Mən dayaq axtarmadım, öz əlimdə çəliyəm — Şəhla Gündüz yazır
Söz adamı 04 İyun 2026, 14:19
5068
CityPost.az şair -publisist Şəhla Gündüzün şeirlərini təqdim edir:
Şəhla Gündüz (Abbasova - Mövsümova Şəhla Gündüz qızı) şair -publisist, AYB-nin və AJB-nin üzvü, "Xan qızı Natəvan" və "Mikayıl Müşfiq" mükafatları laureatı, Prezident təqaüdçüsü, müəllim.
Gizlənpaç
Ağrılarla gecə-gündüz bir gizlənpaç oynayıram.
Qeyb olmağa çalışsam da, tapırlar məni.
Onları bu ürəyimdən çətin ayıram,
Özlərinə rahat yuva yapırlar məni.
Ha qovuram, getmirlər ki...
Tükənmirlər, bitmirlər ki...
Vallah, bir gün bu zillətdən bezib, cana doyacağam!
Ağrıların gözlərini oyacağam!
Hamısına ölüm hökmü yazacağam!
Özümü dəli könlümün zəncirindən asacağam!
Allah, mənə "ağıl" ver!
Damla-damla yığıldım, gur bir əsəb seliyəm.
Mən dayaq axtarmadım, öz əlimdə çəliyəm.
Bu qədər "ağıllı"nın içində bir "dəli"yəm.
Allah, mənə ağıl ver!
Sən məni yaradanda, alçaq yaratmalıydın,
Nahaq sözün önündə yumşaq yaratmalıydın,
Bir məkirli, bir namərd uşaq yaratmalıydın,
Allah, mənə ağıl ver!
Yalanları uc-uca qoşub, düzə bilmirəm,
Həqiqəti deməkdən doyub bezə bilmirəm,
Mən "ağıl dəryası"nda neynim, üzə bilmirəm,
Allah, mənə ağıl ver!
"Ağıllı" bəndələrin tələb edir: “dağıl ver !
Son qətrəsinə qədər qısır olma, sağıl, ver!
Paran yoxsa, utanma, ayaqlara yıxıl ver!”
Ya onları dəli et, ya da mənə ağıl ver!
Allah, mənə ağıl ver!
Həmçinin oxuyun
Allah bilir…
Çiynim dayaq oldu pudlarla duza,
Baha başa gəldim neçə ucuza,
Canımı xərclədim cəfəng kabusa,
Vermədilər bu xərcimin qəbzini.
Kim deyir rahatla yanaşı oldum?!
Mən iki Şəhlanin savaşı oldum,
Dünyaya xam gəldim, eh, naşı oldum,
Tutammadım bu həyatın nəbzini.
Ovqatımdan neçə şeir fışqırır,
Hər bir kəlməm haqq, ədalət qışqırır,
İçimdə bir qara sevda hıçqırır,
Çəkinmə, yum bu sevdanın ağzını!
"Ağıllı"nin qırımından qorxuram,
Rişxəndindən, sarımından qorxuram,
Adamların haramından qorxuram,
Allaha yazmışam bütün ərzimi!
Mən öncə kim idim, indicə kiməm?!
Daha körüklənmir soyumuş sinəm,
Nəkarayam qismətinə dillənəm?!
Tanrım bilir əməlinin məğzini!
Bu da bir cür bəxtdir...
Ay aman, qara saçıma
Bu qar nə tez yağdı belə?!
Mənim bəxtim çoxdan yatıb,
Əsəbim oyaqdır belə!
Həyat imtahanı çətin,
Hər dəqiqəm sınaq altda,
Parasız ağlayan cibim
Bir yerimdir qınaq altda,
Durub, dövrəmə boylandım,
Neçə dostum torpaq altda,
Düşmənlərim sağdır belə!
Xoş güzəran yolu azıb,
Qayğılarım kəsə gəlir,
Çəkəninə bərəkallah!
Əziyyət o kəsə gəlir.
Bütün günü əlləşənə
Əlcə çörək nisyə gəlir,
Aclıq dərdi nağddir belə!
Sinirlərib, cinə minmə,
Həsəd çökəyinə enmə,
Mən susuram, sən də dinmə!
Bu da bir cür bəxtdir belə!
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Səməd Vurğun yaradıcılığı milli ədəbi fikrin və mənəvi dəyərlərin mühüm qaynağıdır – Xalq yazıçısı Anar
Səməd Vurğun Azərbaycan poeziyasının, milli ədəbi fikrin inkişafında misilsiz xidmətləri olan qüdrətli söz ustasıdır. Görkəmli şairin zəngin yaradıcılığı təkcə bədii-estetik xüsusiyyətləri ilə deyil, həmçinin humanizm və yüksək mənəviyyat ideyalarının təbliği baxımından bu gün aktuallığını qoruyub saxlayır.
01 Avqust 2026, 12:13
Onu Nil çayına bənzədirəm...
Bu gün dünya şöhrətli neftçi-alim, akademik, görkəmli ictimai xadim, SSRİ Elmlər Akademiyasının müxbir üzvü, AMEA-nın həqiqi üzvü və sabiq vitse-prezidenti, Dövlət mükafatı laureatı, müstəqil Azərbaycanın ikinci Dövlət katibi Midhət Abasovun 100 illik yubileyidir.Tanınmış publisist Bahəddin Həzinin Midhət Abasova həsr etdiyi və "Bizim yol" saytında dərc etdiyi yazını oxucularımızın diqqətinə təqdim edirikDemişdim, həyatda elə adamlarla qarşılaşırsan, görürsən, nə dostluğa yarayır, nə düşmənçiliyə.Bir qism adam var, onlara lap ürəyim yanır: ha çalışır, ha vuruşur, nəticə yoxdur. Günün sonunda əli boş qalıb; nəinki sevgi, heç nifrət də qazana bilməyib.Niyə?!Niyəsini deyim: o cür adamları saya salıb, heç nifrət eləyən də olmur...Bəli, insan üçün ən...
31 İyul 2026, 13:55
Corc Bernard Şoundan unudulmaz kəlamlar
O, Nobel nitqinə zarafatyana dediyi bu cümlə ilə başlamışdı: "Bilirəm ki, siz bu mükafatı mənə verib bura çıxışa çağırmaqda əsas məqsədiniz odur ki, görəsiniz ki, 70 yaşında bir qoca necə səyləyir.." Bu gün (26 iyul) həmin dahi "qoca"nın, Nobelin pul mükafatının qəpiyinə dəymədən hamısını “Gənc yazarlar” klubuna verən böyük ingilis dramaturqu və romançısı Corc Bernard Şounun (1856-1950) doğum günüdür. B.Şou "Piqmalyon" kimi ölməz əsərlərin müəllifi və Nobel mükafatı laureatı (1925), ictimai xadim, London iqtisadi və siyasi elmlər məktəbinin əsasını qoyanlardan biri, Şekspirdən sonra ingilis teatrında ən məşhur dramaturq, "Oskar" mükafatçısı (1939) idi.Öz açıq fikirləri ilə zəmanəsini qabaqlayan B.Şou...
26 İyul 2026, 13:52
Tanrıya ucalan səs itmədi! Əmir Pəhlivan yazır...
Əhməd bəy Ağaoğlunun qızı Sürəyya Ağaoğlu 1903-cü ildə Şuşada anadan olmuşdur. Atası böyük fikir adamı, ideoloq, hüquq professoru Əhməd bəy Ağaoğlu ilə birlikdə 1910-cu ildə Türkiyəyə mühacirət etmişdir. Uşaqlıq və gənclik illəri Türkiyə milliyyətçi ocaqları və Mustafa Kamal Paşa Atatürkün yaxın dostları arasında keçmişdir. Bir neçə dəfə atası Əhməd bəy Ağaoğlu ilə birlikdə Mustafa Kamal Atatürklə şəxsən görüşmüşdür.Türkiyənin ilk qadın vəkili, Beynəlxalq Qadın Hüquqşünaslar Cəmiyyətinin ilk prezidenti olan Sürəyya Ağaoğlu İstanbul Hüquq Fakültəsini bitirdiktən sonra ömrünün sonuna qədər vəkilliklə məşğul olmuşdur.1950-ci ildə Alman hüquqşünas Werner Taschenbreker ilə ailə qurmuşdur. Lakin bu izdivacdan onların övladı olmamışdır.Beynəlxalq Qadın Hüquqşünaslar Cəmiyyətinin ilk prezidenti...
24 İyul 2026, 12:34
Nazim Əhmədli - ŞEİR
Üzünü qoy sinəm üstə,gör səni necə yandırır;ürəyim gündüz üşüyür,həsrətim gecə yandırır;gün addıyır, düşür gecə,dəli sevgi bir işgəncə;çınqısı çatıb indicəhələ, təzəcə yandırır;bu dərd mənə gəldi, kimdən,qaçdım loğmandan, həkimdən;alovu qalxır içimdən,məni gizlicə yandırır;bilmədim nə sirr eliyib,qovub, lap yesir eliyib;könlümü əsir eliyib,dərd içə-içə yandırır;mən dəli sevda adamı,həsrət qırıb inadımı;sındırıb qol-qanadımı,doldurub peçə yandırır;ağ buludlar lələk-lələk,ruhum bir adsız kəpənək;ömrümüzü çərxi-fələk,yandırır, heçə yandırır.
24 İyul 2026, 11:30
ÜÇ ARİF - Əlabbas Bağırov yazır...
SiqaretƏvvəl-əvvəl Arifi tanıdım, sonra Arif Məmmədovu, axırda da Arif Əmrahoğlunu. Məndən ötrü bu üç imzanın hər biri fərdi dəyərlərə sahib başqa-başqa insanlar idi. Bilməyənlər üşün deyim ki, Arif tələbə yoldaşım olub, beş il – 73-78 arası ADU-nun (indiki BDU) filologiya fakültəsində bir yerdə oxuyub, elə bir o qədər də xatirələri hələ də soyumayan tələbə yataqxanasında qapıbir qonşu olmuşuq. O illərdən çoxlarında çox şeyin, hətta sifətinəcən belə dəyişdiyini gördüm, amma elə şeylər oldu, onu heç ölüm də Arifə tərgidə bilmədi.Onu ılk dəfə 1973-cü il sentyabr ayının 1-də, o vaxt Azərbaycanda yeganə olan universitetin Kommunist küçəsində yerləşən binasının ikinci mərtəbəsinin uca dəhlizində,...
24 İyul 2026, 10:32
