İlon Mask bu sənədli filmə görə məhkəmə ilə hədələdi

İlon Mask haqqında çəkilmiş yeni sənədli filmin yaradıcıları məhkəmə ilə hədələnib.

Citypost.az xarici KİV-lərə istinadən xəbər verir ki, Maskın vəkili Aleks Spiro “Musk” adlı dörd saatlıq sənədli filmin prodüserlərinə məktub göndərərək ekran əsərinin milyarderin nüfuzuna xələl gətirdiyini bildirib.

Vəkil filmin əvvəlcədən müəyyənləşdirilmiş nəticə əsasında hazırlandığını və rejissor Aleks Gibninin filmdə yer alan məlumatları Mask və ya ona yaxın şəxslərlə yoxlamaqdan imtina etdiyini iddia edib. “Musk” filmi Oskar mükafatlı rejissor Aleks Gibni tərəfindən hazırlanıb. Ekran əsərində Maskın karyerası, şəxsi həyatı və sahibkarlıq fəaliyyəti, həmçinin onun texnologiya sahəsində yüksəlişi araşdırılır.

Maskın tərəfi filmin yaradıcılarından görüntülər, müsahibə transkriptləri, tədqiqat materialları və daxili yazışmalar da daxil olmaqla bütün sənədləri qorumağı tələb edib.Filmin prodüser şirkəti isə cavabında ictimaiyyətə tanınmış şəxslərin araşdırılmasının ABŞ Konstitusiyasının Birinci Düzəlişi ilə qorunduğunu bildirib.

İlon Mask daha əvvəl sahibi olduğu “X” platformasında filmi tənqid edərək onu “uydurma hücum” adlandırıb.

Turan