Sosioloq: Geyimin inkişafla əlaqəsi yoxdur

Sosioloq Elnar Bulud cəmiyyətdə vaxtaşırı müzakirə olunan geyim və inkişaf mövzusuna münasibət bildirib.

Citypost.az xəbər verir ki, Elnar Bulud qeyd edib ki, şortik və ya digər açıq geyim formaları ilə ölkələrin inkişaf səviyyəsi arasında hər hansı səbəb-nəticə əlaqəsi mövcud deyil. Sosioloqun fikrincə, inkişaf iqtisadi, siyasi, sosial və institusional amillərin təsiri altında formalaşan mürəkkəb prosesdir və onu geyim seçimi ilə əlaqələndirmək elmi əsaslara söykənmir.

E.Bulud bildirib ki, inkişaf nəzəriyyələri və akademik ədəbiyyatda heç bir ciddi tədqiqatçı hər hansı xalqın inkişafını geyim tərzi ilə izah etmir. Onun sözlərinə görə, bu mövzuda aparılan müzakirələr çox vaxt elmi yanaşmadan uzaq olur.

Sosioloq vurğulayıb ki, Qərb ölkələrinin inkişafı da geyim azadlığı və ya açıq geyim mədəniyyəti ilə bağlı deyil. O hesab edir ki, qısa və açıq geyimlərin yayılması daha çox sonrakı dövrlərdə baş verən sosial-mədəni dəyişikliklərin, o cümlədən seksual inqilabın və moda sənayesinin inkişafının nəticəsidir.

Həmçinin oxuyun

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Elnar Buludun fikrincə, cəmiyyətlərdə inkişaf məsələləri müzakirə olunarkən diqqət əsasən təhsil, elm, iqtisadiyyat, idarəetmə və institutların fəaliyyətinə yönəldilməlidir.