Məhkəmə qərarlarını dəyişdirmək adı ilə dələduzluq edənlərə hökm oxundu
Cəmiyyət 03 Sentyabr 2026, 15:31
352
Məhkəmə qərarlarını vətəndaşların xeyrinə dəyişdirmək və başqa vədlərlə dələduzluq etməkdə təqsirləndirilən Rəsul Abbasov, Fəqan Həsənov, Zamin İbrahov və Bəhruz Hacıyevin cinayət işi üzrə məhkəmə prosesi keçirilib.
Citypost.az xəbər verir ki, Şəki Ağır Cinayətlər Məhkəməsində hakim Tural Əfəndizadənin sədrliyi ilə keçirilən prosesdə hökm oxunub.
Hökmə əsasən, təqsirləndirilən Rəsul Abbasov, Fəqan Həsənov, Zamin İbrahov 7 il, Bəhruz Hacıyev isə 5 il müddətinə azadlıqdan məhrum ediliblər.
Qeyd edək ki, təqsirləndirilən şəxslərə qarşı Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham irəli sürülüb.
Həmçinin oxuyun
İttihama görə, təqsirləndirilən şəxslər Ədliyyə Nazirliyi, Konstitusiya Məhkəməsi, Ali Məhkəmədə, Bakı Apellyasiya Məhkəməsində yüksək vəzifələrdə çalışan qohumlarının və tanışlarının olduğunu bildirərək ayrı-ayrı şəxslərə dələduzluq etməklə ümumilikdə yüz min manat pul ələ keçiriblər.
Onlar yüksək vəzifədə çalışan qohum və tanışları vasitəsilə həbsdə olan vətəndaşları cinayət məsuliyyətindən azad edəcəklərinə, bu mümkün olmadıqda isə daha yüngül cəza almalarına kömək edəcəklərini vəd ediblər.
Zərərçəkmişlərdən yalnız birinə dəymiş ziyandan 6 min manat ödənilib, digər zərərçəkmişlərə ödəniş olunmayıb.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Vüqar Rəhimzadə: Tibb işçilərinə maaş artımı mühüm addımdır
Əhalinin sosial müdafiəsinin daha da gücləndirilməsi, sosial xidmətin səviyyəsinin yüksəldilməsi, bir sözlə, vətəndaş məmnunluğunun artırılması dövlətin həyata keçirdiyi siyasətin əsas tərkib hissəsidir. Ümummilli Lider Heydər Əliyevin siyasi kursunu son 23 ilə yaxın dövr ərzində uğurla davam etdirən Prezident İlham Əliyevin 2003-cü ildə səsləndirdiyi və hazırda reallıqda öz əksini tapan “Biz neft kapitalını insan kapitalına çevirməliyik!” çağırışı özündə əsas məqamları ehtiva edir. Təbii ki, burada söhbət insan amilinə verilən dəyərdən, ölkə əhalisinə göstərilən yüksək diqqət və qayğıdan gedir. Dövlət başçısı İlham Əliyev, həmçinin bu çağırışı da edib ki, iqtisadi artım qeyri-neft sektorunun hesabına olmalıdır. Bu hədəflər regionların malik olduğu potensialdan səmərəli...
03 Sentyabr 2026, 15:33
FAZİL MUSTAFA VƏ AQŞİN YENİSEYİN CƏMİL HƏSƏNLİYLƏ DİSKUSSİYADA SƏHVLƏRİ HAQDA 1-2 SÖZ
Tanınmış deputat Fazil Mustafa əvvəlcə Facebook şəbəkəsindəki paylaşımında, sonra “Gününsəsi” saytında gedən “Cəhalət dəllallığı” adlı 29.08.26 tarixli köşə yazısında ad çəkmədən belə bir fikir səsləndirib:“Cəmiyyətə arxivşünasları möhtəşəm tarixçi kimi sırıyanlar indi onların yalanlarının qurbanına çevrilməyə başlayırlar”.Böyük ehtimalla Fazil müəllimin atmacası Şah İsmayıl Səfəvi mövzusunda diskussiya apardığı opponenti, görkəmli tarixçi, kitabları dünya çaplı xarici universitetlərin kitabxanalarında saxlanılan, o universitetlərin bəzilərində dərs deyən Cəmil Həsənliyə ünvanlanıb.Amma yazı Cəmil Həsənliyə aid olsa da, olmasa da, qeyd etməliyəm ki, Fazil Mustafanın bu cür polemika fəndinə “minimalizasiya” deyilir.Minimalizasiya opponentin statusunu kiçiltmə, aşağılama cəhdidir və diskreditasiyanın – gözdən salmanın üsullarından biri, tərkib hissəsidir. Bu üsula ictimai-siyasi,...
03 Sentyabr 2026, 15:17
“BU BAŞ Kİ, DÜŞMƏNƏ XİDMƏT EDİR, MƏN ONA QULLUQ ETMƏRƏM"
“Azərnəşr”də çalışdığı zaman Bəhlul Əfəndi bədbin həyat tərzi sürmüş, həmişə Sovet işğalına qarşı barışmaz mövqe tutmuşdur. Bir gün alimə özünə fikir verməməsi, saçının uzunluğunu irad tutanda bu cavabı vermişdir. O, “Qurani-Kərim”i, “Şahnamə”ni orijinaldan dilimizə çevirmiş, “Məhəmməd peyğəmbərin və ailəsinin tarixi” kitabını yazmışdır. Elmi əsərləri, tərcümələri ilə yanaşı, Bəhlul Əfəndi “Behcət” (ərəbcə “gözəllik”, “nəciblik”) təxəllüsü ilə gözəl şeirlər müəllifi kimi də tanınmış, müasirləri onu hörmətlə “Bəhlul Əfəndi” çağırmışlar. Bundan əlavə, o, xalq yaradıcılığı ilə bağlı fundamental tədqiqatlar aparmış, Sarı Aşığın həyat və yaradıcılığının öyrənilməsində, onun bədii irsinin toplanmasında xüsusi səy göstərmişdir. Ədəbiyyatşünas alim kimi onun “Nizami və Qafqaz folkloru” əsəri, Nəbati irsinin...
03 Sentyabr 2026, 15:15
Ceyhun Bayramov ATƏT PA prezidenti ilə regional təhlükəsizliyi müzakirə edib
3 sentyabr tarixində Azərbaycan Respublikasının xarici işlər naziri Ceyhun Bayramov ölkəmizdə səfərdə olan ATƏT Parlament Assambleyasının Prezidenti Pere Xuan Pons Sampietro ilə görüşüb.XİN-dən Citypost.az-a verilən xəbərə görə, görüşdə Azərbaycan ilə ATƏT Parlament Assambleyası arasında əməkdaşlıq gündəliyində duran məsələlər, ATƏT məkanında mövcud təhlükəsizlik çağırışları, regionda vəziyyət, habelə Azərbaycan-Ermənistan sülh gündəliyi müzakirə olunub.Nazir Ceyhun Bayramov Azərbaycanın ATƏT Parlament Assambleyası ilə əməkdaşlığa əhəmiyyət verdiyini, parlamentlərarası dialoqun ATƏT məkanında qarşılıqlı anlaşmanın, etimadın və əməkdaşlığın təşviqində mühüm rol oynadığını qeyd edib. Bu çərçivədə, Azərbaycan Milli Məclisinin ATƏT PA çərçivəsində fəaliyyəti, qarşılıqlı səfərlər və müxtəlif səviyyələrdə keçirilən görüşlərin əlaqələrin inkişafına verdiyi töhfə vurğulanıb.Nazir Ceyhun Bayramov Azərbaycanın...
03 Sentyabr 2026, 14:58
Formula 1-ə görə bəzi məktəblərdə dərslər dəyişdirilir
2026-ci ildə Formula 1 Azərbaycan Qran-prisi dövründə yarışların keçiriləcəyi ərazilərdə yerləşən ümumitəhsil müəssisələrində tədris onlayn təşkil olunacaq.Bu barədə Citypost.az-a Məktəbəqədər və Ümumi Təhsil üzrə Dövlət Agentliyindən məlumat verilib.Bildirilib ki, bu barədə məktəb rəhbərliyinə və valideynlərə məlumat veriləcək.
03 Sentyabr 2026, 14:53
Afaq Yusiflinin təhsil haqqı məsələsinə AÇIQLAMA
"Afaq Yusiflinin təhsil haqqının ödənilməməsi ilə bağlı məsələ sırf texniki xarakter daşıyır və müvəqqətidir".Bu barədə APA-nın sorğusuna cavab olaraq, Azərbaycan Kinematoqrafçılar İttifaqından (AKİ) məlumat verilib.Bildirilib ki, problem AKİ-nin sədrliyinə sentyabrın 11-də keçiriləcək seçki konfransından sonra həllini tapacaq."Onu da qeyd edək ki, AKİ həmişə gənc kinematoqrafçılara dəstək olub, bundan sonra da onların inkişafına dəstək xətti davam edəcək. Ona görə də sosial mediada Afaq Yusifliyə AKİ nin dəstək olmayacağı məsələsi ilə bağlı yayılmış fikirlər əsassızdır", - məlumatda qeyd olunub.Qeyd edək ki, rejissor Afaq Yusifli 2025-ci ildə Mədəniyyət Nazirliyinin “Mədəni və yaradıcı sənayelər üzrə xüsusi Təqaüd Proqramı” çərçivəsində Avstraliyanın Melburn Universitetinin Bədii və...
03 Sentyabr 2026, 14:32
