Pilləkən qalxarkən dizlərinizdən səs gəlirsə, diqqətli olun

Son illər diz ağrıları və oynaq problemləri təkcə yaşlı insanlarda deyil, gənclər arasında da daha çox müşahidə olunur. Xüsusilə səhərlər yuxudan oyandıqdan sonra hərəkətə başlamaqda çətinlik çəkmək, pilləkən qalxarkən dizlərdən səs gəlməsi, uzun müddət oturduqdan sonra ayağa qalxarkən ağrı hiss edilməsi və gecələr ağrı səbəbindən rahat yata bilməmək artrozun ilk əlamətləri ola bilər. Mütəxəssislər bildirirlər ki, bu şikayətlərə vaxtında diqqət yetirilməzsə, xəstəlik irəliləyərək oynağın funksiyasını ciddi şəkildə poza bilər.

Citypost.az xəbər verir ki, Ortoped-travmatoloqların sözlərinə görə, artroz oynaq qığırdağının tədricən aşınması ilə xarakterizə olunan xroniki xəstəlikdir. Sağlam qığırdaq sümüklərin bir-birinə sürtünməsinin qarşısını alır və hərəkəti asanlaşdırır. Lakin zaman keçdikcə və ya müxtəlif risk faktorlarının təsiri ilə qığırdaq nazilir, elastikliyini itirir və nəticədə sümüklər bir-birinə sürtünməyə başlayır. Bu isə ağrı, hərəkət məhdudluğu, oynaqda xırıltı və şişkinlik kimi əlamətlər yaradır.

Həkimlər bildirirlər ki, artrozun yaranmasına artıq çəki, yaşlanma, diz travmaları, ağır fiziki iş, irsi meyillilik və hərəkətsiz həyat tərzi təsir göstərən əsas amillərdəndir. Xəstəlik ilkin mərhələdə yalnız hərəkət zamanı narahatlıq versə də, müalicə olunmadıqda ağrılar istirahət zamanı, hətta gecə saatlarında da davam edə bilər.

Mütəxəssislər vurğulayırlar ki, artrozun qarşısını almaq və ya inkişafını ləngitmək üçün ilk növbədə sağlam həyat tərzinə riayət etmək vacibdir. Bədən çəkisinin normada saxlanılması, müntəzəm yüngül fiziki aktivlik, üzgüçülük və oynaq əzələlərini gücləndirən məşqlər dizlərin sağlamlığını qorumağa kömək edir.Bununla yanaşı, həkim nəzarəti altında kalsium, maqnezium və D vitamini qəbul edilməsi sümük sağlamlığının qorunmasına dəstək verə bilər. Həmçinin qığırdaq toxumasını dəstəkləyən xondroprotektor preparatları müəyyən hallarda müalicənin tərkib hissəsi kimi təyin olunur. Lakin mütəxəssislər xəbərdarlıq edirlər ki, bu preparatlar yalnız həkim məsləhəti ilə və düzgün sxem üzrə qəbul edilməlidir. Özbaşına dərman istifadəsi gözlənilən nəticəni verməyə bilər.

Həmçinin oxuyun

Şahin Qurbanovdan xəbər var...  

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Həkimlər qeyd edirlər ki, dizlərdə davamlı ağrı, şişkinlik, hərəkət məhdudluğu və ya xırıltı yaranarsa, bunu yaşın təbii nəticəsi kimi qəbul etmək düzgün deyil. Vaxtında ortoped-travmatoloqa müraciət etmək, müayinədən keçmək və erkən mərhələdə müalicəyə başlamaq oynağın uzun illər sağlam qalmasına imkan yarada bilər.

Mütəxəssislərin fikrincə, düzgün qidalanma, aktiv həyat tərzi, həkim tövsiyələrinə əməl edilməsi və lazım gəldikdə uyğun vitamin-mineral dəstəyi ilə diz oynaqlarının ömrünü uzatmaq, artrozun inkişafını yavaşlatmaq və həyat keyfiyyətini qorumaq mümkündür. Sağlam oynaqlar isə rahat hərəkətin və aktiv həyatın əsas şərtlərindən biridir.

Əli