlar. Bəzən adi bir adam mühüm şəxsə çevrilir! 

Təəssüf ku, bu, faktdır, cəmiyyətimizdə riyakarlıq çox güclüdür, qeybət möhtəşəmdir. Guya həmin adamı qınayırlar, özünü bir məclisdə görəndə isə hamı yaxınlaşıb, şəkil çəkdirir.

Yadımdadır, TV də çalışdığım zamanlarda məni görənlər bəzi aparıcıları pisləyirdi. Həmin aparıcılar içəri girəndə isə qaçıb, onu qucaqlayıb, şəkil çəkdirirdilər.

Adamlar da haqlı olaraq soruşur: "Kim məni sevmir? Görənlər üstümə cumur, sosial şəbəkə səhifələrimin abunələri milyonları ötüb. Hamı paylaşımlara xoş sözlər yazır. Kim məni tənqid edir? Haradadırlar? Mən onları görmürəm axı." 

Haqlıdırlar! Görmürlər axı! Gördükləri ancaq inkişaf, hörmət, açılan minlərlə qucaqlar, saxta təriflər, yüksək qonorar, saysız reklam təklifləridir. 

İndi artıq ölkəmizdə məşhur olmağın öz kriteriyası var. "Birini söy, ya hamının inandığı şeyin əleyhinə danış, OL ulduz. Söysünlər də, əsas odur məşhurlaşacaqsan." Sonra sponsor olmaq istəyənlər sıraya duracaq. 

Özdəyəri, özünə hörməti olmayan kütlə daim idarə olunacaq. Kütlə isə hələ millət olub demək deyil.

Hal-qəziyyə budur! 

Əgər hələ də 60 yaşındakı ailə böyükləri evdə ağız-ağıza verib, dalaşırsa, deməli, o evdə psixoloji anlamda yetkin şəxs yoxdur. Böyük şəxslər dalaşmaz. Oturar, problemi müzakirə, nəticələri analiz edər və ümumi qərar çıxararlar.

Həmçinin qeybət edən, dalaşan, əsəbini idarə edə bilməyən aqressiv 20-80 yaş arası nə qadın, nə kişi, nə millət böyüyə bilməz. Kütlə psixologiyası isə yaxşı yerə aparmır.

Böyümüş insanların olmadığı cəmiyyətin nə dəyərləri olacaq ki, özü də milli-mənəvi...

Onlar meşə qanunları ilə yaşayır. Kim güclüdür, onun əlinin altındadırlar.

Təəssüf... Bu qədərini Sovet də bacarmamışdı. " - deyə İradə İsak yazıb

Həmçinin oxuyun

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Yeganə