“Öz xahişimlə işdən çıxıram” ərizəsini düşünmədən imzalamayın – Hüquqşünaslardan xəbərdarlıq  

Əmək münasibətlərində ən çox rast gəlinən problemlərdən biri işçilərin təzyiq altında “öz xahişi ilə işdən çıxma” ərizəsi yazmağa məcbur edilməsidir. Bir çox hallarda işəgötürənlər işçini könüllü şəkildə işdən çıxırmış kimi göstərməyə çalışır və bu da sonradan işçinin hüquqlarını ciddi şəkildə məhdudlaşdıra bilir.

Citypost.az xəbər verir ki, mütəxəssislər bildirirlər ki, işçi əslində işdən çıxmaq istəmədiyi halda belə ərizəni imzalaması gələcəkdə kompensasiya, məhkəmə müdafiəsi və digər hüquqların itirilməsinə səbəb ola bilər.

Hüquqşünasların sözlərinə görə, bir çox vətəndaş iş yerində təzyiqlə qarşılaşdıqda qorxuya düşür. İnsanlar düşünür ki, ərizəni yazmasalar, əmək kitabçasına mənfi qeyd salınacaq və ya “maddə ilə” işdən çıxarılacaqlar. Lakin hər bir hal qanun çərçivəsində ayrıca araşdırılmalıdır.

Mütəxəssislər qeyd edirlər ki, işçinin əmək fəaliyyətində ciddi intizam pozuntusu yoxdursa, işəgötürənin onu əsassız şəkildə cəzalandırması və ya hüquqlarını məhdudlaşdırması mümkün deyil. Belə hallarda əmək müqaviləsi, əmrlər, xəbərdarlıqlar və digər sənədlər hüquqi baxımdan yoxlanılmalıdır.

Onların sözlərinə görə, düzgün hüquqi strategiya seçildikdə işçinin həm iş yerində hüquqları qoruna, həm də qanunvericilikdə nəzərdə tutulmuş kompensasiyaları almaq imkanı yarana bilər.

Həmçinin oxuyun

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Deputat Zaur Şükürov: "Azərbaycan cənub marşrutlarındakı riskləri balanslaşdıran əsas qovşaqdır"   

Ali Məhkəmə Rauf Aslanovun “bazar”ını bağladı  

Ekspertlər vətəndaşlara tövsiyə edir ki, təzyiq altında heç bir sənədi tələsik imzalamasınlar və belə vəziyyətlə qarşılaşdıqları halda hüquqşünasa müraciət edərək əmək tarixçələrini və sənədlərini peşəkar şəkildə analiz etdirsinlər.

Əli