Ürək ağrısı ilə sinir ağrısını necə fərqləndirmək olar?  

Sinə nahiyəsində yaranan ağrılar insanların ən çox narahat olduğu şikayətlərdən biridir. Bir çox hallarda insanlar bu ağrının ürəkdən qaynaqlandığını düşünsələr də, bəzi hallarda ağrının səbəbi sinir sistemi, əzələlər və ya onurğa ilə bağlı problemlər ola bilər. Buna görə də ürək ağrısı ilə sinir ağrısını fərqləndirmək vacibdir.

Citypost.az-ın məlumatına görə, mütəxəssislərin sözlərinə görə, ürək mənşəli ağrı adətən fiziki fəaliyyət zamanı, məsələn yeriyərkən, pilləkən qalxarkən və ya hər hansı yük altında olarkən meydana çıxır. Bu ağrı daha çox sinənin ortasında sıxılma, göynəmə, yanma və ya ağırlıq hissi şəklində özünü göstərir. Bəzi hallarda ağrı sol qola, çiyinə, boyuna, çənəyə və ya kürəyə yayıla bilər. Ürək ağrısı çox vaxt istirahət etdikdən sonra azalır və ya tamamilə keçir.

Sinir və ya əzələ mənşəli ağrılar isə fərqli xüsusiyyətlərə malik olur. Belə ağrılar çox zaman insan sakit vəziyyətdə oturarkən, uzun müddət eyni vəziyyətdə qaldıqda və ya bədən mövqeyini dəyişdikdə meydana çıxır. Ağrı bəzən kəskin sancı, batma və ya müəyyən nöqtədə hiss edilən narahatlıq şəklində olur. Dərin nəfəs almaq, əyilmək və ya bədəni hərəkət etdirmək ağrının artmasına və ya azalmasına səbəb ola bilər.

Həkimlər bildirirlər ki, yalnız simptomlara əsasən dəqiq diaqnoz qoymaq həmişə mümkün deyil. Buna görə də sinə ağrısı olan şəxslər mütləq tibbi müayinədən keçməlidirlər.

Elektrokardioqram (EKQ), exokardioqrafiya, laborator analizlər və digər müayinə üsulları ağrının ürəklə bağlı olub-olmadığını müəyyən etməyə kömək edir.

Həmçinin oxuyun

Hakim Mirlətif Seyidovdan şikayət var... 

“Çox gözəl oyunçudur, başqa qüvvələrə güvənir ” — Ayaz Salayevlə Kinematoqrafçılar İttifaqı ətrafında MÜSAHİBƏ   

Buqələmun  - Şahin Qurbanovu da Vilyam Hacıyevin taleyi gözləyir?

Şahin Qurbanov yaxşı kabab bişirir... Xəstəxana direktoru ifşa olundu

Bundan əlavə, ürəyin fiziki yüklənməyə reaksiyasını qiymətləndirmək üçün stres-test müayinəsindən də istifadə olunur. Bu üsul vasitəsilə ürək mənşəli ağrılarla digər səbəblərdən yaranan ağrıları fərqləndirmək mümkündür.

Mütəxəssislər vurğulayırlar ki, sinə nahiyəsində yaranan hər bir ağrıya ciddi yanaşmaq lazımdır.

Xüsusilə ağrı ilə yanaşı nəfəs darlığı, soyuq tər, başgicəllənmə, ürəkbulanma və ya ürəkdöyünmə kimi əlamətlər də varsa, vaxt itirmədən həkimə müraciət edilməlidir. Erkən diaqnoz və düzgün müalicə həm ürək xəstəliklərinin, həm də digər sağlamlıq problemlərinin qarşısının alınmasında mühüm rol oynayır.

Əli