Borca görə avtomobilin cərimə meydançasına aparılması hüquqidirmi? – Qanunsuz evakuasiya ilə mübarizə yolları
Hüquq 05 Avqust 2026, 08:00
1655
Sürücülərin gündəlik həyatda qarşılaşdığı en həssas və mübahisəli məsələlərdən biri də borc, ödənilməmiş cərimələr və ya icra qərarları səbəbindən avtomobilin cərimə meydançasına aparılmasıdır. Çox vaxt yol polisləri tərəfindən həyata keçirilən bu tədbir sürücülərdə ciddi narazılıq və çaşqınlıq yaradır. Lakin Azərbaycan Respublikasının İnzibati Xətalar Məcəlləsi və "İcra haqqında" Qanunun elmi-hüquqi təhlili göstərir ki, hər borc və ya cərimə faktı avtomobilin dərhal müraciət olunmadan mühafizə olunan dayanacağa aparılmasına əsas verə bilməz.
Citypost.az xəbər verir ki, hüquqi mexanizmə əsasən, avtomobilin cərimə meydançasına yerləşdirilməsi ciddi hallar daxilində mümkündür. İnzibati Xətalar Məcəlləsinin 96-cı maddəsinə əsasən, yalnız ödənilməmiş cərimə barədə qərarın üzərindən 2 aydan çox vaxt keçdikdə və ya məhkəmənin/icra orqanının rəsmi qərarı olduqda nəqliyyat vasitəsi saxlanıla bilər. Lakin burada ən kritik məqam odur ki, inzibati cərimə borcu olan sürücü cəriməni yerindəcə e-hökumət portalı və ya bank tətbiqləri vasitəsilə ödəyə bilərsə, avtomobilin evakuasiya olunması tamamilə qanunsuzdur. Borca görə dərhal maşının müsadirə olunub aparılması icra məmurunun və ya dyp əməkdaşının səlahiyyətlərini aşması kimi qiymətləndirilir.
Əgər avtomobiliniz qanunsuz olaraq evakuasiya edilibsə və ya yerində ödəniş etməyinizə baxmayaraq cərimə meydançasına aparılıbsa, ilk növbədə hüquqi prosedurları düzgün icra etmək lazımdır. Sürücü kənarlaşdırma haqqında protokolu tələb etməli, avtomobilin hansı əsasla aparıldığını sənədləşdirməlidir. Borcun ödənilməsinə dair qəbzin surətini təqdim etməklə nəqliyyat vasitəsinin dərhal azad olunması tələb edilməlidir. İcraçı orqan iddialara məhəl qoymadıqda, verilmiş qanunsuz qərardan aidiyyəti üzrə Baş Dövlət Yol Polisi İdarəsinə, Ədliyyə Nazirliyinin İcra Baş İdarəsinə və ya birbaşa məhkəməyə şikayət olunmalıdır.
Avtomobil şəxsi mülkiyyətdir və onun istifadəsinin məhdudlaşdırılması yalnız qanunla müəyyən edilmiş kəskin hallarda mümkündür. Mülkiyyət hüququnun qorunması üçün sürücülər öz hüquqlarını bilməli, əsassız evakuasiya zamanı psixoloji gərginliyə qapılmadan faktları hüquqi müstəvidə sənədləşdirməlidirlər. Qanunsuz olaraq dayanacaqda saxlanılan hər gün üçün ödənilən dayanacaq haqqı və vurulmuş maddi-mənəvi ziyan sonradan məhkəmə qaydasında cavabdeh qurumdan tələb oluna bilər.
Səkinə Yusifova/Citypost.az
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Boşanma zamanı birgə nikah dövründə alınan əmlakın bölgüsü qaydaları
Boşanma zamanı birgə nikah dövründə əldə olunmuş əmlakın bölgüsü ailə hüququnun ən çox mübahisə doğuran məsələlərindəndir. Qanunvericiliyə əsasən, nikah müddətində ər-arvadın qazandığı hər bir daşınan, daşınmaz əmlak onların birgə mülkiyyəti hesab olunur. Tərəflərdən birinin işləməməsi, ev təsərrüfatı ilə məşğul olması, uşaqlara baxması onun birgə mülkiyyət üzərindəki hüquqlarını məhdudlaşdırmır, payının bərabər tənzimlənməsinə maneə yaratmır.Citypost.az xəbər verir ki, bölgü prosesində tərəflərin mülkiyyətə çatacaq payları, bir qayda olaraq, bərabər — yarıbayarı müəyyən edilir. Ər-arvad arasında əmlak bölgüsü barədə qarşılıqlı razılıq olduqda, bu razılaşma notarial qaydada təsdiqlənən müqavilə ilə rəsmiləşdirilir. Razılıq əldə olunmadıqda isə məsələ məhkəmə müstəvisində həllini tapır. Məhkəmə yetkinlik yaşına çatmayan uşaqların...
14 Avqust 2026, 21:53
Məhkəmə prosesində şahid hüquqları və ifadə verməkdən imtina halları
Məhkəmə proseslərində ədalətin bərqərar olunması, iş üzrə həqiqətin müəyyən edilməsi üçün şahid ifadələri böyük əhəmiyyət kəsb edir. Qanunvericilik tərəfindən məhkəməyə çağırılan şahidlərin prosessual statusu, müdafiəsi üçün konkret hüquqlar, təminatlar müəyyən edilmişdir. Şahid müvafiq icraat çərçivəsində öz ana dilində və ya bildiyi dildə ifadə vermək, pulsuz tərcüməçi xidmətindən istifadə etmək, verdiyi ifadənin protokola düzgün yazılması ilə tanış olmaq hüququna malikdir. Həmçinin dindirilmə zamanı peşəkar vəkilin hüquqi köməyindən yararlanmaq, barəsində qanunsuz üsulların tətbiqinə qarşı şikayət etmək şahidə tanınan əsas təminatlardandır.Citypost.az xəbər verir ki, qanunvericilik bəzi hallarda şəxslərin şahid kimi dindirilməsini qadağan edir, yaxud onlara ifadə verməkdən imtina etmək hüququ verir. Şəxsin özünün,...
14 Avqust 2026, 21:33
İşdən çıxarılarkən işçinin hüquqları və təzminat alma qaydası
İşdən çıxarılma prosesi əmək münasibətlərində işçilərin hüquqlarının, sosial-iqtisadi maraqlarının xüsusi həssaslıqla qorunmalı olduğu mərhələdir. Azərbaycan Respublikasının Əmək Məcəlləsinə əsasən, işəgötürən özbaşına, qanunsuz şəkildə işçini vəzifəsindən kənarlaşdıra bilməz. Əmək müqaviləsinə xitam verilərkən qanunvericiliyin tələblərinə dürüst əməl olunmalı, işçiyə çatacaq bütün ödənişlər, təzminatlar vaxtında, eksiksiz ödənilməlidir.Citypost.az xəbər verir ki, işçinin əsas hüquqlarından biri işdən çıxarılma səbəbindən asılı olaraq öncədən rəsmi xəbərdarlıq almaqdır. Müəssisənin ləğvi, işçilərin sayı və ya ştatların ixtisarı zamanı işəgötürən işçini azı iki ay öncədən yazılı şəkildə bilgiləndirməlidir. İxtisar zamanı işçinin əmək stajı nəzərə alınmaqla xəbərdarlıq müddəti dəyişə bilər. İşçi xəbərdarlıq müddəti ərzində həftədə bir iş gününü özünə yeni iş...
13 Avqust 2026, 19:50
Mənzil alarkən sənədləşmədə nəyə diqqət etməli?
Mənzil alışı insan həyatındakı ən vacib, məsuliyyətli maliyyə addımlarından biridir. Daşınmaz əmlak bazarında təkliflərin bolluğu fonunda hüquqi baxımdan problemsiz ev seçmək, gələcəkdə mülkiyyət itkisi, məhkəmə çəkişmələri ilə qarşılaşmamaq üçün sənədləşmə prosesinə xüsusi diqqət yetirilməlidir. Təcrübə göstərir ki, yalnız mənzilin xarici görünüşünə, təmirinə aldanıb sənədləri kifayət qədər araşdırmamaq ciddi fəsadlara yol aça bilir.Citypost.az xəbər verir ki, sənədləşmə prosesində birinci növbədə satıcının mülkiyyət hüququnu təsdiq edən əsas sənədlər tərəfsiz şəkildə yoxlanılmalıdır. Mənzilin çıxarışı (kupçası), Reyestr Xidmətindən alınan texniki pasportu, satıcının şəxsiyyətini təsdiq edən sənədlər tam qaydasında olmalıdır. Əmlakın üzərində hər hansı həbs, girov, ipoteka öhdəliyinin, üçüncü şəxslərin iddialarının olub-olmadığını dəqiqləşdirmək üçün notarius...
13 Avqust 2026, 16:57
Əmək müqaviləsi olmadan işləməyin təhlükələri
Əmək müqaviləsi bağlamadan çalışmaq işçi üçün ciddi maliyyə, hüquqi, sosial risklər yaradan əsas problemlərdən biridir. Qeyri-rəsmi məşğulluq ilk baxışdan tərəflər arasında sadə razılaşma kimi görünsə də, əslində işçini qanunvericiliyin verdiyi bütün müdafiə mexanizmlərindən, sosial təminatlardan məhrum edir. Rəsmi müqavilənin olmaması işəgötürənin öhdəliklərini hüquqi müstəvidən çıxarır, istənilən an işçinin hüquqlarının pozulmasına zəmin yaradır.Citypost.az xəbər verir ki, əmək müqaviləsiz işləməyin birinci kəskin təhlükəsi əməkhaqqının ödənilməməsi, yaxud gecikdirilməsi riskidir. Şifahi razılaşma zamanı işçi maaşını ala bilmədikdə bunu məhkəmə və ya aidiyyəti dövlət qurumları qarşısında sübut etmək həddindən artıq çətinləşir. Həmçinin işçinin ödənişli məzuniyyət, xəstəlik vərəqəsi üzrə müavinət, işdənçıxarma müavinəti almaq hüququ tamamilə ləğv...
13 Avqust 2026, 12:00
İstehlakçı hüquqları nədir? – Keyfiyyətsiz malı necə qaytarmaq olar?
İstehlakçı hüquqları vətəndaşların bazarda satın aldıqları mal, iş, xidmətlərin lazımi keyfiyyətdə olmasını, təhlükəsizliyini, eləcə də bu barədə dürüst məlumat almaq imkanını təmin edən hüquqi normalar məcmusudur. Gündəlik həyatda hər bir şəxs mağazadan, onlayn platformadan alış-veriş edərkən istehlakçı kimi çıxış edir. Əldə edilən malın keyfiyyətsiz, defektli, yararsız çıxması halında qanunvericilik alıcıya öz hüquqlarını bərpa etmək, vurduğu zərərin əvəzini tələb etmək üçün geniş imkanlar yaradır.Keyfiyyətsiz mal alındıqda istehlakçının qanunla müəyyən edilmiş bir neçə tələb sürmək hüququ vardır. Alıcı yararsız çıxan malı analoji keyfiyyətli malla əvəz etdirə, malın satış qiymətini uyğun dərəcədə azaltmağı tələb edə bilər. Həmçinin malın qüsurlarının satıcı hesabına pulsuz aradan...
13 Avqust 2026, 11:22
